Science & Tech
ᐃᓄᐃᑦ ᑕᑯᓐᓇᖅᑕᖏᑦ ᐱᒻᒪᕆᐅᓂᖏᑦ ᖃᓪᓗᓈᓄᑦ ᖃᐅᔨᓴᕐᓂᐅᔪᑦ ᑕᐃᒪᐃᓐᓂᖃᖅᑎᑕᐅᑎᓪᓗᒋᑦ ᐱᓕᕆᖃᑎᖃᖅᑐᑎᑦ ᓄᓇᓕᓐᓂᑦ. ᖃᓄᖅ ᓴᖑᒍᓐᓇᖅᑭᑕ ᒫᓐᓇᐅᔪᒥᑦ ᐊᑐᖅᑕᐅᕙᑦᑐᓂᑦ ᐃᑉᐱᒍᓱᓐᓂᖃᑦᑎᐊᓂᖅᓴᒧᑦ ᐊᑐᖅᑕᐅᔪᓐᓇᖅᑐᒥᑦ?
ᐱᖅᑯᓯᑐᖃᖏᑦ ᖃᓪᓗᓈᑦ (ᐃᓄᓪᓚᑦᑖᖑᖏᑦᑐᑦ) ᐃᓄᐃᑦ ᓄᓇᖓᓐᓂ, ᐅᕝᕙᓘᓐᓃᑦ ᐃᓄᐃᑦ ᓄᓇᖁᑎᖏᓐᓂ, ᑐᕌᕐᓂᖃᖅᑐᑦ ᐲᖅᓯᓂᕐᒥᑦ ᐱᐅᓛᖑᔪᓂᑦ ᐊᒻᒪ ᐋᓐᓂᖅᑎᕆᓂᖃᖅᑐᑎᑦ ᐱᐅᖏᓛᓂᑦ. ᐊᒥᓱᓂᖅᓴᓂᑦ ᖃᓄᐃᓘᖃᑦᑕᐅᑎᓂᖏᑦ ᓄᓇᖃᖅᑳᖅᓯᒪᔪᑦ ᐃᓄᖏᑦ ᒫᓐᓇ ᑕᐃᔭᐅᓕᖅᑐᖅ ᑲᓇᑕ ᐊᒻᒪ ᕿᓂᕈᒪᓯᒪᔪᑦ, ᐅᑭᐅᑕᖅᑐᒨᖅᓯᒪᔪᑦ ᖃᓪᓗᓈᑦ ᐊᐅᓚᑦᑎᓂᖏᓐᓄᑦ, ᖃᓄᐃᓘᖃᑦᑕᐅᑎᓂᖏᑦ ᐃᓄᐃᑦ ᐊᒻᒪ ᖃᓪᓗᓈᑦ ᐱᒋᐊᓚᐅᖅᓯᒪᔪᖅ ᐃᑲᔪᕈᒪᓂᖃᖅᑐᑎ ᑭᓱᑖᖅᑎᑕᐅᖏᓪᓗᑎ.
ᑕᕆᐅᑉ ᐊᑭᐊᓃᖔᖅᑐᑦ ᐅᑭᐅᑕᖅᑐᒨᓚᐅᖅᑐᑦ ᐱᐅᖏᑦᑐᓪᓗᑎ ᐸᕐᓇᓯᒪᓐᓇᑎ, ᐱᑕᖃᑦᑎᐊᕐᓇᑎ ᑕᐅᓴᖏᓐᓃᑦᑐᓂᑦ ᐃᓗᐊᓃᑦᑐᑦ ᖃᐅᔨᒪᔭᖏᓐᓂ ᐊᒻᒪ ᖃᐅᔨᒪᓂᐅᔪᑦ ᐱᔾᔪᑎᖃᖅᑐᑦ ᐆᒪᔪᓐᓇᓂᕐᒥᑐᐃᓐᓇᐅᖏᑦᑐᖅ ᑭᓯᐊᓂ ᐊᐅᓚᓂᖃᑦᑎᐊᖅᑐᓂᑦ ᐅᑭᐅᑕᖅᑐᒥ, ᐃᓄᐃᑦ ᐱᐅᓛᓂᑦ ᓴᓇᓯᒪᔪᓕᕆᔩᑦ, ᓄᓇᓯᐅᑕᑦ, ᖃᐅᔨᓴᖅᑏᑦ, ᓂᕿᑦᑎᐊᕙᓕᕆᔩᑦ, ᐊᖑᓇᓱᑦᑏᑦ, ᖃᐅᔨᒪᓂᐅᔪᓂᑦ ᐃᖏᕋᓯᑎᑦᑎᔩᑦ, ᓴᓇᖑᐊᖅᑏᑦ ᐊᒻᒪ ᒪᒥᓴᐃᔩᑦ. ᖃᓪᓗᓈᑎᓲᑐᖏᑦᑐᖅ ᖃᓪᓗᓈᑦ ᐊᑐᖅᑕᐅᖁᔭᖏᓐᓂ ᑲᓇᑕ, ᐃᒪᐃᒋᐊᖃᓚᐅᖏᑦᑐᑦ “ᖃᐅᔨᒪᓂᖃᑦᑎᐊᓕᕐᓗᑎ” ᓄᓇᒋᔭᖏᓐᓂ; ᐋᖅᑭᑦᑕᐅᖔᖅᑐᓂ ᐊᕙᑎᖓ ᐱᔪᒪᓂᕆᔭᖏᓐᓄᑦ, ᐆᒪᖃᑎᖃᓚᐅᖅᑐᑦ ᓄᓇᒥᑦ ᐊᒻᒪ ᐃᒪᕐᒥ ᐃᑉᐱᒍᓱᓐᓂᖃᑦᑎᐊᖅᑐᑎᑦ ᐊᒻᒪ ᑐᑭᓯᐅᒪᓂᖃᑦᑎᐊᖅᑐᑎ ᐃᓄᓐᓅᖏᑦᑐᖅ ᐱᕙᓪᓕᐊᓂᐅᔪᑦ ᐊᒻᒪ ᐃᓚᒌᓂᑦ.
ᐃᓄᐃᑦ ᐊᕿᑦᑑᓇᓱᐊᖅᓯᒪᔪᑦ ᖃᓪᓗᓈᓄᑦ ᓇᓗᓇᐃᖅᓯᔪᑦ ᓱᓂ ᐊᖏᔪᖅ ᓄᓇᖓᓂ “ᐱᐅᔫᓪᓗᓂ” ᐊᒻᒪ “ᐊᑦᑐᖅᑕᐅᓚᐅᖅᓯᒪᖏᑦᑐᖅ”— ᐊᑦᑐᖅᑕᐅᓚᐅᖅᓯᒪᖏᑦᑐᖅ, ᐃᒻᒪᖃ, ᐊᓪᓗᓈᓄᑦ, ᑭᓯᐊᓂ ᐃᓄᐃᑦ ᓇᓪᓕᒍᓱᓐᓂᖃᖅᓯᒪᔪᑦ ᐊᒻᒪ ᑲᒪᒋᔭᖃᑦᑎᐊᖅᓯᒪᔪᑦ ᓄᓇᒥᑦ ᐊᒻᒪ ᐃᒪᕐᒥ ᓵᔅᓯᒪᔪᑦ ᑲᒪᒋᔭᖃᓕᖅᑐᑎᑦ ᐊᒥᓱᓄᑦ ᐊᕐᕌᒍᓄᑦ.
