Environment
Inside the fight to protect the Arctic’s “Water Heart”
How the Sahtuto’ine Dene of Délı̨nę created the Tsá Tué Biosphere Reserve, the world’s first such UNESCO site managed by an Indigenous community
- 1663 words
- 7 minutes
Environment
ᓴᐳᒻᒥᑦᑎᔨᖏᑦ ᐊᖅᕕᖅᑑᖅ
ᖁᓛᓂ ᓄᓇᓪᓗᐊᑕᖓᓂ ᑲᓇᑕᒥ ᐱᐅᒋᔭᐅᒻᒪᕆᑦᑐᖅ ᓇᓄᕐᓄᑦ, ᑐᑦᑐᓄᑦ ᐊᒻᒪ ᐃᖃᓗᓐᓄᑦ ᓱᓕ ᐸᕕᓴᑦᑕᐅᓯᒪᖏᑦᑐᑦ ᐅᔭᕋᓐᓂᐊᓂᕐᒧᑦ. ᓄᓇᓕᒻᒥᐅᑕᐃᑦ ᑕᓗᕐᔪᐊᖅ, ᓄᓇᕗᑦ, ᑕᐃᒪᐃᖏᓐᓇᑎᑦᑎᒐᓱᐊᖅᑐᑦ.
Advertisement
Advertisement
Advertisement
ᐊᓂᓪᓗᓂ ᐊᓪᓚᕕᖓᓂ ᖁᖅᓱᕈᔪᑦᑐᑦ ᐅᓐᓄᓴᒃᑯᑦ ᓄᓇᓪᓗᐊᑕᖓᓂ ᑲᓇᑕᒥ ᐅᑭᐅᑕᖅᑐᒦᓐᓂᖅᐹᖅ ᓄᓇᓕᐅᔪᖅ, ᔨᒥ ᐅᓕᒃᑲᑖᖅ, ᐊᖑᑎᐅᔪᖅ ᐃᓄᒃ ᐃᓪᓚᐅᓯᖓ ᓈᒻᒪᑦᑐᓂ ᐅᖁᒪᐃᑦᑐᓂ ᕿᔪᓐᓂᑦ ᖄᖓᒍᑦ ᐊᒻᒪ ᖁᐊᕐᒧᑦ ᓄᓇᒧᑦ. ᓯᑭᑕᕐᓂᖃᖅᑐᑦ ᓵᓗᕿ ᐊᐳᑎᒻᒨᑎᓪᓗᒍ.
“ᖄᑕᔫᓄᑦ ᖁᑭᕆᐊᕈᑦ,” ᐅᖃᖅᑐᖅ ᐊᐅᓚᑦᑎᓕ ᑕᓗᕐᔪᐊᖅ ᐅᒪᕈᓕᕆᔨᑯᑦ ᑲᑐᔾᔨᖃᑎᒌᖏᑦ ᖁᖓᑦᑐᓂ.
ᐱᑦᑎᐊᖅᓯᒪᓂᖅᓴᒥᑦ, ᖄᖅᑕᔫᓕ ᐃᓱᐊᓂ ᖁᑭᐅᑎ, ᔨᐊᓗᓇᐃᕝᒦᖔᖅᓯᔪᖅ ᐋᒡᒌᓯᒥᑦ ᐅᓕᑲᖅᑕᓕᒃ ᐱᓕᕆᖃᑎᖏᓐᓄᑦ ᒥᑭᔪᒥᑦ ᐃᓄᐃᑦ ᕼᐊᒻᒪᓚᖓᓐᓂ ᑕᓗᕐᔪᐊᖅ ᑐᓂᓯᔭᐅᓚᐅᖅᑐᑦ ᓂᕕᖓᑖᒥ ᕿᑎᕐᒥᐅᑦ ᐆᒪᔪᓕᕆᔨᒃᑯᑦ ᑲᑎᒪᔨᖏᓐᓄᑦ ᐊᕐᕕᓂᐊᕐᓗᑎ (ᐊᕐᕕᒃ) — ᐊᑕᐅᓯᖅ ᑕᓪᓕᒪᑐᐃᓐᓇᕐᓂ ᐃᓕᐅᖅᑲᖅᑕᐅᓯᒪᔪᑦ ᓄᓇᕗᒻᒧᑦ ᐊᕐᕌᒍᑕᒫᑦ ᐃᒪᕐᒥᐅᑕᓕᕆᔨᒃᑯᓐᓄᑦ ᑲᓇᑕᒥ. ᖁᑭᐅ ᐅᑎᓛᖅᑐᖅ ᔨᐊᓗᓇᐃᕝᒧᑦ ᖃᖓᑕᓲᖅᑕᖃᒃᑲᓐᓂᓕᖅᑲᑦ.
ᐊᖑᓇᓱᑦᑏᑦ ᐊᐅᓪᓚᓚᐅᖅᑦ ᐅᓪᓛᒃᑯᑦ ᕿᑎᐊᓂ ᐋᒡᒋᓯᒥ ᐅᒥᐊᒃᑯᑦ, ᐋᖅᑭᑦᑕᐅᓂᖏᑦ ᐊᔾᔨᒌᖏᑦᑐᓂᑦ ᓇᒦᓐᓂᖏᓐᓄᑦ ᐃᒪᖓᓂ James Ross Strait ᖃᐅᔨᓴᕐᓗᑎ ᕿᓚᓗᒐᓂ. ᐊᒻᒪ ᓴᓇᕐᕈᑏᑦ ᐊᖑᓇᓱᓐᓂᕐᒧᑦ ᐊᓯᔾᔨᖅᓯᒪᓕᕋᓗᐊᖅᑎᓪᓗᖏᑦ, ᖃᓄᐃᓐᓂᕆᔭᖏᑦ ᐊᔾᔨᒋᓚᐅᖅᑕᖏᑦ: ᐊᑕᐅᓯᖅ ᐊᕐᕕᒃ, ᖃᐅᔨᒪᓂᖃᖅᑐᓄ ᐊᒡᒍᖅᑕᐅᔪᖅ, ᐊᒻᒪ ᖃᓂᒋᔭᖓᓂ 50,000 ᑭᓗᒍᕋᒻ ᓂᕿ, ᐅᖅᓱᐊᓗᒃ ᐊᒻᒪ ᓴᓇᕐᕈᑎᓄᑦ ᐃᑲᔪᕐᓗᑎ ᓂᕿᖃᖅᑎᓪᓗᒍ ᓄᓇᓕᓕᒫᖑᔪᖅ ᐊᕐᕌᒍᒧᑦ. ᐊᑕᖏᖅᑐᒍ ᐊᕐᕕᒃ ᐊᑐᖅᑕᐅᔪᖅ, ᐅᖃᖅᑐᖅ ᐅᓕᑲᑦᑕᖅ.
