ᓴᖅᑭᑎᑦᑎᓂᕐᒥᑦ “ᓄᑖᖅ ᐅᖃᐅᓯᖅ” ᕙᓯᑭᕝᕚᒧᑦ

ᐊᒥᓱᓂᑦ ᐃᓄᒃᑎᑐᑦ ᐅᖃᐅᓯᖅᑕᑲᖃᕇᓚᐅᖅᑐᑦ ᓇᓗᓇᐃᔭᕐᓗᒍ ᕼᐊᑭ, ᑭᓯᐊᓂᓕ ᐱᒋᐊᒃᑲᓐᓂᕿᐊᖃᓚᐅᖅᑐᒍ ᖃᐅᔨᓴᕐᓗᒍ ᕙᓯᑭᕝᕚ. ᐃᖅᑲᓇᐃᔭᖃᑎᒋᓚᐅᖅᑕᕋ ᐊᓈᓇᒐ, ᐊᓈᓇᑦᓯᐊᕋ, ᐊᒃᑲᒐ ᐊᒻᒪ ᐱᖃᓐᓇᕋ ᐊᑐᕈᓐᓇᑕᑦᑎᓐᓂ ᐅᖃᐅᓯᕐᓂᑦ ᐅᕙᒍᑦ ᐅᖃᐅᓯᖓᓐᓂ ᓇᓗᓇᐃᔭᕐᓗᒋᑦ ᐊᔾᔨᒌᖏᑦᑐᑦ ᖃᓄᐃᑦᑐᑦ ᐱᓐᖑᐊᕐᓂᐅᔪᒥᑦ ᐊᒻᒪ ᐅᖃᐅᓯᕐᓂᑦ — ᓲᕐᓗ ᒪᑯᓂᖓ ᐱᖓᓱᓂᑦ ᐱᑎᑕᐅᔪᑦ ᐅᕝᕙᓘᓐᓃᑦ ᐱᐱᓱᑦᑐᑎ ᑎᒍᒥᐊᖏᓐᓇᖅᑐᑎ ᐊᖅᓴᒥ ᐅᕝᕙᓘᓐᓃᑦ ᕿᒡᒋᖅᑐᑎ ᐴᖅᓯᒋᐊᓂᕐᒧᑦ. ᐊᒥᓱᓂᑦ ᑎᑎᕋᖅᓯᓚᐅᖅᑐᒍᑦ ᐊᒻᒪ ᐃᓱᒪᒋᓪᓗᑎᒍ ᖃᓄᖅ ᑖᒃᑯᐊ ᕙᓯᑭᕝᕚᒧᑦ ᐅᖃᐅᓰᑦ ᑐᑭᓯᔭᐅᔪᓐᓇᕐᓗᑎ ᐃᓄᒃᑎᑐᑦᕝ.

ᓂᕈᐊᓚᐅᖅᑐᒍᑦ ᐅᖃᐅᓯᕐᓂᑦ ᐊᑐᖅᑕᐅᕙᑦᑐᓂ ᐊᓯᖏᓐᓂ ᐃᓱᒪᒋᔭᐅᔪᓂᑦ ᐅᕙᒍᑦ ᐅᖃᐅᓯᖓᓐᓂ, ᑭᓯᐊᓂᓕ ᐊᑐᖅᑐᒋᑦ ᓇᓗᓇᐃᔭᖅᑐᒋᑦ, ᓈᒻᒪᓚᐅᖅᑐᑦ ᐊᒻᒪ ᐊᑦᑐᐊᓂᖃᖅᑐᑎᑦ ᐃᓱᒪᒋᔭᐅᓂᖓᓄᑦ ᕙᓯᑭᕝᕚᒧᑦ ᐱᓐᖑᐊᖅᑕᐅᔪᒧᑦ. ᑕᐃᒪᐃᓐᓂᖓᓄᑦ, ᐊᑕᐅᓯᖅ ᐆᑦᑐᕋᐅᑎᐅᔪᖅ ᐴᖅᓯᑎᑕᐅᒋᐊᖅᑎᑕᐅᔪᖅ. ᐊᑐᖃᑦᑕᓚᐅᖅᑕᕗᑦ ᐊᑭᖃᖏᑦᑐᒥᒃ ᐃᑎᖅᑎᑦᑎᓇᓱᒃ, ᐅᖃᐅᓯᐅᔪᖅ ᒥᔅᓯᖃᐸᓗᑦᑐᖅ “ᐊᑭᖃᖏᑦᑐᒥᑦ,” ᑭᓯᐊᓂ ᐅᖃᕋᐃᒐᑦᑕ “ᐊᑭᖃᖏᑦᑐᒥᑦ” ᑕᕝᕙᓂ ᐃᓱᒪᒋᔭᐅᔪᒥᑦ, ᓈᓚᑦᑐᖅᑐᑭᓯᔭᖓ ᑐᑭᖓᓂ ᐊᑭᖃᖏᑦᑐᖅ ᐱᓇᓱᐊᖅᑕᐅᔪᖅ ᐴᖅᓯᓂᕐᒧᑦ.

