History
Throwback Thursday: Nunavut up and running
On April 1, 1999, Canada’s youngest population took control of its largest territory. Here’s how Canadian Geographic covered the story.
- 2880 words
- 12 minutes
Mapping
ᖃᐅᔨᒪᔭᐅᓂᖓ ᓄᓇ
ᓄᓇᕗᑦ 25-ᕈᖅᑎᓪᓗᒍ, ᑕᐃᓯᔪᑦ ᐃᓄᐃᑦ ᐃᒻᒥᓂ ᐊᐅᓚᔪᓐᓇᓂᕐᒧᑦ ᓯᕗᓂᔅᓴᒥ ᓄᓇᕗᒻᒥ
ᑕᐃᕙᑦ ᖁᐊᕋᖅ ᐃᖃᓗᒻᒥᐅᑕᖅ, ᐃᖅᑲᓇᐃᔭᕐᕕᖏᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓯᕗᒧᑦᑎᑕᐅᒋᐊᕐᓗᑎ ᐃᓄᐃᑦ ᐱᔪᓐᓇᐅᑎᖏᑦ, ᐱᖅᑯᓯᖏᑦ ᐊᒻᒪ ᖃᓄᐃᖏᑎᐊᕐᓂᖏᑦ.
ᐅᑕᖅᑭᒍᓐᓇᑎᐊᖅᑐᒍᑦ. ᓇᓗᓇᐃᖅᓯᒍᑎᐅᔪᖅ ᖃᓄᐃᓕᖓᓂᖏᓐᓄᑦ ᐃᓄᐃᑦ. ᑖᓐᓇ ᐅᑕᖅᑭᒍᓐᓇᑎᐊᕐᓂᖅ ᐱᔨᑦᑎᖅᓯᒪᔪᑦ ᐅᕙᑦᑎᓐᓂ ᑕᐅᓴᖏᓐᓃᑦᑐᓂᑦ ᐊᕐᕌᒍᓂᑦ ᐆᒪᓯᒪᑐᐃᓐᓇᖏᓐᓇᖅᑕ ᐱᒡᒐᓇᖅᑐᒥᑦ ᓯᓚᖓᓂ ᐅᑭᐅᑕᖅᑐᒥ ᑭᓯᐊᓂ ᑲᔪᓯᓯᒪᑦᑎᐊᖅᑐᒍᑦ. ᐅᖓᑖᓂᐊᓚᐅᖅᑐᖅ ᐱᖓᓱᑦ ᖁᓕᑦ ᐊᕐᕌᒍᐃᑦ ᓇᓗᓇᐃᖅᑕᐅᒋᐊᓐᖓᕐᓂᖏᓐᓄᑦ ᑖᒃᑯᐊ ᐃᓄᐃᑦ ᐊᔾᔨᐅᖏᑦᑐᑦ ᓄᓇᖃᖅᑳᖅᓯᒪᔪᓂᑦ ᐃᓄᖏᓐᓂ ᑲᓇᑕᒥ ᓴᖅᑭᖅᑎᑕᐅᓂᖓᓄᑦ ᓄᓇᕗᑦ (ᓄᓇᕗᑦ) ᐃᐳᕈ 1, 1999−ᖑᑎᓪᓗᒍ. ᐅᑕᖅᑭᔪᓐᓇᑎᐊᕐᓂᕗᑦ ᖃᐅᒡᓴᖅᑕᐅᓚᐅᖅᑐᖅ. ᐱᔪᒥᓇᖅᑐᒥᓪᓕ, ᐊᑭᓖᑎᒃᑲᑦᑎᒍ ᓄᓇᖃᖅᑳᖅᓯᒪᔪᓂ ᐊᑎᖓ ᐅᕙᒍᑦ ᓄᓇᓕᒫᖏᓐᓄᑦ ᓄᓇᕗᒻᒥ ᓇᔪᖅᑕᖓᓂ ᐃᑲᔫᓯᐊᓂᐊᕐᓗᑎ ᐋᖅᑭᑦᑕᐅᓯᒪᔪᓂᑦ ᓄᓇᕗᒻᒧᑦ ᐊᖏᕈᑎᒥᑦ, ᐊᑦᑕᓇᐃᖅᓯᔪᓐᓇᓚᐅᖅᑐᒍᑦ ᓇᓗᓇᐃᖅᓯᒪᔪᓂᑦ ᐱᔪᓐᓇᐅᑎᓂᑦ ᓴᐳᒻᒥᓗᒍ ᐃᓅᓯᕆᕙᑦᑕᕗᑦ. ᕿᑎᐊᓄ ᐊᐅᕙᔾᔪᑎᑦᑎᓐᓄᑦ ᑕᒫᓃᖏᓐᓇᖅᓐᓯᒪᒐᑦᑕ, ᓯᕗᓂᐊᓗᐊᒍᑦ ᐊᑲᐅᓯᓯᒪᑎᓪᓗᒍ ᑲᓇᑕ.