ᑐᓴᖅᑎᑦᑎᓂᖃᓚᐅᖅᑐᑦ ᑭᖑᓂᐊᒍᑦ ᐊᕐᕕᓚᐅᖅᑎᓪᓗᒋᑦ ᑕᓗᕐᔪᐊᒥ ᐅᒪᕈᓕᕆᔨᑯᑦ ᑲᑐᔾᔨᖃᑎᒌᖓᑎᒍᑦᖃᕋᓴᐅᔭᒃᑯᑦ Facebook ᒪᑉᐱᒐᖓᓂ. ᓂᖀᑦ ᐊᒻᒪ ᐅᖅᓱᐃᑦ ᐊᑐᐃᓐᓇᐅᓕᖅᑐᑎ ᓄᓇᓕᒻᒥ ᖁᐊᒃᑯᕕᖓᓂ ᑭᓇᑐᐃᓐᓇᕐᒧᑦ ᐊᐱᕆᔪᓄᑦ −− ᓯᕗᓪᓕᐅᔾᔭᐅᓪᓗᑎ ᐃᓐᓇᑐᖃᐃᑦ, ᐊᒻᒪᓗᑦᐅᖅ, ᑕᐃᒪᐃᖏᓐᓇᖅᑐᑦ ᑕᒫᓂ.
ᐅᓕᖃᖅᑕᓕᒃ ᐅᓂᒃᑳᖅᑐᖅ ᑕᒪᑐᒪᓂ ᐊᕐᕌᒍᒥ ᐊᕐᕕᓐᓂᖏᓐᓄ, ᐊᖑᓇᓱᑦᑏᑦ ᐃᖏᕋᔪᑦ ᓴᓂᖅᑯᓯᓪᓗᑎ ᖃᒧᑕᐅᔭᒃᑯᑦ, ᖁᑭᐊᓯᔭᖅᑐᑎ ᑐᓄᐊᓂ. ᐅᑦᑑᐱᕆ ᐃᓱᐊᓂ ᐅᑭᐊᔅᓵᒃᑯᑦ ᑐᑦᑐᐃᑦ ᐅᑎᖅᑕᓕᖅᑎᓪᓗᒋᑦ, ᐊᒻᒪᒪ ᐊᖑᓇᓱᑦᑏᑦ ᑐᑦᑐᖃᑦᑕᖅᑐᑦ ᑭᖑᓪᓕᖅᐹᖏᓐᓃᑦᑐᓂᑦ ᐊᕼᐃᐊᒃ ᑐᑦᑐᖏᓐᓂ ᐆᒪᔪᐃᑦ ᐅᑎᓕᖅᑎᓪᓗᒋᑦ ᓄᓇᒧᑦ ᐊᒻᒪᐅᑭᐅᑕᖅᑐᒥ ᓇᐹᖅᑐᓕᓐᓄᑦ ᐅᐊᓐᓇᖓᓂ Great Slave Lake ᐊᐅᔭᓯᐅᕐᕕᖓᓂ ᓄᕐᕋᓕᐅᕐᕕᖏᓐᓂ ᖃᓂᒋᔭᖓᓂ ᑕᓗᕐᔪᐊᖅ. ᐅᓕᑲᖅᑕᓕᒃ ᐊᓯᐊᓂ ᐅᖃᐅᓯᖃᓕᖅᑐᖅ ᓴᓂᐊᓂ ᐊᕐᕕᓂᑦ ᐅᖃᖅᑐᓂ ᖃᓄᖅ ᐃᓄᐃᑦ ᕿᒪᐃᖃᑦᑕᕐᓂᖏᓐᓄᑦ ᑐᑦᑐᐃᑦ ᓇᔾᔪᖏᓐᓂ ᑲᑕᕝᕕᒋᕙᑦᑕᖏᓐᓂ, ᓇᓗᓇᐃᒃᑯᑕᖅ ᐃᑉᐱᒍᓱᑦᑎᐊᓂᕐᒥᑦ ᐊᒻᒪ ᖁᔭᓕᓂᕐᒧᑦ ᐆᒪᔪᒧᑦ ᒪᑭᒪᑎᔅᓯᒪᔭᖏᑦ ᑕᐅᓴᖏᓐᓃᑦᑐᓂ ᐊᕐᕌᒍᓂᑦ.