ᖃᐅᔨᒪᓕᒃᑲᓂᓂᕐᒧᑦ ᐱᓐᖑᐊᖅᑕᐅᔪᒥᑦ

ᕙᓯᑭᕝᕚᓂ ᐱᐅᓴᑐᒻᒪᕆᐅᓚᐅᖅᑐᖓ ᒪᒃᑯᓂᖅᓴᐅᓪᓗᖓ. ᕼᐊᑭᖅᑎᐅᔪᖓ, ᑭᓯᐊᓂ ᐱᐅᒋᓚᐅᖅᑕᕋ ᕙᓯᑭᕝᕚ ᐃᓅᓱᑦᑐᓛᖑᓪᓗᖓ. ᑕᐃᒪᐃᓐᓂᖓᓄᑦ ᑐᑭᓯᐅᒪᓂᖃᑦᑎᐊᓚᐅᖅᑐᖓ ᐱᓐᖑᐊᖅᑕᐅᔪᖅ ᐱᓐᖑᐊᖅᑕᐅᓲᖑᒻᒪᖔᖅ. ᐊᒻᒪ ᐱᓐᖑᐊᖃᑕᐅᓚᐅᖅᓯᒪᔪᖓ ᕙᓯᑭᕝᕚᖅᑎᓂᑦ ᑕᐱᕆᓂᑦ ᒪᒃᑯᓂᖅᓴᐅᑎᓪᓗᖓ, ᑕᐃᒪᐃᓐᓂᖓᓄᑦ ᒪᓕᑲᐃᓐᓇᓚᐅᖅᑕᕋ. ᑖᓐᓇ ᐱᕕᔅᓴᐅᔪᓐᓇᖅᑐᖅ ᓴᖅᑭᕐᖓᑦ, ᐱᒃᑲᓐᓂᑐᐃᓐᓇᐅᖅᑕᕋ. ᑕᑯᓐᓇᓂᖅᓴᐅᕙᓕᖅᑐᖓ ᕙᓯᑭᕝᕚᓂᑦ — ᐊᖑᑎᓂᑦ ᐊᒻᒪ ᐊᕐᓇᓂᑦ — ᑐᓵᓪᓗᒋᑦ ᐅᖃᖅᑎᐅᔪᑦ. ᑭᓲᕙᑦ ᐱᓕᕆᒋᐊᖃᖅᑕᖏᑦ ᐱᓐᖑᐊᖅᑐᓂ ᐅᖃᖅᑎᐅᓗᓂ? ᑭᓲᕙ ᐱᓕᕆᒋᐊᖃᖅᑕᖓ ᐊᒥᐊᓕᓐᓂ ᐅᖃᖅᑎᐅᔪᑦ, ᐱᓕᕆᐊᕆᒋᐊᖃᓚᐅᖅᑲᕌ?