ᒫᓐᓇ, ᓄᓇᕗᑦ ᐃᒻᒥᓂᖅᓱᓂᕐᒧᑦ ᐱᓪᓚᕆᐅᓕᖅᑐᓂ, ᐊᒻᒪ ᑲᓇᑕ ᑐᓂᓯᓪᓗᑎ ᓇᒻᒥᓂᖃᓂᕐᒥᑦ ᒐᕙᒪᑐᖃᒃᑯᑦ ᓄᓇᖏᓐᓂ ᐊᒻᒪ ᓄᓇᒦᖔᖅᑐᓂᑦ ᓄᓇᕗᑦ ᒐᕙᒪᒃᑯᖏᓐᓄᑦ, ᓄᓇᕗᑦ ᖃᓄᐃᑦᑐᓂᑦ ᑕᑯᔅᓴᐅᓂᖃᓂᐊᖅᑲᑦ?
ᖃᓄᐃᓘᖃᑦᑕᐅᑎᓂᖏᑦ ᓄᓇ (ᓄᓇ) ᐊᒻᒪ ᐆᒪᔪᐃᑦ (ᐆᒪᔪᐃᑦ) ᐃᓗᓕᓪᓗᐊᑕᕆᔭᖓ ᐃᓄᐃᑦ ᖃᓄᐃᖏᑎᐊᕐᓂᖏᓐᓄᑦ. ᐅᐊᑦᑎᐊᕈᐊᓗᓐᓂᑦ, ᑲᒪᒋᔭᖃᖅᓯᒪᔪᒍᑦ ᓄᓇᖓᓂ ᐊᒻᒪ ᐃᒪᖏᓐᓂ ᐊᑐᖅᑐᑎ ᐅᒥᐊᕐᒥ ᐊᒻᒪ ᖃᔭᖅ. ᐱᕕᔅᓴᖃᕐᕕᒋᔭᕗᑦ
ᕿᓂᕐᓂᕐᒨᕙᑦᑐᑦ, ᐃᓕᓐᓂᐊᓂᕐᒧᑦ ᐊᒻᒪ ᐊᑐᓕᕈᓐᓇᓂᕐᒧᑦ ᖃᓂᒋᔭᑦᑎᓃᑦᑐᓂ. ᖃᐅᔨᒪᓪᓗᒍ ᓄᓇ ᑐᑭᖃᖅᑐᖅ ᐆᒪᒃᑲᓐᓂᕈᓐᓇᖅᑐᑎᑦ ᐅᓪᓗᑲᓐᓂᕐᒥᑦ. ᖃᐅᔨᒪᓪᓗᒍ ᓄᓇ ᐊᔾᔨᒋᔾᔮᖏᑕᖓ ᓯᕗᓂᔅᓴᒥ. ᐊᑐᓕᕈᓐᓇᐃᓇᕐᓂᐊᖅᑕᕗᑦ ᓄᑖᑦ ᓴᓇᕐᕈᑎᑦ ᐊᒻᒪ ᐃᖏᕋᔾᔪᑎᐅᕙᑦᑐᑦ, ᐊᑐᖅᑐᒋᑦ ᐊᑦᑕᓇᐃᖅᓯᓗᓂ ᐊᐅᓚᑦᑎᔨᐅᓗᓂ ᐅᑭᐅᑕᖅᑐᒥ ᐃᓄᓐᓄᑦ, ᓄᓇᕗᒻᒥᐅᑕᓄᑦ ᐊᒻᒪ ᑲᓇᑕᓕᒫᒧᑦ. ᑕᑯᓐᓇᖅᑕᕋ ᐃᓄᒃ ᑳᐱᑕᓐᖑᓪᓗᓂ ᓯᑯᓯᐅᑎᒃᑯᑦ ᐅᒥᐊᕐᔪᐊᖓᓂᖃᐅᔨᓴᖃᑦᑕᖅᑐᑦ ᐃᒪᑦᑎᓐᓂ ᑕᐃᒪᐃᔅᓯᒪᒐᑦᑕ ᐅᒥᐊᕐᓄᑦ ᐊᒥᓱᒻᒪᕆᓐᓄ ᐊᕐᕌᒍᓄᑦ. ᐃᓄᐃᑦ ᐱᓂᐊᖅᑐᑦ ᐊᖏᓪᓕᒋᐊᖅᓯᒪᔪᓂᑦ ᐱᓯᒪᑦᑎᔨᐅᓂᕐᒧᑦ ᐱᓕᕆᐊᓂᑦ ᖃᐅᔨᓴᕐᓗᒍ ᓄᓇ ᖃᓄᐃᖏᑎᐊᕐᓂᖓᓄᑦ ᐊᒻᒪ ᐊᑦᑕᓇᐃᖅᓯᒪᓂᖓᓄᑦ. ᐊᒻᒪ ᐃᓄᐃᑦ ᑭᖑᓪᓕᖅᐹᒥ ᐅᖃᕈᓐᓇᓂᐊᖅᑐᑦ ᓄᓇᒦᖔᖅᑐᓂᑦ ᐊᒻᒪ ᕿᓂᓂᕐᒧᑦ ᐱᓕᕆᐊᓂᑦ — ᖃᐅᔨᒪᓪᓗᒋᑦ ᖃᓂᒋᔭᑦᑎᓃᑦᑐᑦ ᓄᑖᒥᑦ ᑐᑭᖃᓕᕐᓂᐊᖅᑐᑦ ᖃᐅᔨᓴᕐᓂᖃᖅᑎᓪᓗᑕ ᓄᓇᒦᖔᖅᑐᑦ ᐃᓗᐊᓃᑦᑐᓂᑦ.
ᐃᓅᓪᓗᖓ, ᐅᐱᒍᓱᑦᑐᖓ ᐅᕙᒍᑦ ᓴᓐᖏᔫᓂᖏᓐᓄᑦ ᐊᑐᓕᕈᓐᓇᓂᕐᒧᑦ ᑲᓇᑕᒥ ᐊᐅᓚᑦᑎᓇᓱᐊᖅᓯᒪᔪᓂᑦ. ᐊᔅᓱᕈᑦᑎᐊᓚᐅᖅᑐᒍᑦ ᓴᖅᑭᑎᑦᑐᒍ ᑖᓐᓇ ᓄᓇᕗᑦ, ᓴᐳᒻᒥᓪᓗᒋᑦ ᐃᓅᓯᕆᕙᑦᑕᕗᑦ — ᓄᓇᖓ, ᐃᒪᖓ ᐊᒻᒪ ᐆᒪᔪᐃᑦ: ᐅᖃᐅᓯᕗᑦ ᐊᒻᒪ ᐱᖅᑯᓯᕗᑦ; ᐊᒻᒪ ᐱᔪᓐᓇᐅᑎᕗᑦ ᐃᓄᓐᓄᑦ ᓇᒻᒥᓂᖅ ᒐᕙᒪᖓᑦ. 25−ᓂ ᐊᕐᕌᒎᓂᐊᖅᑐᓂᑦ, ᑖᓐᓇ ᓇᒻᒥᓂᖅ ᒐᕙᒪᖃᕐᓂᖅ ᑐᑭᒧᐊᖅᑎᑦᑎᓂᐊᖅᑐᑦ ᓯᕗᒧᒋᐊᕐᓗᑕ, ᖃᐅᔨᒪᓂᖏᓐᓂᑦ ᐃᓐᓇᑐᖃᖅᑎᓐᓂᑦ ᐊᒻᒪ ᐱᔪᒪᓂᕆᔭᖏᓐᓄᑦ ᒪᒃᑯᑦᑐᕗᑦ. ᐊᔅᓱᕈᓚᐅᕐᒥᔪᒍᑦ ᐃᒻᒥᓂᒃ ᐋᖅᑭᑦᑐᑕ ᐃᓚᒋᔭᐅᖃᑕᐅᓪᓗᑕ ᓯᓚᕐᔪᐊᒥ ᑮᓇᐅᔭᓕᕆᓂᕐᒥᑦ, ᐱᓗᐊᖅᑐᓂᑦ ᓴᓇᐅᒐᕐᓂᑦ ᐊᒻᒪ ᐱᖅᑯᓯᓂᑦ ᓴᓇᓯᒪᔭᑦᑎᓐᓂ, ᓴᓇᐅᒐᕐᓂᑦ ᐊᒻᒪ ᑕᕐᕆᔭᓕᐅᓂᕐᒥᑦ ᐃᓕᓴᕆᔭᐅᓯᒪᔪᑦ ᓯᓚᕐᔪᐊᒥᑦ, ᐊᒻᒪ ᓯᐊᒻᒪᐸᓪᓕᐊᖏᓐᓇᖅᑕᕗᑦ ᑮᓇᐅᔭᓕᐅᕋᓱᐊᓂᕐᒧᑦ ᐊᐅᓪᓚᖅᑎᑕᐅᔪᓂᑦ ᑲᓇᑕᒥ ᓂᕆᖃᑦᑕᒐᔪᑦᑕᑎᓐᓂ, ᓲᕐᓗ ᐃᖃᓗᐃᑦ ᐊᒻᒪ ᖃᓕᕋᓖᑦ.
ᑲᓇᑕ ᐱᓂᕋᓚᐅᖅᓯᒪᒻᒪᒍ ᐅᑭᐅᑕᖅᑐᖅ ᓇᒻᒥᓂᕆᓪᓗᓂᐅᒃ, ᑲᔪᓰᓐᓇᖅᓯᒪᔪ ᐊᔭᐅᖅᐅᓪᓗᓂ ᐊᐅᓪᓚᖅᑎᑕᐅᓗᓂ ᑮᓇᐅᔭᑐᕐᓂᖓ ᖃᓪᓗᓈᑦ ᓄᓇᖓᓐᓄᑦ. ᐃᓚᒋᓪᓗᓂᐅᒃ ᓄᓇᕗᒻᒧᑦ ᐊᖏᕈᑦ, ᐃᓄᐃᑦ ᓇᒻᒥᓂᖃᖅᑐᑦ 18 ᐳᓴᓐᑎᓂᑦ ᓄᓇᖓᓂ ᓄᓇᕗᑦ — ᒐᕙᒪᑐᖃᒃᑯᑦ ᓇᒻᒥᓂᖃᖅᑐᑦ 80 ᐳᓴᓐᑎᖓᓂ. ᑭᓯᐊᓂ ᓄᓇᓄᑦ ᐊᒻᒪ ᓄᓇᒦᖔᖅᑐᓄᑦ ᐱᔪᓐᓇᐅᑏᑦ ᐅᑎᖅᑎᑕᐅᓂᐊᖅᑐᑦ ᓄᓇᕗᒻᒧᑦ ᐊᒡᒋᖅᑐᓂᑦ ᐊᕐᕌᒍᓂᑦ, ᐃᓄᐃᑦ ᓯᐊᒻᒪᑎᓐᓂᐊᖅᑕᖏᑦ ᐅᕙᒍᑦ ᐱᓯᒪᑦᑎᔨᐅᓂᖏᓐᓄᑦ ᓄᓇᒥ, ᐃᓄᐃᑦ ᓇᒻᒥᓂᖅ ᐱᔪᒪᓂᖃᓂᕐᒧᑦ ᓯᕗᓂᔅᓴᖓᓂ ᑐᑭᖃᖅᑐᑦ ᐃᓱᒪᓕᐅᖅᑎᐅᓪᓗᑎ.