ᕼᐊᒻᒪᓚᒋᔭᖓ ᓄᐊᑕᐅᓯᒪᔪᓂᑦ ᐊᒥᐊᖃᑦᑎᐊᖅᑐᖅ ᐊᑕᐅᓯᕐᒥ ᐊᒻᒪ ᒪᕐᕉᓐᓂ ᓇᑎᓕᓐᓂ ᐃᓪᓗᓂ ᓵᓐᖓᔪᑦ ᐃᒪᖓᓄᑦ ᕿᓂᕈᔪᑦᑎᒥ ᑐᖑᔪᖅᑕᒥᑦ. ᖃᓂᒋᔭᖓᓃᑦᑐᑦ 1,000 ᐃᓄᐃᑦ ᒫᓐᓇᐅᔪᖅ ᐊᖏᕋᕆᓂᕋᖅᑕᖓ, ᐊᒻᒪᓗᑦᑕᐅᖅ ᖃᓂᒋᔭᖓᓃᑦᑐᑦ 2,000 ᓇᓄᐃᑦ ᐅᐊᑦᑎᖃᑦᑕᖅᑐᑦ ᐊᕕᑦᑐᖅᓯᔪᒥᑦ. ᐊᑐᕆᐊᖅᑕᖃᖏᑦᑐᖅ: ᐊᒥᓲᓂᖅᓴᓄᑦ ᐃᓄᓐᓄᑦ, ᓄᓇᓕᒻᒨᕕᔅᓴᑐᐊᖓ ᐊᒻᒪᐊᓪᓚᕐᕕᒋᓗᒍ ᖃᐅᑕᒫᑦ ᖃᖓᑕᓲᒃᑯᑦ ᑲᓇᐃᑎᐊᓐ ᓄᐊᑦ −− “ᐃᒻᒧᓂᑦ ᐸᔪᑦᑎᕆᓂᕐᒧᑦ ᐃᖏᕋᖃᑦᑕᕐᓂᖅ” ᓄᖅᑲᖃᑦᑕᖅᑐᑎ ᖃᓂᒋᔭᖏᓐᓄ ᕼᐊᒻᒪᓚᐃᑦ ᐃᖃᓗᑦᑑᑦᑎᐊᖅ, ᑰᒑᕐᔪᒃ ᐊᒻᒪ ᐅᖅᓱᖅᑑᖅ — ᑭᓯᐊᓂ ᓯᓚᖓᓄ ᖃᖓᑕᓲᖅ ᒥᒍᓐᓇᖏᒃᑯᓂ. ᓄᓇᓕᒻᒥᐅᑕᓄᑦ ᐱᖅᓯᖅᓯᐅᕈᒪᔪᓄᑦ ᐊᒻᒪ ᓇᓄᓕᒻᒧᑦ, 150 ᑭᓚᒦᑕᐃᑦ ᖃᒧᑕᐅᔭᒃᑯᑦ ᐅᖅᓱᖅᑐᒧᑦ (ᖃᓂᓛᖑᔪᖅ ᐱᖓᓱᓂᑦ) ᐊᑐᕋᔅᓴᐅᔪᖅ ᓯᑯᓯᒪᓕᖅᑎᓪᓗᒍ.
ᓱᓕ ᓯᑯᓯᒪᔫᔮᖏᑦᑐᖅ, ᓯᑯᐊᓕᕋᓗᐊᖅᑐᓂ ᐃᒪᕐᒥᑦ ᑲᑎᑦᑎᓪᓗᒋᑦ ᓄᓇᖓᓄ ᐊᒻᒪ ᐅᓪᓗᖓ ᑭᓪᓕᖃᖅᑎᑕᐅᔪᖅ ᑎᓴᒪᐅᔪᖅᑐᓄᑦ ᐃᑲᕋᓄᑦ ᖃᐅᔨᒪᓂᖓ. ᒪᕐᕉᓐᓂ ᐱᓇᓱᐊᕈᓰᓐᓂ, ᐅᑭᐅᕈᑳᓪᓚᓂᐊᖅᑐᖅ ᒪᑐᓯᓂᐊᖅᑐᖅ ᐃᒪᕐᒥᑦ ᐊᒻᒪ ᓯᕿᓂᖅ ᓂᐱᓱᖓᐅᑎᓐᓂᐊᖅᑐᓂ, ᓯᓚᖓᓂᑦ ᑖᖏᓐᓇᕈᔪᓕᖅᑐᓂ ᐅᐱᕐᖔᕈᕋᓱᐊᕐᓂᖓᓄᑦ — ᑕᑯᔅᓴᐅᑎᑦᑎᓪᓗᑎ ᐊᖅᓴᕐᓂᓂᑦ ᐅᓐᓄᒃᑯᑦ. ᒥᐊᒡᒎᕐᓂᖏᑦ ᑐᖑᔪᖅᑐᓂ ᐃᔨᓖᑦ ᕿᒻᒥᓛᑦ ᓯᓚᒃᑯᑦ ᑐᓵᔭᔅᓴᐅᔪᑦ.
ᑕᓗᕐᔪᐊᖅ ᓂᕈᑭᑦᑐᒥ ᑲᖏᖅᓱᒦᑦᑐᑦ ᓂᒋᖓᑕ ᐱᖓᓐᓇᖓᓂ ᐃᒪᖓᓂ ᐊᖅᕕᖅᑑᖅ. ᓄᓇᖓ, 45,039 ᑭᑉᐹᕆᑦᑐᑦ ᑭᓚᓚᒦᑕᐃᑦ ᐅᖃᐅᔾᔭᐅᔪᐃᓐᓇᐅᔪᑦ, ᐅᖓᑖᓄᑦ ᐅᐊᓐᓇᖓᓄ ᐊᖏᔫᔮᖅᑐᖅ ᕿᑎᖅᑎ. “ᐅᕙᓐᖓᑦ, ᕿᑭᖅᑕᑐᐃᓐᓇᐅᔪᑦ,” ᓇᓗᓇᐃᖅᓯᔪᖅ ᐅᓕᑲᖅᑕᓕᒃ, “ᐆᒪᔪᓕᒫᑦ ᐊᖅᑯᓵᕆᐊᖃᖅᑐᑦ, ᐃᒪᒃᑯᑦ ᐅᕝᕙᓘᓐᓃᑦ ᓄᓇᒃᑯᑦ, ᐅᑎᖅᑕᕐᓂᖃᓕᖅᑎᓪᓗᒋᑦ.”
ᐱᓱᑲᐃᓐᓇᖅᑐᓂ ᑲᖏᖅᑐᖓᓂ ᐱᑐᖃᐅᔪᑦ ᑭᓪᓕᖏᑦ ᐅᔭᖅᑲᐃᑦ ᑕᓗᕐᔪᐊᒥ ᐊᑎᖃᖅᑎᑕᖏ, ᐃᓕᔭᐅᓯᔪᑦ ᓇᑦᓯᓕᒃ ᐃᓄᖏᓐᓄᑦ ᓇᔪᖅᓯᓯᒪᔪᑦ ᐆᒪᔪᓂ ᒪᓕᖃᑦᑕᖅᑐᑎ ᐊᒥᓱᐊᓗᓐᓂ ᐊᕐᕌᒍᓂ. ᐊᖑᓇᓱᓐᓂᕐᒧᑦ ᑕᓗᐊᓕᐅᓚᐅᖅᓯᒪᔪᑦ ᐊᑐᖅᑕᐅᔪᑦ ᐃᑳᕐᕕᐅᓪᓗᓂ ᐅᑎᖅᑕᖅᑐᓄᑦ ᑐᑦᑐᓄᑦ ᐱᓯᔅᓯᕕᒋᔭᐅᓪᓗᓂ.