ᓱᑲᑦᑐᒥ ᓯᕗᒧᑦᑎᒋᐊᕐᓗᒍ ᐅᓪᓗᒥᐅᓕᖅᑐᒧ ᑲᓇᑕ, ᐃᓄᐃᑦ ᐱᓇᓱᐊᖅᓯᒪᔪᑦ ᐅᖓᑖᓂ 20 ᐊᕐᕌᒍᓂᑦ ᐅᓪᓗᒥᐅᓕᖅᑐᒥ ᐊᖏᕈᒻᒥᑦ ᖃᓪᓗᓈᓄᑦ ᒐᕙᒪᓄᑦ, ᓴᖅᑭᑎᑦᑎᔪᑦ ᒫᓐᓇ ᑕᐃᔭᐅᓕᖅᑐᖅ ᓄᓇᕗᑦ — “ᓄᓇᕗᑦ” ᐃᓄᒃᑎᑐᑦ — ᐊᒻᒪ 19 ᒥᓕᐊᓐ ᑭᑉᐹᕆᑦᑐᑦ ᑭᓚᒦᑕᐃᑦ ᓄᓇᕗᑦ ᐅᓇᐅᓕᖅᑎᓪᓗᒍ ᐃᐳᕈ 1, 1999. ᑖᓐᓇ ᐊᖏᔪᒻᒪᕆᒃ ᓄᓇᑖᓂᕐᒧᑦ ᐊᖏᕈᑦ ᑐᓂᓯᔪᑦ ᐃᓄᐃᑦ ᒪᓕᒐᖅᑎᒍᑦ ᒐᕙᒪᖃᓂᕐᒥᑦ ᐱᖅᑯᓯᑐᖃᖏᑎᒍᑦ ᐊᒻᒪ ᒫᓐᓇᐅᔪᒥᑦ ᓄᓇᕗᑦ, ᐱᖃᓯᐅᑎᓪᓗᑎ ᐱᔪᓐᓇᐅᑏᑦ ᐱᖅᑯᓯᓄᑦ ᐊᑐᖅᑕᐅᕙᑦᑐᓂᑦ ᐅᖃᐅᓯᐅᑎᓪᓗᒍ ᓄᓇᓂ ᐊᐅᓚᑦᑎᓂᕐᒧᑦ ᐊᒻᒪ ᓇᒻᒥᓂᖅ ᐊᐅᓚᑦᑎᓂᕐᒧᑦ. ᓇᐃᓈᕐᓗᒍ: ᖃᓪᓗᓈᑦ ᐅᑭᐅᑕᖅᑐᒨᖅᑎᓪᓗᒋᑦ, ᐳᓛᖅᑎᐅᔪᑦ, ᐊᒻᒪ ᑕᐃᒪᐃᑦᑑᖏᓐᓇᖅᑐᑦ, ᐳᓛᖅᑎᐅᓪᓗᑎ ᐃᓄᐃᑦ ᓄᓇᖁᑎᖏᓐᓂ.
ᒪᓕᓐᓂᖃᖅᑐᑎ ᐃᓄᓐᓄᑦ ᓈᒻᒪᒋᔭᐅᔪᓂᑦ ᐊᑐᐊᒐᐃᑦ ᐋᖅᑭᑦᑕᐅᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓯᓚᑦᑐᓴᕐᕕᒃᔪᐊᑦ ᐊᒻᒪ ᐊᔾᔨᒌᖏᑦᑐᑦ ᐱᔪᓐᓇᑎᑦᑎᓂᕐᒧᑦ ᑎᒥᐅᔪᑦ, ᐊᒻᒪ ᑐᑭᓯᔭᐅᓯᒪᑦᑎᐊᖅᑐᑦ ᖃᐅᔨᓴᖃᑦᑕᖅᑐᓄᑦ ᖃᓪᓗᓈᓄᑦ ᖃᐅᔨᓴᓂᕐᒥᑦ, ᖃᐅᔨᓴᖅᑏᑦ ᕿᓂᕈᓐᓇᖅᑐᑦ ᓇᒥᑐᐃᓐᓇᖅ ᐱᑕᖃᖏᑦᑐᓂᑦ ᑎᑎᕋᖅᑕᐅᓯᒪᔪᓂᑦ (ᑭᒡᒐᖅᑐᐃᓂᖃᖅᑐᓂᑦ ᐊᒻᒪ ᑕᐃᒪᐃᓕᖓᓂᓪᓚᕆᖏᓐᓄᑦ) ᐊᒻᒪ ᖃᐅᔨᓴᖅᑐᑎ ᑭᐅᓗᑎ ᐊᐱᖅᑯᑎᐅᔪᒥᑦ — ᑭᓯᐊᓂᓕ ᑕᒪᓇ ᓇᒦᑎᑦᑎᕙ ᓄᓇᓕᓐᓂ ᖃᐅᔨᓴᖅᑎᑕᖃᖅᑎᑦᑎᔪᓂᑦ? ᐃᓄᐃᑦ ᑕᑯᓐᓇᖅᑕᖏᓐᓂ, ᖃᐅᔨᓴᖅᑏᑦ ᖃᐅᔨᓴᖃᑦᑕᖅᑐᑦ ᐅᑭᐅᑕᖅᑐᒥ ᓄᐊᑦᑎᓗᐊᖃᑦᑕᖅᑐᑦ ᖃᐅᔨᒪᓂᐅᔪᓂᑦ ᐊᒻᒪ ᓄᖅᑲᐅᓯᕐᓂᖃᖅᑐᑎᑦᓄᓇᖏᓐᓂ ᐊᒻᒪ ᑕᑯᔅᓴᐅᒍᓐᓃᖅᑐᑎ ᐅᖃᖃᑎᖃᓗᐊᕋᑎ ᐃᓄᖏᓐᓂ ᓄᓇᓕᒻᒥ.
ᐊᒥᓲᔪᑦ ᐊᐳᕈᑎᐅᔪᑦ ᐱᔪᓐᓇᑎᑦᑎᖏᑦᑐᑦ ᐃᓄᓐᓂᑦ ᐱᔭᔅᓴᐅᓂᖏᓐᓄᑦ ᖃᓪᓗᓈᓄᑦ ᖃᐅᔨᓴᖅᑕᐅᔪᓂᑦ ᖃᓄᐃᓐᓂᕆᔭᖏᓐᓂ, ᐱᖃᓯᐅᑎᓪᓗᑎ ᔮᒐᓐ ᐊᒻᒪ ᐊᑭᓕᖅᑕᐅᓯᒪᔪᑦ ᐃᓕᓐᓂᐊᕐᓂᓕᕆᓂᕐᒧᑦ ᐅᖃᓕᒫᒐᐃᑦ. ᓄᑖᑕᖃᓕᕆᐊᓗᖅᑎᓪᓗᒍ ᐱᑕᖃᕆᐊᖃᖅᑎᑕᐅᔪᓂᑦ ᓄᓇᓕᒻᒥ ᐃᓚᒋᔭᐅᑎᑦᑎᓂᕐᒥᑦ ᐊᒻᒪ ᖃᐅᓕᒪᓂᐅᔪᑦ ᐃᖏᕋᓯᑎᑕᐅᓂᖏᓐᓄᑦ ᑮᓇᐅᔭᖃᖅᑎᑦᑎᔪᓃᖔᖅᑐᓂᑦ, ᐃᒪᐃᑦᑑᔮᖅᑐᖅ ᑖᒃᑯᐊ ᖃᐅᔨᓴᖅᑏᑦ ᐊᔅᓱᕈᖃᑦᑕᖅᑐᑦ ᐃᓚᒋᓕᐅᔾᔭᐅᓗᑎ ᑖᒃᑯᐊ ᐊᑐᖅᑕᐅᕙᑦᑐᓄᑦ ᐅᐱᒍᓱᓐᓂᖃᖅᑐᓂᑦ ᐃᑉᐱᒐᓱᑦᑎᐊᖅᑐᓂ ᓄᓇᓕᒻᒥᐅᑕᓂᑦ. ᑖᓐᓇ ᐊᑐᖅᑕᐅᒐᔪᖃᑦᑕᕐᓂᖓ ᐊᔭᐅᖅᓯᒋᐊᖅᑐᑦ ᐲᖅᑕᐅᓯᒪᔪᓂᑦ ᐊᑐᖅᑕᑐᖃᐅᕙᑦᑐᑦ ᖃᓪᓗᓈᓄ ᖃᐅᔨᓴᓂᕐᒥᑦ ᓄᓇᖃᖅᑳᖅᓯᒪᔪᓂ ᐃᓄᖏᓐᓂ ᐊᒻᒪ ᓄᓇᖏᓐᓂ. ᐃᓚᒋᐊᕐᓗᒍ, ᐃᓄᐃᑦ ᓲᕐᓗ ᐊᓯᖏᑎᑐᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᑎᑐᑦ, ᐃᓱᒪᒋᔪᑦ ᓇᒻᒥᓂᖅ ᐃᓚᒋᔭᐅᓪᓗᑎ ᐊᕙᑎᒧᑦ; ᑕᐃᒪᐃᓐᓂᖓᓄᑦ, ᐃᖅᑲᓇᐃᔮᖑᔪᑦ ᓄᓇᖏᓐᓂ (ᖃᐅᔨᓴᖅᑎᐅᔪᖅ ᓄᐊᑦᑎᒐᓗᐊᕈᓂ ᐅᔭᖅᑲᓂᑦ, ᐆᑦᑐᖅᓯᔪᑦ ᐊᐳᑎᓂᑦ, ᐅᕝᕙᓘᓐᓃᑦ ᑕᑯᓐᓇᖅᑐᑎ ᕿᖅᑯᐊᓂᑦ ᐃᖅᑲᓇᐃᔮᖑᕕᒋᔭᖏᑦ.
ᐊᒥᓱᐊᓗᓐᓂᑦ ᐊᕐᕌᒍᓂᑦ ᐱᑦᑎᐊᖅᑕᐅᓯᒪᖏᒃᑲᓗᐊᖅᑐᑎ, ᑭᒡᒐᑐᖅᑕᐅᑎᐊᖏᓐᓂᖏᓐᓄᑦ, ᐋᓐᓂᖅᑎᕆᓂᕐᒧᑦ, ᐲᖅᑕᐅᓇᓱᐊᕐᓂᖏᑦ ᐱᖅᑯᓯᖏᑦ ᐊᒻᒪ ᖃᐅᔨᒪᓂᖏᑦ, ᐊᒻᒪ ᐊᑐᖅᑕᐅᓕᕐᓂᖓ ᖃᓪᓗᓈᓄᑦ ᖃᐅᔨᓴᕐᓂᖅ, ᐃᓄᐃᑦ ᑕᑯᓐᓇᖅᑐᑦ ᐱᒻᒪᕆᐅᓂᖓᓄ ᑖᒃᑯᐊ ᖃᓗᓪᓛᑦ ᖃᐅᔨᓴᕐᓂᖏᓐᓄᑦ ᑐᓂᓯᒍᓇᖅᑐᓂᑦ ᐱᔭᕇᖅᑎᓪᓗᒋᑦ ᐱᓕᕆᖃᑎᒋᓐᓂᒃᑯᑦ ᐊᒻᒪ ᐃᑉᐱᒍᓱᑦᑎᐊᓂᒃᑯᑦ ᓄᓇᓕᓐᓂᑦ. ᓱᓕᓂᕆᔭᖓᓕ ᑖᒃᑯᐊ ᐃᓄᐃᑦ ᖃᐅᔨᒪᔭᑐᖃᖏᑦ, ᐅᕝᕙᓘᓐᓃᑦ IQ, ᐊᒻᒪ ᖃᓪᓗᓛᑦ ᖃᐅᔨᓴᖅᑏᑦ ᐊᔾᔨᒌᖏᓐᓂᖃᓗᐊᖏᑦᑐᑦ. ᖃᐅᔨᓴᕐᕿᐃᓂᐅᔪᑦ ᐋᖅᑭᔅᓯᓇᓱᐊᖅᑐᑦ ᐊᑐᐊᒐᓕᐅᓪᓗᑎ
ᐊᑐᖅᑕᐅᖃᑦᑕᖅᑐᓂᑦ ᐃᑲᔪᖅᑕᐅᓗᑎ ᐃᓄᐃᑦ ᑐᑭᓯᓗᑎ ᐅᕙᒍᑦ ᓯᓚᕐᔪᐊᖓᓂ. ᐱᒻᒪᕆᐅᑎᑦᑎᔪᑦ ᖃᐅᔨᔭᐅᓯᒪᔪᓂᑦ,
ᖃᐅᔨᓴᕐᓂᐅᖃᑦᑕᖅᓯᒪᔪᓂᑦ, ᖃᐅᔨᔪᒪᓂᐅᔪᓂᑦ, ᓈᒻᒪᓴᖏᓂᒨᖓᔪᓂ, ᐊᑐᖅᑕᐅᑲᓐᓂᕋᔅᓴᐅᓂᖏᓐᓄᑦ, ᐱᑦᑎᐊᖅᓯᒪᓂᖏᓐᓄᑦ, ᑎᑎᕋᖅᑕᐅᓯᒪᔪᑦ ᐱᓯᒪᔭᐅᓂᖏᓐᓄᑦ ᐊᒻᒪ ᑕᐃᒪᐃᓪᓗᐊᖃᑎᖏᓐᓄᑦ ᕿᒥᕐᕈᓂᕐᒥᑦ.