ᐸᕐᓇᐃᓂᕐᒧᑦ ᐊᒥᐊᓕᓐᓂ ᐅᖃᖅᑎᐅᓂᕐᒧᑦᕝ

ᐊᑯᓂᐅᔪᒥᑦ ᖃᐅᔨᓴᖃᑦᑕᓚᐅᖅᑐᖓ ᓇᓗᓇᐃᔭᖅᓯᒪᓂᖅᓴᖏᓐᓄᑦ ᐱᓐᖑᐊᖅᑕᐅᔪᒥᑦ — ᓱᒻᒪᑦ ᑕᐃᒪᐃᑦᑐᖃᓂᖅᑲ, ᐱᖅᑯᓯᖏᑦ ᐊᔾᔨᒌᖏᑦᑐᑦ ᐱᓐᖑᐊᖅᑏᑦ, ᑕᐱᕇᓐᓂᕈᑎ ᑲᑎᓚᐅᖅᑎᓐᓇᒋᑦ ᑲᓇᑕᒥᐅᑕᓂᑦ ᑕᑕᐱᕇᓂᑦ.

ᑲᑎᖅᓱᐃᒋᐊᖃᓚᐅᖅᑐᖓ ᐱᖅᑯᑐᖃᖏᓐᓂ ᐊᒻᒪ ᓇᓗᓇᐃᔭᖅᓯᒪᓂᖏᓐᓂ ᐊᒻᒪ ᑭᓇᒃᑰᓂᖏᓐᓄᑦ ᑐᑭᓯᒋᐊᕈᑎᖏᓐᓂ. ᑕᒪᓐᓇ ᖁᕕᐊᓇᓚᐅᖅᑐᖅ. ᐃᓕᓴᐃᔨᐅᔪᖓ ᐃᖅᑲᓇᐃᔮᒃᑯᑦ, ᑕᐃᒪᐃᓐᓂᖓᓄᑦ ᓇᓗᓇᐃᔭᐃᓇᓱᓐᓂᕐᒧᑦ ᐃᓚᒋᔭᖓ ᑕᒪᑐᒧᖓ. ᐊᒥᐊᓕᓐᓂ ᐅᖃᖅᑎᐅᓪᓗᖓ, ᐃᓕᓐᓂᐊᑎᒃᑲᓐᓂᕈᒪᓚᐅᖅᑕᒃᑲ ᑕᑯᓐᓇᖅᑐᑦ ᐱᓐᖑᐊᖅᑕᐅᔪᒥᑦ ᑭᓯᐊᓂ ᐱᓐᖑᐊᖅᑎᖏᓐᓂᑦᑕᐅᖅ ᐅᕝᕙᓘᓐᓃᑦ ᑕᐱᕇᓂᑦ ᐅᕝᕙᓘᓐᓃᑦ ᓄᓇᓕᕐᔪᐊᒥᑦ.