ᓄᓇᓕᖓ ᑕᓗᕐᔪᐊᖅ, ᐊᓯᐊᒍᓪᓕ, ᓇᓂᔭᐅᕋᑖᖅᓯᒪᔪᖅ. ᐱᑕᖃᓕᓚᐅᖅᑐᖅ 1949−ᒥ ᑭᖑᓂᐊᒍᑦ ᒪᕐᕉᒃ ᐃᓅᒃ ᐊᖑᑏᒃ — ᑕᒪᒃᑭ ᐅᓕᖃᖅᑕᓕᒃ ᓯᕗᕚᖏᑦ −− ᐊᑐᓕᖁᔨᓚᐅᖅᑐᑦ ᓇᒦᓐᓂᖓ ᓂᐅᕕᕐᕕᒻᒧ ᓂᐅᕐᕈᑎᖃᕐᕕᐅᓗᓂ ᑐᓐᖓᕕᒋᓪᓗᒍ ᐱᑕᖃᕐᓂᖏᓐᓄᑦ ᑐᑦᑐᐃᑦ ᓇᒦᓐᓂᖓ. ᑲᑎᓐᖓᑦᑎᓂᖃᖅᑎᐊᖅᑐᑦ ᓄᓇᖓᓂ. “ᐅᕙᓂ ᐃᓅᓚᐅᖅᓯᒪᔪᖓ, ᐃᓕᓐᓂᐊᕆᐊᓚᐅᖅᑐᖓ ᐅᕙᓂ, ᐊᒻᒪ ᐅᕙᖓ ᐃᓅᓯᓕᒫᖓᓂ ᐅᕙᓂᒥᐅᑕᐅᓪᓗᖓ” ᐅᖃᖅᑐᖅ ᐅᓕᖃᖅᑕᓕᒃ. “ᐃᓅᓯᕆᔭᕗᑦ ᐱᒻᒪᕆᐅᔪᖅ ᐅᕙᑦᑎᓐᓄᑦ. ᓇᓗᓇᐃᒃᑯᑕᕆᔭᕗᑦ.”
ᐅᓕᖃᖅᑕᓕᒃ ᐃᑉᐱᓐᓂᐊᔭᖏᑦ ᐊᖏᕋᖓᓄᑦ ᐊᑭᐊᑎᑕᐅᔪᑦ ᓄᓇᓕᒻᒥ, ᑐᓂᔭᐅᓯᒪᔪᑦ ᓯᕗᕌᖏᓐᓂ, ᑭᒃᑯᑦ, ᐅᖃᖅᑐᖅ, “ᑕᓗᕐᔪᐊᖅ ᓄᓇᖑᐊᒨᕐᓗᒍ ᓄᓇᒋᓂᐊᕋᒃᑯ.” ᑭᓯᐊᓂ ᑕᑯᓐᓇᖑᐊᕋᓱᐊᖅᑕᖏᑦ ᐃᓗᓕᖏᑦ ᖁᕕᐊᓱᒍᑎᖃᕐᓗᑎ ᓄᓇᒥᑦ ᑕᕿᒫᔅᓴᐃᓐᓇᖅ ᖁᕕᐊᒋᒻᒪᒍ, ᑕᐃᒪᐃᓐᓂᐊᕋᓱᒋᖏᑕᖏᑦ ᐃᓱᒪᔪᖅ. 50−ᓂ ᐊᕐᕌᒎᓕᖅᑐᓂᑦ, ᑖᓐᓇ ᐱᐅᒋᔭᐅᒻᒪᕆᑦᑐᖅ ᐅᒥᖕᒪᓄᑦ, ᓇᓄᕐᓄᑦ, ᑎᕆᒐᓂᐊᓄ, ᓇᑦᑎᕐᓄᑦ, ᕿᓚᓗᒐᕐᓄᑦ ᐊᒻᒪ ᐃᖃᓗᓐᓄᑦ ᐊᖏᓪᓕᕙᓪᓕᐊᓯᒪᒪᔪᖅ ᐊᑦᑕᓇᖅᑎᑕᐅᓂᖓᓄᑦ. ᓯᑯᖓ ᓵᓪᓕᕙᓪᓕᐊᓂᖓ ᖃᓂᒋᔭᖓᓂ ᖁᑦᑎᑐᒃᑯᑦ ᐃᑳᕐᕕᒃᑯᑦ ᑐᑭᖃᖅᑐᖅ ᖁᕙᐊᕐᓗᑎ ᐅᒥᐊᕐᔪᐊᑕᖃᖃᑦᑕᕐᓂᖅ ᐊᒡᒋᓕᖅᑐᑦ, ᐊᒻᒪ ᐊᑦᑕᓇᕈᑎᖃᕐᓂᖓ ᐆᒪᔪᐃᑦ ᐸᕕᓴᑦᑕᐅᓂᖏᓐᓄᑦ ᐊᒻᒪ ᐅᖅᓱᐊᓗᐃᑦ ᑯᕕᔭᐅᔪᓄᑦ. ᐅᔭᕋᓐᓂᐊᕐᓂᖅ ᐱᔪᒪᓂᖃᖅᑐᑦ ᓄᓇᒥ ᐃᒪᕐᒦᑦᑐᒥ ᐊᒻᒪ ᓇᒻᒥᓂᖃᓕᕇᖅᑐᑦ 19 ᐅᔭᕋᓐᓂᐊᓂᕐᒧᑦ ᐱᔭᐅᔪᑦ −− ᐱᖃᓯᐅᑎᓪᓗᑎ ᑕᐃᒪᓐ. ᐅᔭᕋᓐᓂᐊᓂᕐᒧᑦ ᑎᒥᐅᔪᑦ ᓱᓕᓂᕋᖅᑐᑎ ᓄᓇᓕᒻᒥᐅᑕᓄᑦ ᕿᓚᒥᐅᔾᔪᑎᒋᓪᓗᓂᒋᑦ ᑲᔪᓯᓂᖃᑦᑎᐊᕈᓐᓇᓂᕐᒧᑦ, ᐅᓕᑲᖅᑕᓕᒃ ᐅᖃᖅᑐᖅ ᐱᖃᓯᐅᑎᓐᓇᓂᒋᑦ ᐃᑕᖃᕈᓐᓇᖅᑐᑦ ᐃᓅᖃᑎᒌᓐᓂᕐᒧᑦ, ᐱᖅᑯᓯᓄᑦ ᐊᒻᒪ ᐊᕙᑎᖓᓄᑦ ᐊᑭᖏᓐᓂ.