ᐃᓄᐃᑦ ᖃᐅᔨᒪᔭᑐᖃᖏᑦ ᑐᑭᓯᔾᔪᑎᐅᔪᑦ ᓯᓚᕐᔪᐊᒧᑦ, ᓴᓇᔭᐅᓯᒪᔪᑦ ᐊᒻᒪ ᑐᓂᔭᐅᓪᓗᑎ ᑭᖑᕚᖏᓐᓄᑦ ᓇᓗᓇᐃᖅᓯᒪᔪᓂ ᐊᕕᑦᑐᖅᓯᒪᔪᓂᑦ ᐃᓱᒪᒋᔭᐅᔪᓂᑦ, ᖃᐅᔨᔭᐅᓯᒪᔪᓂᑦ, ᖃᐅᔨᓴᕐᓂᐅᖃᑦᑕᖅᓯᒪᔪᓂᑦ, ᖃᐅᔨᔪᒪᓂᐅᔪᓂᑦ, ᓈᒻᒪᓴᖏᓂᒨᖓᔪᓂ, ᐊᑐᖅᑕᐅᑲᓐᓂᕋᔅᓴᐅᓂᖏᓐᓄᑦ, ᐱᑦᑎᐊᖅᓯᒪᓂᖏᓐᓄᑦ, ᑎᑎᕋᖅᑕᐅᓯᒪᔪᑦ ᐱᓯᒪᔭᐅᓂᖏᓐᓄᑦ ᐊᒻᒪ ᑕᐃᒪᐃᓪᓗᐊᖃᑎᖏᓐᓄᑦ ᕿᒥᕐᕈᓂᕐᒥᑦ. ᐃᓄᐃᑦ ᖃᐅᔨᒪᔭᑐᖃᖏᑦ ᓴᓇᔭᐅᔭᐅᓯᒪᔪᑦ ᐃᑉᐱᒍᓱᓐᓂᕐᒥᑦ ᐊᒻᒪ ᑲᒪᒋᔭᖃᓂᕐᒥᑦ ᐊᓯᖏᓐᓂ ᐊᒻᒪ ᐊᕙᑎᒥᑦ, ᐱᕈᖅᑎᑎᓪᓗᓂ ᐱᐅᔪᓂ ᐃᑉᐱᒍᓱᓂᕐᒥᑦ ᐱᖃᓯᐅᔾᔨᑎᑦᑎᓪᓗᑎ ᐊᒻᒪ ᑐᓐᖓᓇᓂᕐᒧᑦ, ᓄᑖᓂ ᐃᓱᒪᒋᔭᖃᕈᓐᓇᓂᕐᒧᑦ ᐊᒻᒪ ᑭᓱᓂᑦ ᐊᑐᑦᑎᐊᓂᕐᒧᑦ, ᐊᒻᒪ ᐃᖅᑲᓇᐃᔭᖃᑎᒌᓐᓂᕐᒧᑦ. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓗᐊᓃᑦᑐᑦ ᐃᓄᐃᑦ ᐊᒻᒪ ᐃᑉᐱᒋᔭᐅᑦᑎᐊᖅᑐᑎ ᐃᓄᓐᓄᑦ ᖃᓪᓗᓈᓄᑦ ᖃᐅᔨᓴᕐᓂᑎᑐᑦ ᖃᐅᔨᓴᖅᑎᓄᑦ.
ᒫᓐᓇᐅᓕᖅᑐᒥᑦ, ᓄᑖᑦ ᐊᑐᖅᑕᐅᔪᓐᓇᖅᑐᑦ ᐊᒻᒪ ᐊᑐᖅᑕᐅᖃᑦᑕᖅᑐᑦ ᐃᑉᐱᒍᓱᑦᑎᐊᓂᕐᒥᑦ ᐊᒻᒪ ᐃᓄᓐᓄᑦ ᓈᒻᒪᒋᔭᐅᔪᓂᑦ ᖃᓪᓗᓈᑦ ᖃᐅᔨᓴᕐᓂᖏᓐᓄᑦ ᐃᓄᐃᑦ ᓄᓇᖓᓐᓂ ᓴᖅᑭᐸᓪᓕᐊᓕᖅᑐᑦ, ᑭᓯᐊᓂ ᐊᑐᖅᑕᐅᓂᖏᑦ ᐊᒻᒪ ᓈᒻᒪᑦᑐᓂ ᑐᑭᓯᔭᐅᓂᖏᓐᓄᑦ ᑐᔅᓯᕋᕐᓂᖅ ᐃᑉᐱᒍᓱᑦᑎᐊᓂᕐᒥᑦ, ᐃᓄᓐᓄᑦ ᓈᒻᒪᑦᑐᓂᑦ ᐊᒻᒪ ᐊᔾᔨᒌᑦᑎᑦᑎᓂᕐᒧᑦ ᖃᐅᔨᓴᓂᕐᒥᑦ ᓱᒃᑲᐃᑦᑐᖅ. ᐱᑎᑕᐅᔭᕆᐊᓖᑦ ᖃᐅᔨᓴᖅᑏᑦ ᐊᖏᔪᒥᑦ ᐱᕙᓪᓕᐊᓂᖃᖅᓯᒪᔪᑦ ᑕᐃᒪᓐᓇ ᖃᐅᔨᓴᓂᕐᒧᑦ, ᑭᓯᐊᓂ ᐅᖓᓯᑦᑐᑦ ᐊᑐᖅᑕᐃᓐᓇᐅᓕᕐᓗᓂ. ArcticNet, ᑲᓇᑕᒥ ᑲᑎᓐᖓᔪᑦ ᑲᑎᑦᑎᑦᑎᖃᑦᑕᖅᑐᑦ ᖃᐅᔨᓴᖅᑎᓂᑦ ᐊᒻᒪ ᐊᓯᖏᓐᓂ ᖃᐅᔨᒪᓂᓕᓐᓂᑦ ᖃᐅᔨᓴᕐᓗᑎ ᐊᑦᑐᖅᑕᐅᔪᓂᑦ ᓯᓚᖓᓄ ᐊᓯᔾᔨᕐᓂᖓᓄᑦ ᐊᒻᒪ ᐅᓪᓗᒥᒨᖓᓕᕐᓂᖓ ᐅᑭᐅᑕᖅᑐᖅ, ᓇᓗᓇᐃᖅᓯᑦᑕᐅᑎᒋᔪᑦ ᐊᑐᖅᑕᐅᓚᐅᖅᓯᒪᖏᑦᑐᓂ ᐊᑐᕐᓂᖃᖅᑐᑎᑦ.
ᐃᓛᓐᓂᒃᑯᑦ, ᖃᐅᔨᓴᖃᑦᑕᖅᑐᑦ ᐊᒻᒪ ᖃᐅᔨᓴᖅᑏᑦ ᐱᔪᒪᖃᑦᑕᖅᑐᑦ ᕿᕐᓂᖅᑕᒦᑦᑐᓂ ᐊᒻᒪ ᖃᑯᖅᑕᓂᑦ ᐊᑐᖅᑎᑕᐅᔪᓐᓇᖅᑐᓂᑦ ᐊᑕᐅᑦᑎᒃᑯᑦ ᐱᑕᖃᖅᑐᓂᑦ ᖃᐅᔨᒪᓂᖃᖅᑐᓂᑦ ᐊᒻᒪ ᓄᓇᖓᑎᒍᑦ ᐊᕕᑦᑐᖅᓯᒪᔪᓂᑦ. ᑕᕝᕙᓂ ᐊᑐᖅᑕᐅᓂᖓᓂ, ᐊᑐᓂ ᓄᓇᓖᑦ ᐊᒻᒪ ᐱᓕᕆᐊᑦ ᐊᔾᔨᐅᖏᑦᑐᑦ, ᓲᕐᓗ “ᐱᒡᒐᓇᖏᑦᑐᖅ” ᐊᑕᐅᓯᖅ ᐊᖏᓂᖓ ᑭᒃᑯᓕᒫᓄᑦ ᓈᒻᒪᑦᑐᖅ ᐋᖅᑭᒍᑎᐅᔪᑦ ᓈᒻᒪᐃᓇᖏᑦᑐᖅ. ᖃᓄᖅ ᓴᖑᑎᒍᓐᓇᖅᑲᕗᑦ ᐊᑐᖅᑕᐅᖏᓐᓇᖃᑦᑕᖅᑐᖅ ᐱᖃᓯᐅᔾᔨᓂᕐᒧᑦ, ᐃᑉᐱᒍᓱᑦᑎᐊᓂᕐᒧᑦ, ᐃᑉᐱᒍᓱᓐᓂᒃᑯᑦ ᐃᑲᔫᓯᐊᕐᓂᐊᖅᑐᖅ ᐱᕙᓪᓕᐊᓂᖓ?
ᑲᑎᓐᖓᔪᓅᕐᓗᓂ ᒪᒃᑯᑦᑐᓂ ᐃᓄᓐᓂᑦ ᓄᓇᕗᓕᒫᒥ ᐊᔾᔨᐅᖏᑦᑐᒥᑦ ᐃᓂᖓᓃᑦᑐᑦ. ᒪᑯᓐᓂᖏᑦ ᓈᒻᒪᑦᑐᑦ ᐃᕐᖏᓐᓈᕈᑎᖃᕐᕈᓐᓇᕐᓗᑎ ᐊᒻᒪ ᓄᑖᓂ ᐃᖅᑲᓇᐃᔭᐅᑎᓂᑦ ᐃᓅᓯᓕᒫᐸᓗᖏᓐᓂ, ᑭᓯᐊᓂ ᐃᓅᓯᒪᓪᓗᓂ ᐊᒻᒪ ᐱᕈᖅᓴᓯᒪᓪᓗᓂ ᐅᑭᐅᑕᖅᑐᒥ ᖃᐅᔨᑎᑦᑐᒋᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᓐᓇᑐᖃᖏᓐᓂ ᐊᒻᒪ ᖃᐅᔨᒪᓂᐅᔪᓂᑦ ᐱᔨᓯᒪᑦᑎᔨᓂᑦ. ᑕᑯᓯᒪᔪᑦ ᖃᐅᔨᓴᖅᑎᓂᑦ (ᐊᒥᓱᐊᑎᖅᑐᑎ) ᐃᑉᐱᒍᓱᖏᑦᑐᑦ ᐃᓄᓐᓂᑦ ᐊᒻᒪ ᖃᐅᔨᒪᓂᕆᔭᖏᓐᓂ ᐊᒻᒪ ᑐᓴᐅᒪᑎᑦᑎᓐᓇᑎ ᐱᔾᔪᑎᒋᔭᖏᓐᓂ ᐅᕝᕙᓘᓐᓃᑦ ᑐᓂᓯᓐᓇᑎ ᖃᓄᐃᓐᓂᕆᔭᖏᓐᓂ ᐃᖅᑲᓇᐃᔭᖅᑕᖏᓐᓂ. ᐃᓕᓴᖅᓯᔪᑦ ᑖᓐᓇ ᖃᐅᔨᓴᕐᓂᐅᔪᖅ ᖃᓪᓗᓈᓄᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒥᓱᓂᑦ ᐊᔾᔨᒌᓐᓂᖃᖅᑐᑦ ᐊᒻᒪ ᓴᓐᖓᑎᑦᑎᖃᑎᒌᔪᓐᓇᖅᑐᑦ ᑲᑎᑦᑎᑕᐅᑎᓪᓗᒋᑦ. ᓄᓇᓕᓐᓂ ᓄᓇᕗᓕᒫᒥ, ᒪᒃᑯᑦᑐᑦ ᑲᑎᓚᐅᖅᑐᑦ ᓴᖅᑭᑎᑦᑎᓪᓗᑎ ᒫᓐᓇ ᐊᑎᓕᐅᖅᓯᒪᓕᖅᑐᑦ ᑮᓇᐅᔭᓕᐅᕋᓱᐊᖏᑦᑐᑦ: ᐃᑳᕐᕕᒃ, ᑐᑭᖃᖅᑐᖅ “ᐃᑳᕐᕕᒃ.” ᓴᖅᑭᑎᑦᑎᖃᑦᑕᖅᑐᑦ ᐱᕕᔅᓴᐅᔪᓐᓇᖅᑐᓂᑦ ᒥᔅᓯᖃᑦᑎᐊᖅᑐᒥ ᐃᓚᒋᔭᐅᑎᑕᐅᓂᖏᓐᓄᑦ ᐅᑭᐅᑕᖅᑐᒥ ᓄᓇᖃᖅᑳᖅᓯᒪᔪᑦ ᒪᒃᑯᑦᑐᑦ ᐅᑭᐅᑕᖅᑐᒥ ᖃᐅᔨᓴᓂᕐᒥᑦ ᐊᒻᒪ ᐃᓱᒪᓕᐅᓂᕐᒥᑦ. ᐃᑳᕐᕕᒃ ᑐᑭᓯᓚᐅᖅᑐᑦ ᓴᖅᑭᑎᑦᑎᒋᐊᖃᓂᕐᒧᑦ ᖁᕝᕙᓯᑦᑐᓂ ᐃᓂᖏᓐᓂ ᖃᐅᔨᓴᖅᑎᓄᑦ ᐃᐱᒍᓱᑦᑎᐊᕐᓗᑎ ᐊᒻᒪ ᐱᖃᓯᐅᔾᔨᓗᑎ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᖅᑲᓇᐃᔭᖅᑕᖏᓐᓄᑦ. ᐊᑐᓕᖁᔭᐅᔪᑦ ᓇᓗᓇᐃᔭᐃᔪᑦ ᖃᓄᖅ ᑖᒃᑯᐊ ᐊᓯᔾᔨᖅᑐᑦ ᓈᒻᒪᓐᓂᖃᕐᓂᖏᓐᓄᑦ ᐊᒻᒪ ᐱᒡᒐᓇᖏᑦᑐᒥᑦ ᑐᕌᖅᑎᑕᐅᔪᓐᓇᖅᑐᑦ ᐊᔾᔨᒌᖏᑦᑐᓄᑦ ᐱᓕᕆᔨᓄᑦ ᐊᒻᒪ ᓄᓇᓕᓐᓄᑦ. ᐊᑦᑎᖅᑕᐅᓚᐅᖅᑐᖅ ᑖᓐᓇ ᐃᓱᒪᒋᔭᐅᔪᖅ “SciQ.”