ᐊᖏᓪᓕᒋᐊᖅᑕᐅᓂᖏᑦ ᐱᓕᕆᔭᐅᔭᕆᐊᓖᑦ

ᓯᕗᓪᓕᖅᐹᒥ, ᐊᐱᕆᔭᐅᓚᐅᖅᑐᒍᑦ ᐅᖃᖅᑎᐅᓗᓄ ᑲᓇᑕᒥᐅᑕᐃᑦ ᐊᖑᑎᑦ ᐊᒻᒪ ᐊᕐᓇᐃᑦ ᐱᓐᖑᐊᓕᕋᑖᖅᑎᓪᓗᒋᑦ ᐊᒻᒪ ᐲᖅᑎᑦᑎᖃᑦᑕᓕᖅᑎᓪᓗᒋᑦ. ᐄ, ᒋᐱᐅᔪᖅ. ᐊᑯᓂᐅᓯᒪᓕᖅᑎᓪᓗᒍ, ᓰᐱᓯ ᐅᖃᓚᐅᖅᑐᑦ, “ᐊᖑᑏᑦ, ᑲᒪᒋᓂᐊᓕᕐᒥᔭᓯᑦᑕᐅᖅ ᒥᐊᓕᒐᒃᑯᑦ ᐱᓐᖑᑎᓪᓗᒋᑦᑕᐅᖅ.” ᐊᒻᒪ ᐱᐅᒋᔭᐅᒻᒪᕆᓚᐅᖅᑐᑦ, ᑕᐃᒪᐃᓐᓂᖓᓄᑦ ᓰᐱᙳ ᐅᖃᓚᐅᖅᑐᑦ, “ᑲᒪᒋᓂᐊᓕᕐᒥᔭᓯᑦᑕᐅᖅ ᐲᖅᑎᑦᑎᖃᑦᑕᐅᑎᔪᑦ ᑎᓴᒪᐃᓐᓇᐅᓕᖅᑎᓪᓗᒋᑦ ᑕᐱᕇᑦ. ᐅᐱᓐᓇᖅᑐᖅ! ᑕᐃᒪᐃᓐᓂᖓᓄ, ᑲᒪᒋᓕᑳᓪᓚᑦᑕᕗᑦ ᑲᓇᑕᒥᐅᑕᐃᑦ ᐊᖑᑎᑦ ᐊᒻᒪ ᐊᕐᓇᐃᑦ. ᐊᒻᒪ ᑎᓴᒪᐃᓐᓇᕈᖅᑎᓪᓗᒋᑦ ᖃᓄᐃᓕᓂᖃᕐᓂᕆᔭᖏᑦ. ᐊᒻᒪ ᐅᔭᒥᑦᑖᕋᓱᐊᖅᑐᑦ ᐱᓐᖑᐊᖅᑐᑦ. ᑕᐃᒪᐃᓐᓂᖓᓄ, ᖃᐅᔨᓴᕐᓂᖃᖅᑐᓂ ᐊᒥᓱᓂᑦ ᑕᐱᕇᓂᑦ — ᕗᕌᓐᔅ ᐊᒻᒪ ᓲᕐᐱᐊ ᐊᒻᒪ ᓂᒋᖓᓂ ᓱᑖᓐ ᐊᒻᒪ ᐳᕆᔨᐅᓪ. ᐊᖏᔫᓚᐅᖅᑐᑦᕝ!

ᖁᕕᐊᓇᖅᑐᓂ−ᐅᐃᒻᒪᓇᖅᑐᒥ ᓰᐱᓯᒃᑯᑦ ᑐᕌᓐᑐᒥ ᐱᓕᕆᕕᖓ

ᑕᑯᓐᓇᓚᐅᖅᑕᕗᑦ ᐱᓐᖑᐊᖅᑐᑦ ᐊᒻᒪ ᐅᖃᖅᑎᐅᓪᓗᓄ ᓰᐱᓯ ᑐᕌᓐᑐᒥ ᐱᓕᕆᕕᖓᓂ. ᐱᐅᕆᔅᒥᐅᓚᐅᖏᑦᑐᖅ, ᑭᓯᐊᓂ ᐱᐅᔫᓚᐅᖅᑐᖅ ᑐᕌᓐᑐᒦᑦᑐᓂ ᐊᒥᓲᓪᓗᑎ ᐱᓐᖑᐊᖅᑐᓂ ᐅᖃᖅᑎᐅᖃᑕᐅᔪᓂᑦ. ᐅᑯᐊᖑᓚᐅᖅᑐᑦ ᐊᕿᔪᑦ, ᕙᓕᐹ, ᐱᖓᓱᐃᓐᓇᐅᓪᓗᑎ ᕙᓯᑭᕝᕚ, ᓯᐅᕋᕐᒥ ᕚᓕᐹ, ᑐᑭᑲᕆᐊᓕᑦᑐᑦ, ᑖᓂᓯᖅᑐᑦ, ᖃᓄᐃᑦᑐᑐᐃᓐᓇᐃᑦ ᐅᓚᑦᑐᑦ. ᐊᒻᒪ ᓇᓗᓇᖏᑦᑐᖅ ᖃᖓᒃᑯᑐᐃᓐᓇᖅ ᐃᑲᕋᖏᓐᓂ ᐃᖅᑲᓇᐃᔭᕐᓂᖃᖅᑐᒍᑦ.