“ᑕᑯᔭᕋᐃᒐᒃᑯ ᑲᓇᑕ, ᐊᒻᒪ ᓯᓚᕐᔪᐊᓕᒫᖅ, ᐊᒻᒪ ᑕᑯᔾᓗᒋᑦ ᐅᔭᕋᓐᓂᐊᕐᓂᖅ ᖃᓄᐃᓕᓯᖃᑦᑕᕐᓂᖓᓄ ᐊᕙᑎᒥᑦ,” ᐅᖃᖅᑐᖅ ᐅᓕᖃᖅᑕᓕᒃ, “ᐊᒻᒪ ᑐᓴᖅᑐᒋᑦ ᐅᓂᒃᑳᑦ ᐅᕙᒍᑦ ᐃᓚᖏᓐᓂ ᖃᓪᓗᓈᑦ ᓄᓇᖓᓐᓂ ᐱᔾᔪᑎᖃᖅᑐᓂᑦ ᖃᓄᖅ ᐃᒥᕈᓐᓇᕐᒪᖔᑕ ᐃᒥᖏᓐᓂ ᐱᔾᔪᑎᒋᓪᓗᒍ ᓱᕈᓇᖅᑐᖃᕐᓂᖓᓄᑦ… ᑕᐃᒪᐃᖁᖏᑕᕗᑦ ᐅᕙᑦᑎᓐᓄᑦ ᐊᒻᒪ ᐅᕙᒍᑦ ᑐᑦᑐᖏᓐᓄᑦ.”
ᓴᓂᕌᒍᑦᑕᐅᖅ ᐃᓱᒫᓘᑕᐅᔪᖅ, ᐋᖅᑭᒍᑎᑕᖃᖅᑐᖅ. ᐅᓕᖃᖅᑕᓕᒃ ᐊᒻᒪ ᐃᖅᑲᓇᐃᔭᖃᑎᖏᑦ ᑕᓗᕐᔪᐊᖅ ᐆᒪᕈᓕᕆᔨᑯᑦ ᑲᑐᔾᔨᖃᑎᒌᖏᑦ ᐸᕐᓇᐅᑎᖃᖅᑐᑦ: ᐊᖅᕕᖅᑑᖅ ᐃᓄᐃᑦ ᓴᐳᒻᒥᔭᐅᓂᖏᑦ ᐊᒻᒪ ᐱᐅᖅᓱᐊᖅᑕᐅᔪᑦ ᓇᒦᓐᓂᖓ, ᓯᕗᓪᓕᖅᐹᖅ ᐃᓄᓐᓄᑦ ᑐᑭᒧᐊᖅᑎᑕᐅᔪᖅ ᓴᐳᒻᒥᑦᑎᓂᕐᒧᑦ ᐊᑐᖅᑕᐅᔪᓐᓇᓇᖅᑐᖅ ᖃᓄᐃᑦᑑᓂᖓ ᓯᓚᕐᔪᐊᒥ. ᑖᓐᓇ ᑐᔅᓯᕌᖑᔪᖅ ᓇᒦᓐᓂᖓ ᐱᖃᓯᐅᔾᔨᔪᖅ ᐃᒪᓕᒫᖓᓂ ᓄᓇᐅᑉ ᑭᓪᓕᖓᓂ ᐊᖅᕕᖅᑑᖅ, 90,000 ᑭᑉᐸᕆᑦᑐᑦ ᑭᓚᒦᑕᐃᑦ ᐃᒪᖓᓂ, ᓄᓇᖓᓂ ᐊᒻᒪ ᐃᒥᑦᑎᐊᕙᓐᓂᑦ ᐊᕙᑎᖏᓐᓂ ᐅᐊᑦᑎᔭᐅᖏᓐᓇᖃᑦᑕᕐᓗᑎ ᓴᐳᒻᒥᑦᑎᔨᓄᑦ (Hᐊᐳᒻᒥᔩᑦ ᐃᓄᒃᑎᑐᑦ) ᐃᖅᑲᓇᐃᔭᖅᑎᑕᐅᔪᑦ ᖃᐅᔨᓴᖃᑦᑕᕐᓗᑎ ᖃᓄᐃᓐᓂᕆᔭᖓᓂ ᓄᓇᖓ ᐊᒻᒪ ᐆᒪᔪᖏᑦ ᓄᓇᓕᒻᒥ ᖁᐊᒃᑯᕕᖓ ᐃᓗᓕᖃᖅᑏᓇᖅᑐᒍᓗ.
“ᓄᓇᕗᑦ ᐊᒻᒪ ᑐᑦᑐᕗᑦ ᖃᓄᐃᖏᑎᐊᖅᑐᑦ ᒫᓐᓇᐅᔪᒥᑦ,” ᐅᖃᖅᑐᖅ ᐅᓕᖃᖅᑕᓕᒃ, ᓂᐱᖅᑯᖅᑐᓯᕙᓪᓕᐊᓪᓗᓂ. “ᑕᐃᒪᓐᓇ ᑕᐃᒪᐃᑦᑑᖏᓐᓇᖁᔭᕗᑦ.”