ᐊᐱᖅᑯᑎᐅᖏᓐᓇᖅᑐᖅ ᓱᓕ, ᓱᒻᒪ ᐊᒥᓲᓂᖅᓴᐃᑦ ᖃᓪᓗᓈᑦ ᖃᐅᔨᓴᖅᑏᑦ ᐊᖏᕐᓂᖃᖏᓚᑦ ᑐᕌᖓᔪᓂᑦ ᐊᑐᖅᑕᐅᒋᐊᓕᓐᓂ ᓇᓗᓇᐃᔭᐃᓂᖃᖅᑐᑦ ᐃᑳᕐᕕᒻᒧᑦ (ᐊᓯᖏᑦᑕᐅᖅ ᐃᓄᐃᑦ ᐊᒥᓱᓄᑦ ᐊᕐᕌᒍᓄᑦ) ᐊᒻᒪ ᐊᑐᓕᖅᑎᑕᐅᓂᖏᓐᓄᑦ ᐃᓄᓐᓄᑦ ᑎᑎᕋᖅᑕᐅᓯᒪᔪᑦ ᐃᓄᓐᓄᑦ ᓈᒻᒪᒋᔭᐅᔪᓂᑦ ᐃᓱᒪᒋᔭᖃᓂᕐᒧᑦ ᐃᖅᑲᓇᐃᔭᖅᑕᖏᓐᓂ? ᓵᓐᓇ ᐊᐱᖅᑯᑎ ᐅᕙᓐᓄᑦ ᐃᓱᒪᒋᔭᕆᐊᖃᓚᐅᖅᑕᕋ “ᐱᖅᑯᓯᐅᓪᓗᓂ” ᐃᓕᓐᓂᐊᖅᑎᑕᐅᓯᒪᔪᖅ ᐃᓕᓐᓂᐊᕐᓂᓕᕆᓂᕐᒥᑦ ᖃᓪᓗᓈᑦ ᓄᓇᖓᓐᓂ ᑲᓇᑕᒥ ᐃᓕᓐᓂᐊᕐᓂᓕᕆᓂᕐᒦᔅᓯᒪᔪ 12 ᐊᕐᕌᒍᓂᑦ. ᐊᐅᓪᓚᖅᑎᑕᐅᓯᒪᔪᖓ ᐅᑭᐅᑕᖅᑐᒧᑦ ᓄᐊᑦᑎᓗᖓ ᖃᐅᔨᓴᕋᔅᓴᓂᑦ ᐊᒻᒪ ᑐᑭᓯᒋᐊᕈᑎᓂᑦ ᖃᐅᔨᓴᖅᑎᓄᑦ ᖃᐅᔨᓴᓂᕐᒥᑦ. ᑖᓐᓇ ᐃᖅᑲᓇᐃᔮᖑᔪᖅ ᐱᔭᕇᖅᑎᓪᓗᒍ, ᐊᐅᓪᓚᕋᔭᖅᑐᖓ ᐊᖏᕋᓐᓄᑦ, ᖃᐅᔨᓴᕐᕕᒻᒥ ᖃᐅᔨᓴᕐᓗᖓ, ᑎᑎᕋᕐᓗᖓ ᐅᓂᒃᑳᓂᑦ; ᐅᐊᓴᕐᓗᒋᑦ, ᐃᕐᕈᕐᓗᒋᑦ, ᑕᐃᒫᔅᓴᐃᓐᓈᖏᓐᓇᕐᓗᓂ, ᐱᑕᖃᕆᐊᖃᖅᑎᑕᐅᓐᓇᓂ ᐃᓚᒋᓕᐅᑎᓗᒍ ᓄᓇᓕᒻᒥᐅᑕᓂᑦ ᐅᕙᓐᓂᑦ ᓄᓇᖓᓃᑦᑎᑦᑎᓚᐅᖅᑐᑦ. SciQ ᐃᓱᒪᒋᔭᐅᓂᖓ ᓴᖅᑭᖅᑎᑕᐅᓚᐅᖅᑐᖅ ᐅᓇᐅᓪᓗᓂ ᒪᑐᐃᖓᔪᖅ ᐃᓕᓐᓂᐊᕐᓂᓕᕆᓂᕐᒧᑦ ᑎᑎᕋᖅᑕᐅᓯᒪᔪᑦ , ᐃᓱᒪᒋᔭᖃᓕᓚᐅᖅᑐᖓ ᐱᓯᒪᑦᑎᓂᕆᔭᕋ ᐊᑦᑕᓇᕈᓐᓇᖅᑐᓂᑦ ᐊᒻᒪ ᖃᓪᓗᓈᓄᑦ ᐊᑐᖅᑕᐅᖁᔭᐅᔪᓂᑦ ᐃᓱᒪᒋᔭᐅᔪᓂᑦ ᖃᓪᓗᓈᓄᑦ ᖃᐅᔨᓴᓂᕐᒥᑦ. ᑭᓲᕙᑦ ᑲᒪᒋᔭᕆᐊᖃᖅᑕᒃᑲ ᓄᓇᓕᒻᒧᑦ ᐅᐸᔅᓯᒪᓚᐅᖅᑕᓐᓄᑦ ᐳᓛᖅᑎᐅᓪᓗᖓ, ᐃᓚᒋᔭᐅᓪᓗᖓ ᐊᒻᒪ ᓄᓇᖓ? ᐅᐱᒋᓂᖃᖅᑲᒃᑳ ᑖᒃᑯᐊ ᑲᒪᒋᔭᐅᔭᕆᐊᓖᑦ?