ᐊᑕᖏᖅᑐᑎᑦ ᔮᓯᑭᕝᕚᑲᓐᓂᕐᓂᐅᔪᑦ ᐱᒋᐊᖅᑎᓪᓗᒋᒋᑦ ᐃᓚᓕᐅᑎᓚᐅᖅᑐᑦ ᐅᕙᒍᑦ ᐊᑐᕐᓂᐊᖅᑕᖏᓐᓂ, ᐱᕕᔅᓴᑭᓐᓂᖅᓴᐅᓚᐅᖅᑐᒍᑦ ᐊᑐᐃᓐᓇᕈᕐᓗᑕ. ᐱᓐᖑᐊᖅᑐᓂ ᐱᔭᕇᖅᓯᒐᐃᒐᓄ, ᓯᓂᑲᐃᓐᓇᖅᑐᓄ ᐊᒻᒪ ᐊᑯᓐᓂᖏᓐᓂ ᐸᕐᓇᐃᒋᐊᖃᐃᓐᓇᓚᐅᖅᑐᒍᑦ ᑭᖑᓪᓕᕐᒧᑦ ᐱᓐᖑᐊᖅᑕᐅᓂᐊᖅᑐᒧᑦ. ᐊᒥᓲᓛᖏᓐᓂ ᖃᐅᔨᒪᒋᐊᖃᓚᐅᖅᑐᒍᑦ ᐊᑐᐃᓐᓇᐅᓚᐅᖅᑐᒍᑦ ᑭᓱᓂᑦ ᐅᖃᐅᓯᖃᕐᓂᐊᖅᑕᑎᓐᓂ ᖃᓄᐃᓘᖅᑕᐅᔪᓂᑦ ᐊᑐᓂ ᐱᓐᖑᐊᕐᓂᐅᔪᓂᑦ ᐊᒻᒪ ᐱᔪᒥᓇᖅᑎᓪᓗᒋ ᐅᕙᒍᑦ ᑕᑯᓐᓈᖅᑐᖁᑎᖏᓐᓄᑦ.