ᐱᔪᒪᓂᕆᔭᖏᑦ ᐊᖅᕕᖅᑑᖅ ᐃᓄᐃᑦ ᓴᐳᒻᒥᔭᐅᔪᑦ ᓇᒦᓐᓂᖓ ᐅᐊᑦᑎᐊᕈᓂᕐᓴᖅ 1972−ᒥᑦ, ᐹᓐᐋᑦᑎᒃ ᐅᖅᓱᐊᓗᓕᕆᔩᑦ ᑎᒥᖓᑦ −− ᑲᑐᑎᔭᐅᓪᓗᓂ ᑮᓇᐅᔭᓕᐅᕋᓱᓐᓂᐅᔪᖅ ᐅᖅᓱᐊᓗᓕᕆᔨᓂᑦ ᓲᕐᓗ Imperial Oil, Gulf Canada Resources ᐊᒻᒪ ᐊᓯᖏᑦ — ᓇᓂᓯᓚᐅᖅᑐᑦ ᒑᓯᓂᑦ ᑲᓇᑕᒥ ᐅᑭᐅᑕᖅᑐᒥ ᕿᑭᖅᑕᒐᓚᖏᓐᓂ. ᑕᐃᔅᓱᒪᓂᐅᑎᓪᓗᒍ ᒥᓂᔅᑕ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥ ᐱᕙᓪᓕᐊᑎᑦᑎᓂᕐᒧᑦ ᔮᓐ ᑯᕋᑦᓯᐊᓐ ᑐᔅᓯᕋᓚᓚᐅᖅᑐᖅ ᒑᓯᓄᑦ ᓱᓪᓗᓕᒥᑦ ᐊᖅᕕᖅᑐᒃᑰᕋᔭᖅᑐᖅ ᑎᑭᐸᓪᓕᐊᓗᓂ ᑯᐊᓐᕗᐊᓚᓚᔅ ᕿᑭᖅᑕᖓᓄ, 400 ᑭᓚᒦᑕᐃᑦ ᐅᐊᓐᓇᖓᓄᑦ, ᖃᓪᓗᓈᑦ ᓂᒋᖓᓄ ᐃᐅᐴᑕ. ᒐᕙᒪᒃᑯᑦ ᑲᑎᒪᖃᑎᖃᓚᐅᖅᓯᒪᖏᑦᑐᑦ, ᑕᐃᒪᐃᓐᓂᖓᓄᑦ ᐃᓐᓇᑐᖃᐃᑦ ᑕᓗᕐᔪᐊᒥ ᑲᑎᒪᖃᑦᑕᓕᓚᐅᖅᑐᑦ ᐊᖏᕋᖏᓐᓂ ᐅᓐᓄᑕᒫᑦ ᖃᐅᔨᓇᓱᐊᖅᑐᑎ ᖃᓄᖅ ᓄᖅᑲᖅᑎᒐᔅᓴᐅᒻᒪᖔᖅ ᓱᓪᓗᓕ.
ᑕᐃᒃᑯᓄᖓ ᑐᔅᓯᐸᖅᑐᓄᑦ ᓱᓪᓗᓕᒻᒥᑦ, ᐊᖅᕕᖅᑑᖅ ᒫᒪᑦᒥᓂᐅᔮᓚᐅᖅᑐᑦ ᐊᖏᓂᖓ ᐊᑐᖅᑕᐅᓯᒪᖏᑦᑐᖅ ᓄᓇ. ᖃᓄᖅ ᐊᔾᔨᒌᖏᑎᑦᑎᓂᖃᕋᔭᖅᑲ ᐊᑕᐅᓯᖅ ᓱᓪᓗᓕ? ᐃᓐᓇᑐᖃᐃᑦ ᐊᓯᐊᒍᑦ ᖃᐅᔨᒪᓚᐅᖅᑐᑦ. ᐃᓱᒪᒋᔭᐅᓪᓗᑎ ᐱᖓᓲᔪᖅᑐᑦ ᐃᖃᓗᖃᖅᑐᑦ ᑰᖏᑦ ᐃᒪᖓᓂ ᐊᒻᒪ ᑐᑦᑐᐃᑦ, ᓇᓄᐃᑦ, ᐅᑎᖅᑕᖃᑦᑕᖅᑐᑦ ᑎᒻᒥᐊᑦ, ᐊᒪᕈᐃᑦ ᐊᒻᒪ ᐊᒥᓱᒃᑲᓐᓃᑦ ᐆᒪᔪᐃᑦ ᓇᔪᖅᓯᖃᑦᑕᖅᑐᑦ ᐅᕝᕙᓘᓐᓃᑦ ᐅᐸᔅᓯᖃᑦᑕᖅᑐᑦ ᑕᕝᕗᖓ, ᐊᒥᓱᑦ ᐃᕐᓂᐊᖑᓪᓗᑎ ᕿᑐᓐᖓᖅᑖᖑᔪᑦ, ᐊᖅᕕᖅᑑᖅ ᒥᑭᓂᖅᓴᐅᔮᓕᓚᐅᖅᑐᖅ. ᐱᔪᒥᓇᖅᑐᒥ ᐱᔾᔪᑎᖃᑦᑎᐊᖅᑐᑦ, ᐃᓐᓇᑐᖃᐃᑦ ᓚᓇᓗᓇᐃᖅᓯᓇᐅᖅᑐᑦ ᐅᑉᐱᕆᔭᖏᓐᓂ ᐃᓂᖃᖏᑦᑐᖅ ᐅᖅᓱᐊᓗᓕᕆᓂᕐᒧᑦ ᐱᓕᕆᔭᐅᔪᓂᑦ. ᓵᓚᖃᓂᐊᖅᑑᔮᖏᒃᑲᓗᐊᖅᑎᓪᓗᒋᑦ, ᓱᓪᓗᓕᓕᐅᕐᓂᖅ ᖁᔭᓈᖅᑕᐅᓚᐅᖅᑐᖅ 1980-ᖏᓐᓂ −− ᐃᓚᖓᒍᑦ ᐱᔾᔪᑎᒋᓗᒍ ᓂᕈᐊᖅᑕᐅᓯᒪᔪᓄᑦ ᐊᔭᐅᖅᑕᐅᓂᖏᓐᓄᑦ ᓄᓇᓕᒻᒥ ᐃᑲᔪᓚᐅᖅᑐᑦ, ᐊᒻᒪᓗᑦᑕᐅᖅ ᒪᓕᑦᑕᐅᔭᕆᐊᓕᓐᓄᑦ ᐱᔭᕆᐊᑐᖏᓐᓄᑦ ᐊᒻᒪ ᐅᖅᓱᐊᓗᓐᓄᓂ ᓂᐅᕐᕈᑎᖃᓂᕐᒧᑦ ᐊᓯᔾᔨᖃᑦᑕᕐᓂᖏᓐᓄᑦ. ᐅᖃᖅᑕᖓᓄ ᐅᓕᑲᖅᑕᓕᒃ, ᐋᖅᑭᒍᑎᖓ ᐃᓐᓇᑐᖃᐃᑦ ᐃᑲᔫᑎᒋᓚᐅᖅᑕᖓ ᓄᖅᑲᖅᑎᑕᐅᓗᓂ ᓱᓪᓗᓕ ᑕᐃᔅᓱᒪᓂᓂᑦ ᐱᔪᒥᓇᕆᔭᐅᖏᓐᓇᖅᑐᖅ ᑕᐃᒃᑯᓄᖓ ᐊᑭᕋᑐᖅᑐᓄᑦ ᐅᓪᓗᒥ. “ᐃᑉᐱᒍᓱᑦᑐᒍᑦ ᐱᔪᓐᓇᐅᑎᖃᕋᑦᑕ ᓴᐳᒻᒥᓗᒍ ᐊᖅᕕᖅᑑᖅ ᐅᓪᓗᒥ ᐅᐱᒋᓗᒋᑦ ᑕᐃᒃᑯᐊ ᐃᓄᐃᑦ 1872−ᖑᓚᐅᖅᑐᒥᑦ,” ᐅᖃᖅᑐᖅ.