ᐅᐱᕐᖔᖓᓂ 2021, ᐊᖏᓚᐅᖅᑐᖓ ᑐᓂᔭᐅᔪᒥ ᐊᐅᓪᓛᓂᕐᒧᑦ ᐅᕙᖓ MSc ᐱᓕᕆᐊᖓᓂ ᐅᕗᖓ PhD ᐃᖅᑲᓇᐃᔭᖅᑐᖓ ᑖᒃᑯᓂᖓᔅᓴᐃᓐᓇᖅ ᐱᓕᕆᐊᓂᑦ ᐊᒻᒪ ᐱᕕᖃᕈᓐᓇᑎᑦᑐᖓ ᐋᖅᑭᑲᓐᓂᕐᓗᒍ ᐊᖏᓂᖓ ᐃᖅᑲᓇᐃ…ᕋ ᑕᑯᔅᓴᐅᑎᑦᑎᓗᓂ ᖃᓄᐃᑦ ᐃᓄᐃᑦ ᓇᓗᓇᐃᖅᓯᓯᒪᒻᒪᖔᑕ ᐱᔪᒪᔭᖏᓐᓂ. ᐱᒡᒐᓇᖏᓛᖑᓚᐅᖅᑐᖅ ᐱᒋᐊᕐᕕᒋᓗᒍ ᓄᓇᓕᒻᒥᐅᑕᐃᑦ ᐃᖃᓗᑦᑑᑦᑎᐊᒥ, ᑕᐃᒪᐃᓐᓂᖃᓚᐅᖅᑐᖅ ᐊᐅᓪᓚᖃᑎᒋᓪᓗᒋᑦ ArcticBIOSCAN ᐱᓕᕆᔩᑦ ᐃᕈᐳᕈᒥ 2022. ᑖᓐᓇ ᓯᕗᓪᓕᖅᐹᕆᓚᐅᖅᑕᕋ ᑲᑎᒪᖃᑎᖃᓂᕐᒥᑦ ᓄᓇᓕᒻᒥᑦ ᐱᒋᐊᕋᑖᕋᓗᐊᖅᑎᓪᓗᒍ ᐃᖅᑲᓇᐃᔮᕋ ᑕᐃᑲᓂ ᐊᐅᔭᖓᓂ 2019. ᐊᑯᓂᐅᖏᑦᑐᖅ ᒥᓂᑦᓂᑦ, ᓄᓇᓕᒻᒥᐅᑕᐃᑦ ᓇᓗᓇᐃᖅᓯᓚᐅᖅᑐᑦ ᐃᓱᒫᓘᑎᖏᓐᓂ ᐅᖃᐅᓯᐅᔪᓂᑦ ᐊᓯᔾᔨᖅᑐᓂᑦ ᑕᑯᖃᑦᑕᖅᓯᒪᔭᖏᓐᓂ ᓄᓇᖓᓂ ᐊᒻᒪ ᐱᕙᓪᓕᐊᓂᖏᓐᓄᑦ, ᐊᒻᒪ ᑐᓂᓯᓪᓗᑎ ᓂᕆᐅᒋᔭᐅᓂᐊᖅᑐᓂᑦ ᐱᔾᔪᑎᖃᖅᑐᓂᑦ ᑐᑭᓯᒋᐊᕈᑏᑦ ᑕᑯᓐᓇᖑᐊᖅᑕᐅᓂᖏᓐᓄᑦ.
ᓇᓗᓇᕈᓐᓃᓚᐅᖅᑐᖅ ᐃᓕᓐᓂᐊᖅᑎᑕᐅᓯᒪᒐᓗᐊᖅᑎᓪᓗᖓ ᐊᒥᓱᓄᑦ ᐊᕐᕌᒍᓄᑦ, ᐱᑕᖃᖏᑦᑐᑦ ᖃᐅᔨᓴᖅᑎᓄᑦ ᑎᑎᕋᖅᓯᒪᔪᑦ ᐊᔾᔨᒌᖏᓐᓇᖏᑕᖏᑦ ᐱᑕᖃᖏᑦᑐᓂᑦ ᐅᕙᒍᑦ ᖃᐅᐅᔨᒪᓂᕆᔭᖏᓐᓂ. ᐅᑉᐱᕆᑦᑎᐊᓚᐅᖏᑕᕋ ᑕᒪᓐᓇ ᐱᒡᒐᓇᖏᓐᓂᖓᓄᑦ. ᐱᐅᔪᒥᑦ ᐃᑉᐱᒍᓱᓐᓂᖃᓚᐅᖅᑐᖓ ᑖᓐᓇ PhD ᐃᖅᑲᓇᐃᔭᖅᑕᕋ ᓴᖑᓯᒪᓂᖃᖅᑐᑦ ᓇᓗᓇᐃᖅᑕᐅᓂᑐᐃᓐᓇᖏᓐᓄᑦ ᐱᑕᖃᖏᑦᑐᑦ ᓴᖅᑭᖅᑎᑕᐅᓯᒪᔪᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᑎᑎᕋᖅᑕᐅᓯᒪᔪᓂᑦ ᐱᑕᖃᖅᑎᑦᑎᓪᓗᖓ ᑭᐅᔾᔪᑎᓂᑦ ᐱᔨᑦᑎᖅᑐᑦ ᐃᓄᐃᑦ ᐃᓱᒫᓘᑎᖏᓐᓂ ᐊᒻᒪ ᐱᔪᒪᓂᕆᔭᖏᓐᓂ.
ᑲᑎᓐᖓᓕᕐᓂᖃᕐᓂᖅ ᓄᓇᓕᒻᒧᑦ ᑲᑎᒪᑎᑦᑎᓂᕐᒧᑦ ᐃᓚᐃᓐᓇᕆᓚᐅᖅᑕᖓ, ᖃᓂᒋᔭᐸᓗᖏᓐᓂ ᐊᕐᕌᒎᓂ ᒪᕐᕉᓐᓂ ᑲᑎᒪᓂᐅᔪᓂᑦ ᐊᒻᒪ ᐅᖃᖃᑎᒌᓐᓂᐅᔪᓂᑦ, ᑕᐃᒪᓐᖓᓂ ᐱᒋᐊᖅᑎᑦᑎᓯᒪᔪᒍᑦ ᕿᑎᕐᒥᐅᑦ ᖁᐱᕐᕈᐃᑦ ᐊᐅᑐᖃᑦᑕᖅᑐᑦ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᖅ ᐱᓕᕆᖃᑎᖃᖅᑐᑎᑦ ᐃᖃᓗᑦᑑᑦᑎᐊᖅ ᐊᒻᒪ ᖁᓪᓗᖅᑑᖅ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᑦ. ᑖᓐᓇ ᐱᓕᕆᐊᖅ ᐱᓕᕆᑎᑦᑎᔪᖅ ᐃᖅᑲᓇᐃᐃᖏᑎᒍᑦ ᐃᖅᑲᓇᐃᐃᔭᖃᑎᒌᓐᓂᕐᒥᑦ ᐊᒻᒪ ScIQ ᐊᒻᒪ ᑐᑭᒧᐊᖅᑎᑕᐅᓪᓗᓂ ᐃᓄᓐᓄᑦ ᐱᓕᕆᖃᑎᖏᓐᓄᑦ. ᐊᑐᖃᑦᑕᖅᑕᕗᑦ ᓯᑯ, ᓄᓇᖃᖅᑳᖅᓯᒪᔪᓄᑦ ᖃᐅᔨᒪᓂᐅᔪᓂᑦ ᑐᓂᓯᖃᑦᑕᓂᕐᒧᑦ ᖃᕋᓴᐅᔭᒃᑯᑦ, ᓴᖅᑭᑎᑦᑎᓗᑎ ᖃᐅᔨᓴᓂᕐᒥᑦ ᐱᓕᕆᔭᑦᑎᓐᓂ ᐃᓄᐃᑦ ᓄᓇᖓᓐᓂ. Facebook ᓈᒻᒪᔅᓯᒪᔪᖅ ᖃᐅᕋᓴᐅᔭᒃᑰᕈᑎᒋᓪᓗᒍ ᑐᓴᒪᔾᔪᑎᒋᓪᓗᒋᑦ ᖃᓄᖏᓐᓂᕆᔭᖏᑦ ᐊᒻᒪ ᐱᓕᕆᔭᐅᔪᓂᑦ ᓄᓇᓕᒻᒥᑦ. ᑐᓂᓯᖃᑦᑕᖅᑐᒍᑦ ᓄᓇᓕᒻᒧᑦ ᐅᓂᒃᑳᓂᑦ. ᒪᓕᑦᑐᒋᑦ ᐅᕙᖓ ᑲᑎᒪᑎᑦᑎᓂᖏᓐᓄᑦ, ᐃᖅᑲᓇᐃᔭᖅᑎᑦᑎᓚᐅᖅᑐᖓ ᓄᓇᓕᒻᒥ ᐊᐅᓪᓚᕈᔾᔨᔨᓂᑦ ᖃᐅᔨᓴᓂᕐᒧᑦ ᐊᐅᓪᓚᓂᕐᒧᑦ ᓄᓇᒧᑦ. ᐱᓕᕆᖃᑎᖃᓚᐅᖅᑐᒍᑦ ᓄᓇᓕᒻᒥ ᒪᒃᑯᑦᑐᓂᑦ ᐊᒻᒪ ᐱᖅᑯᓯᓄᑦ ᑐᕌᖓᓂᖃᖅᑐᓂ ᑲᑐᔾᔨᖃᑎᒌᓂᑦ, ᕿᑎᕐᒥᐅᑦ ᐱᖃᓐᓇᕇᓐᓂᕐᒧᑦ ᑎᒥᖓᑦ, ᑐᓂᓯᓪᓗᑎ ᐃᒥᑦᑎᐊᕙᓐᓂ ᐆᒪᔪᓂ ᐊᒥᓱᓂ ᐊᔾᔨᒌᖏᑦᑐᓂ ᑲᑎᒪᓂᐅᔪᓂᑦ ᖃᐅᔨᓴᕐᕕᒻᒥ, ᐃᓚᒋᓕᐅᔾᔭᐅᓗᑎ ᒫᓐᓇᐅᔪᒥᑦ ᓄᓇᒥ ᐊᒻᒪ ᐱᖅᑯᓯᓄᑦ ᐊᐅᓪᓛᖅᓯᒪᓂᕐᒧᑦ ᒪᒃᑯᑦᑐᓄᑦ.