ᑐᓵᔪᓂᑦ ᑐᓴᖅᑎᑦᑎᒍᑏᑦ

ᑲᔪᖏᖅᓴᐅᑎᐅᓚᐅᖅᑐᖅ. ᐃᓄᐃᑦ ᖁᖓᖃᑦᑕᖅᑐᑎ ᐅᖃᖅᑐᑎ ᕙᓯᑭᕝᕚᒥ ᐱᐅᔅᓴᓚᐅᖅᓯᒪᖏᑦᑐᑎ, ᑭᓯᐊᓂ ᑕᑯᓐᓇᐃᓐᓇᓚᐅᖅᑐᑦ ᐱᓐᖑᐊᖅᑕᓕᒫᓂᑦ ᐱᔾᔪᑎᒋᓪᓗᒍ ᐱᐱᔪᒪᓂᖅᑎᓚᐅᕋᑦᑎᒍ. ᐅᖃᖃᑦᑕᓚᐅᖅᑐᑦ ᕙᓯᑭᕝᕚᒥᑦ ᐱᐅᔅᓴᓕᖅᑐᑎᑦ. ᐃᓄᒃᑎᑐᑐᐃᓐᓇᐅᖏᑦᑐᖅ ᐅᖃᖅᑏᑦ ᑕᑯᓐᓇᓕᓚᐅᖅᑐᑦ. ᐃᓄᑦᑕᖃᓚᐅᖅᑐᑦ ᖃᐅᔨᒪᑐᐃᓐᓇᖅᑐᑎ ᑭᒃᑰᒻᒪᖔᓐᓄ ᐊᒻᒪ ᐅᕙᑦᑎᓐᓂ ᐃᑲᔪᕈᒪᓪᓗᑎ, ᐱᐅᔪᒻᒪᕆᐅᓚᐅᖅᑐᖅ. ᐱᐅᔫᓚᐅᖅᑐᖅ ᐅᖃᐅᓯᔅᓴᖃᕐᕕᐅᓪᓗᓂ ᐃᓐᓇᑐᖃᕐᓄᑦ ᐅᕙᑦᑎᓐᓂ ᐅᖃᐅᔾᔨᓚᐅᖅᑐᑦ ᑐᑭᓯᓕᖅᑐᑎ ᐱᓐᖑᐊᖅᑕᐅᔪᒥᑦ ᐱᔾᔪᑎᒋᓪᓗᒍ ᓇᓗᓇᐃᔭᑦᑎᐊᓚᐅᕋᑦᑎᒍ, ᑭᓯᐊᓂ ᐱᐅᒋᓚᐅᕐᒥᔭᖏᑦ ᐅᖃᐅᓯᕆᓪᓗᒋᑦ ᐊᔾᔨᒌᖏᑦᑐᑦ ᐱᓐᖑᐊᖅᑏᑦ ᐊᒻᒪ ᐊᔾᔨᒌᖏᑦᑐᑦ ᓄᓇᓕᕐᔪᐊᑦ. ᐃᑉᓇᕐᓂᖓ ᐱᐅᔫᓚᐅᖅᑐᖅ ᑐᓴᖅᑐᓂ ᖃᓄᖅ ᖁᕕᐊᒋᔭᖃᕐᓂᖏᓐᓄᑦ ᑕᑯᓐᓇᖅᑐᑦ. ᐃᓚᒋᔭᐅᓚᐅᖅᑐᑦ ᐊᒻᒪ ᑲᔪᖏᖅᓴᐃᑎᐊᖅᑐᑎ ᐊᒻᒪ ᐃᑲᔪᖅᑐᑎ ᐅᕙᑦᑎᓐᓂ.

ᐸᕐᓇᐃᓂᖅ ᑭᖑᓪᓕᕐᒧᑦ ᐱᓕᕆᐊᖑᓂᐊᖅᑐᒥᑦ

ᑐᕌᓐᑐᒦᑦᑎᓪᓗᑕ, ᐅᖃᐃᓐᓇᖃᖅᑕᓚᐅᖅᑐᒍᑦ ᐃᓱᒪᒋᔭᐅᒃᑲᓐᓂᕈᒪᓪᓗᓄ ᐅᑭᐅᒃᑯᑦ ᐱᓐᖑᐊᕕᒃᔪᐊᓕᖅᑲᑕ. ᑕᐃᒪᐃᓘᒃᑲᓐᓂᕈᒪᒧᒍᒃ. ᓈᒻᒪᑎᐊᖅᑑᔮᖅᑐᖅ ᐃᖅᑲᓇᐃᔮᖅ — ᖁᕕᐊᓱᓐᓂᖃᑦᑎᐊᖅᑐᑎ ᓴᖅᑭᔮᖅᑎᓯᓐᓈᖅᑐᒍ ᐊᒻᒪ ᓴᐳᒻᒥᓪᓗᒍ ᐊᒻᒪ ᓴᓐᖓᑦᑎᒋᐊᕐᓗᒍ ᐅᖃᐅᓰᑦ, ᐊᖏᔪᒥᑦ ᐅᐱᒍᓱᓐᓇᖅᑐᖅ. ᐅᖃᖅᑎᑕᖃᖅᑐᓂ ᑕᑯᔅᓴᐅᑎᑕᐅᔪᓂᑦ ᐅᕙᒍᑦ ᐅᖃᐅᓯᖓᓐᓂ ᐱᒻᒪᕆᐅᔪᖅ.