ᐱᔪᒪᓂᕆᔭᐅᔪᑦ ᓴᐳᒻᒥᔭᐅᓂᖓᓄᑦ ᐊᖅᕕᖅᑑᖅ ᑲᔪᓰᓐᓇᖅᑐᖅ ᓄᓇᓕᒻᒥ ᐊᕐᕌᒍᒐᓚᐃᑦ ᖄᖏᖅᓯᒪᓕᖅᑎᓪᓗᒋᑦ, ᑭᓯᐊᓂ ᓇᓗᓇᐃᖅᓯᒪᖏᑦᑐᒥ ᐊᖅᑯᑎᖃᖅᑐᓂ ᐅᕝᕙᓘᓐᓃᑦ ᐊᐅᓚᓂᖓᓂ ᑎᑭᓪᓗᒍ ᑕᒪᓐᓇ. 2015−ᒥᑦ, ᐊᕕᑦᑐᖅᓯᒪᔪᓂ ᐊᒻᒪ ᐅᑭᐅᑕᖅᑐᒥ ᒐᕙᒪᐃᑦ −− ᐃᓚᖏᑦ ᐃᑲᔪᓱᖅᒪᕆᓚᐅᖅᑐᑦ ᐅᔭᕋᓐᓂᐊᓂᕐᒥᑦ −− ᐋᒡᒑᖅᓯᓚᐅᖅᑐᑦ ᓄᓇᓂ ᐊᐅᓚᑦᑎᓂᕐᒧᑦ ᑐᔅᓯᕋᐅᑎᓂᑦ ᓴᐳᒻᒥᔭᐅᔪᓄᑦ ᓇᒦᓐᓂᖏᓐᓄᑦ, ᐊᒻᒪ ᐱᕙᓪᓕᐊᓂᖓ ᐋᖅᑭᑦᑕᐅᓚᐅᖅᑐᖅ ᐱᕙᓪᓕᐊᓂᖃᕈᓐᓇᐃᓕᓪᓗᓂ. ᐃᑉᐱᒍᓱᑦᑐᑎᑦ ᓂᐱᖏᑦ ᑐᓴᖅᑕᐅᓚᐅᖏᒻᒪᑕ, ᑕᓗᕐᔪᐊᖅ ᐆᒪᕈᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᓵᕝᕕᒋᓚᓚᐅᖅᑕᖏᑦ ᓄᓇᕐᔪᐊᒥ ᐆᒪᔪᓂᑦ ᓇᐅᔅᓯᑐᖅᑏᑦ.
Advertisement
ᐃᐊᒥᓇ ᐊᐃᑕ ᐊᒻᒪ ᐳᕌᓐᑕᓐ ᓚᕗᐊᕋᔅ, ᐃᑲᔪᖅᑎ ᖃᐅᔨᒪᓂᓕᒃ ᐊᒻᒪ ᑐᑭᒧᐊᖅᑎᑦᑎᔨ ᖃᐅᔨᒪᓂᓕᒃ ᐅᑭᐅᑕᖅᑐᖅ ᓴᓐᖏᔫᓂᖓᓄᑦ ᓇᔪᖅᑕᐅᕙᑦᑐᖅ WWF−ᑯᓐᓄᑦ, ᐳᓛᕆᐊᖅᓯᒪᓚᐅᖅᑐᖅ ᑕᓗᕐᔪᐊᒧᑦ ᐊᒻᒪ ᑐᓂᓯᓪᓗᑎ ᖃᐅᔨᒪᓂᕆᔭᖏᓐᓂ ᐊᖅᕕᖅᑑᖅ ᐱᓕᕆᐊᒧᑦ ᑕᐃᒪᓐᖓᓂᑦ. ᐊᐃᑕ ᓇᓗᓇᐃᔭᖅᑕᖓ WWF ᐱᓕᕆᓂᕆᔭᖏᑦ ᐃᓚᒋᓚᐅᖅᑕᖓ ᐃᑲᔫᑕᐅᔪᖅ −− ᓇᓂᓯᓂᕐᒥᑦ ᑮᓇᐅᔭᖃᖅᑎᑦᑎᔪᓐᓇᖅᑐᓂᑦ ᐃᑲᔪᕐᓗᑎ ᐊᖅᕕᖅᑑᖅ ᐃᓄᐃᑦ ᓴᐳᒻᒥᔭᐅᓂᖏᑦ ᐊᒻᒪ ᓴᐳᒻᒥᔭᐅᓂᖏᑦ ᓇᒦᓐᓂᖏᑦ, ᐃᑲᔪᖅᑕᐅᖃᑕᓕᖅᑐᑎᑦ ᓇᒦᓐᓂᖓᓂ ᑎᒍᒥᐊᖅᑎᐅᖃᑕᐅᔪᓂᑦ, ᐊᒻᒪ ᐃᑲᔪᖅᑐᑎ ᑲᑐᔾᔨᖃᑎᒌᒥᑦ ᓇᓗᓇᐃᖅᑕᐅᓪᑎ ᖄᖓᒎᖃᑦᑕᐅᑎᔪᓂᑦ ᑕᑯᓐᓇᖅᑕᖏᓐᓂ ᑖᔅᓱᒧᖓ ᐃᒪᖓᓄ ᓄᓇᖓᓄᓪᓗ ᐃᓚᕙᓪᓕᐊᓂᖃᖅᑐᓂ, ᐊᒻᒪ ᐱᓯᒪᔭᔅᓴᐅᓂᖅᓴᐅᓪᓗᑎ ᑐᕌᒐᖏᑦ. “ᑕᐃᒃᑯᐊᓪᓚᕆᐅᔪᑦ,” ᐅᖃᖅᑐᖅ ᐊᐃᑕ. “ᒪᓕᑐᐃᓐᓇᖅᑕᕗᑦ ᓯᕗᓕᖅᑎᖏᑦ ᐊᒻᒪ ᑎᑭᑦᑎᒐᓗᐊᕐᒪᖔᑕ ᑖᒃᑯᓂᖓ ᐊᑐᖅᑕᐅᓚᐅᖅᓯᒪᖏᑦᑐᓂᑦ, ᑕᐃᒃᑯᐊ ᓴᖅᑭᖏᑑᔮᖏᑦᑐᑦ, ᑖᔅᓱᒥᖓ IPCA ᓴᖅᑭᑎᑦᑎᓂᐊᖅᑐᑦ.”