ᓅᓚᐅᖅᓯᒪᑎᓐᓇᑕ ᖁᓛᓂ ᓇᑦᑎᐅᑉ ᐊᓪᓗᖓᓂ , ᐃᓄᐃᑦ ᐅᑕᖅᑭᔪᓐᓇᑎᐊᕐᓂᖏᑦ ᐱᔾᔪᓯᐊᖅᑎᑕᐅᓂᐊᖅᑐᑦ. ᓇᑦᑎᕋᐃᒐᑦᑕᑎᑐᑦ, ᑕᐃᒫᔅᓴᓐᓇᖅ ᐱᔪᒪᓂᖃᖅᓯᒪᔪᑦ ᓯᕗᓂᕆᓚᐅᖅᑕᕗᑦ ᐊᑦᑕᓇᐃᖅᓯᓗᓂ ᐆᒪᓂᖏᓐᓄᑦ ᐃᓄᑦᑎᓐᓂ. ᐊᑕᐅᓯᐅᔪᖅ ᓇᓗᓇᐃᖅᓯᒪᔪᖅ: ᐃᓄᐃᑦ ᐃᒻᒥᒧᑦ ᒪᑭᑕᓂᐊᖅᑐᑦ ᐊᒻᒪ, ᐅᑕᖅᑭᔪᓐᓇᓂᖅᑎᓐᓄᑦ ᒻᒪ ᓴᓐᖏᔫᓂᑦᑎᓐᓄᑦ, ᐊᑐᓕᕈᓐᓇᕐᓗᒋᑦ ᓄᓇᒦᑦᑐᑦ ᖃᓂᒋᔭᕗᑦ. ᑭᓯᐊᓂ ᓯᕗᓂᔅᓴᒥ ᑕᑯᓐᓇᖅᑕᕋ, ᓄᓇᒋᔭᕗᑦ ᐊᑐᓕᕈᓐᓇᓂᐊᕐᓗᒋᑦ, ᖃᓂᒋᔭᑦᑎᓃᑦᑐᑦ ᐊᑐᓕᕈᓐᓇᓂᐊᕐᓗᑎ ᐅᕙᑦᑎᓐᓂ. ᐃᓄᐃᑦ ᐃᒪᐃᑦᑕᕆᐊᓖᑦ ᐊᒻᒪ ᐊᑦᑕᓇᐃᖅᓯᓂᐊᖅᑐᑦ ᓇᒻᒥᓂᖃᓂᕐᒧᑦ ᓄᓇᕗᒻᒥ. ᑕᐃᒪᐃᑦᑐᖅ, ᑐᑭᖑᒍᑦ, ᓄᓇᕗᑦ.
Advertisement
Are you passionate about Canadian geography?
You can support Canadian Geographic in 3 ways:
This story is from the March/April 2024 Issue
Related Content
People & Culture
With old traditions and new tech, young Inuit chart their changing landscape
For generations, hunting, and the deep connection to the land it creates, has been a mainstay of Inuit culture. As the coastline changes rapidly—reshaping the marine landscape and jeopardizing the hunt—Inuit youth are charting ways to preserve the hunt, and their identity.
- 5346 words
- 22 minutes
People & Culture
The Inuit future
Natan Obed, president of Inuit Tapiriit Kanatami, on the idea of a Inuit-Crown relationship, Canada’s Inuit homelands and the role of Inuit in the world
- 1597 words
- 7 minutes
People & Culture
Our land, our strength
Reflecting on 20 years of Canada’s newest territory, Nunavut
- 2009 words
- 9 minutes