ᑭᖑᓪᓕᖅᐹᕆᔭᖏᑦ ᐅᕙᖓ PhD ᖃᐅᔨᓴᕐᓂᖓᓄ ᐅᑯᐊᖑᓚᐅᖅᑐᑦ ᑲᑎᒪᑎᑦᑎᓂᒃᑯᑦ ᐊᒻᒪ ᑭᐅᖃᑦᑕᕐᓂᖅ ᐊᐱᖅᑯᑎᓂᑦ ᓄᓇᓕᒻᒧᑦ ᓱᖁᑎᒋᔭᐅᔪᓂᑦ, ᐊᒻᒪ ᑐᓴᐅᒪᖃᑎᒌᓐᓇᖅᑕᕗᑦ ᒪᑐᐃᖓᓪᓗᑕ ᕿᓂᖅᑐᑕ ᑐᓴᖅᑎᑦᑎᒍᑎᓂ ᐊᒻᒪ ᐊᖏᖅᑕᐅᓂᖓᓄ ᐊᑕᖏᖅᑐᒋᑦ ᐃᓱᒪᒋᔭᐅᔪᑦ ᐅᕙᖓ ᖃᐅᔨᓴᕐᓂᖓᓄᑦ, ᐱᖃᓯᐅᑎᓪᓗᑎ ᖃᐅᔨᓴᕐᕕᐅᔪᑦ ᓇᔪᖅᑕᖏᑦ, ᐃᖅᑲᓇᐃᔭᖅᑏᑦ, ᐊᒻᒪ ᐊᑐᖅᑕᐅᓂᐅᔪᑦ. PhD ᑲᑎᒪᑎᑦᑎᓂᐅᔪᑦ ᐊᖏᓕᓪᓕᑎᑦᑎᓚᐅᖅᑐᑦ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᒥᑦ.
ᑭᖑᕙᓗᐊᖏᑦᑐᖅ ᑭᓇᑐᐃᓐᓇᕐᒧᑦ ᐃᓚᒋᓕᐅᔾᔨᑎᑦᑎᒋᐊᓕᕐᓗᑎ ᐃᑳᕐᕕᒃ ᐊᑐᓕᖁᔭᖏᓐᓂ ᖃᐅᔨᓴᖅᑎᓄᑦ ᖃᐅᔨᓴᕐᓂᖃᖅᑐᑦ ᐅᑭᐅᑕᖅᑐᒥ. SciQ ᐃᓱᒪᒋᔭᐅᔪᑦ ᐊᒻᒪ ᐊᑐᓕᖁᔭᐅᔪᑦ ᓇᓗᓇᐃᖅᓯᓯᒪᑦᑎᐊᖅᑐᑦ ᖃᓄᐃᓕᓯᒋᐊᓂᕐᒧᑦ ᑐᕌᑦᑕᐅᑎᒋᔪᑦ ᖃᐅᔨᓴᖅᑎᓄᑦ ᕿᓂᖅᑐᑦ ᐃᓂᖏᓐᓂ ᐱᒋᐊᖅᑎᑦᑎᓗᑎ ᐊᓯᔾᔩᓂᕐᒥᑦ ᐱᖅᑯᓯᑐᖃᐅᖃᑦᑕᖅᓯᒪᔪᓂ. ᐱᒡᒐᓇᕈᓐᓇᖅᑐᖅ, ᑭᓯᐊᓂ ᓱᓕᓂᕋᖅᑐᒍᑦ ᖃᐅᔨᓴᕐᓂᕆᔭᐃᑦ ᓴᓐᖓᑦᑎᑕᐅᒋᐊᓂᐊᖅᑐᖅ ᐊᒻᒪ ᐱᔨᑦᑎᕐᓗᓂ ᐊᒥᓲᓂᖅᓴᓄᑦ ᐃᓄᓐᓄᑦ ᐃᔾᕕᑦ ᐃᓱᒪᒋᓚᐅᖅᑕᖏᓐᓂ.
Science & Tech
Les Inuits reconnaissent la valeur de la science occidentale lorsqu’elle est menée en collaboration avec les communautés. Comment faire évoluer les pratiques actuelles vers un modèle plus respectueux ?
Science & Tech
Inuit see the value of Western science when it is done in collaboration with communities. How can we shift current practices to a more respectful model?
People & Culture
Depending on whom you ask, the North’s sentinel species is either on the edge of extinction or an environmental success story. An in-depth look at the complicated, contradictory and controversial science behind the sound bites
People & Culture
For generations, hunting, and the deep connection to the land it creates, has been a mainstay of Inuit culture. As the coastline changes rapidly—reshaping the marine landscape and jeopardizing the hunt—Inuit youth are charting ways to preserve the hunt, and their identity.