WWF ᐃᑲᔪᕐᓂᖏᓐᓄᑦ, ᑕᓗᕐᔪᐊᖅ ᐆᒪᕈᓕᕆᔨᒃᑯᑦ ᑲᑐᔾᔨᖃᑎᒌᖏ ᐱᒋᐊᖅᓯᒪᓕᖅᑐᑦ ᑎᑎᕋᖅᑕᐅᓗᑎ ᑐᖏᓖᑦ ᖃᓄᐃᓐᓂᕆᔭᖏᑦ. 2021-ᒥ, ᑕᓗᕐᔪᐊᖅ ᓵᓚᒃᓴᓚᐅᖅᑐᑦ $451,000 ᐅᑭᐅᑕᖅᑐᒥ ᐱᔪᒥᓇᕈᑎᖃᖅᑎᑦᑎᓂᕐᒧᑦ ᐱᔾᔪᓯᐊᒥᑦ, ᑮᓇᐅᔭᐃᑦ ᑐᓂᔭᐅᔪᑦ “ᐅᑭᐅᑕᖅᑐᒧᑦ ᑐᕌᖅᑐᑎ ᐅᑭᐅᑕᖅᑐᒧ” ᑮᓇᐅᔭᖃᖅᑎᑦᑎᔪᑦ ᑎᑭᓯᒪᔪᓄᑦ 12 ᓄᓇᓕᓐᓄᑦ ᑐᑭᒧᐊᖅᑎᑕᐅᔪᑦ ᐱᓕᕆᐊᓂᑦ ᐊᕐᕌᒍᑕᒫᑦ. ᓄᓇᓕᒻᒧᑦ ᓵᓚᒃᓴᕐᓂᖓ ᐱᓕᕆᐊᖅ, ᑕᐃᔭᐅᔪᖅ ᓇᕿᕼᐊᖁᑦ (ᑐᑭᖃᖅᑐᖅ “ᓂᕿᕗᑦ”), ᐃᓛᒃᑯᕋᓗᐊᖅᑐᓂ ᐊᖅᕕᖅᑑᖅ ᐱᓕᕆᐊᒥᑦ, ᐃᓚᒋᓕᐅᑎᓯᒪᑦᑎᐊᓕᖅᑐᖅ ᑐᔅᓯᕌᖑᔪᒧᑦ ᓴᐳᒻᒥᔭᐅᓂᖓᓄᑦ ᓇᒦᓐᓂᖓᓄᑦ. ᕿᑎᐊᓃᑎᑦᑎᒻᒪᑦ ᐃᓄᐃᑦ ᓂᕿᖏᓐᓂ ᐊᒡᒍᕐᓗᒍ ᐃᒧᓗᒍ ᐱᓕᕆᕕᒃ. ᓂᕿᓕᕆᕕᖃᕐᓂᖅ ᓇᔪᖅᑕᐅᔪᒥᑦ ᐱᕙᓪᓕᐊᑎᑕᐅᓗᑎ ᐃᓄᐃᑦ ᓂᕿᖏᑦ ᓄᓇᒦᖔᖅᓯᒪᔪᑦ, ᐱᖃᓯᐅᑎᓪᓗᑎ ᑐᑦᑐᐃᑦ, ᕿᓚᓗᒐᐃᑦ, ᓇᑦᑏᑦ ᐊᒻᒪ ᐃᖃᓗᐃᑦ, ᐃᑲᔪᕋᔭᖅᑐᖅ ᐋᖅᑭᔅᓯᓗᑎ ᐊᑕᐅᓯᕐᒥ ᐊᔅᓱᕈᕈᑕᐅᓛᖑᔪᓂᑦ ᓄᓇᓕᒻᒥᐅᑕᓄᑦ ᑕᓗᕐᔪᐊᖅ ᓵᓐᖓᔭᖏᑦ: ᓂᕿᓄᑦ ᐊᑦᑕᓇᐃᖅᓯᒪᓂᖅ.
“ᐃᓅᒐᓗᐊᖅᑎᓪᓗᑕ, ᐱᕕᔅᓴᖃᐃᓐᓇᖏᑦᑐᒍᑦ ᐃᓄᐃᑦ ᓂᕿᖏᓐᓂ,” ᐅᓕᒃᑲᑕᓕᒃ ᐅᖃᖅᑐᖅ ᖁᖓᑦᑐᓂ. ᐆᒪᔪᐃᑦ ᐱᑕᖃᑦᑎᐊᕋᓗᐊᖅᑎᓪᓗᒋᑦ, ᐊᖑᓇᓲᑏᑦ ᐊᑭᑦᑐᐸᓪᓕᐊᖏᓐᓇᖅᑐᑦ. ᐊᒻᒪ ᐊᖑᓇᓱᑦᑏᑦ ᓄᓇᒧᑦ ᐊᐅᓪᓚᖃᑦᑕᖅᑐᑦ ᖃᐅᔨᓯᒪᔪᑦ ᓯᓚᖓ ᐊᓯᔾᔨᕐᓂᖓ ᐊᓯᔾᔩᓕᖅᑐᖅ ᓄᓇᖓᓂ. ᓵᓪᓕᕙᓪᓕᐊᔪᖅ ᓯᑯᖓ ᐊᖑᓇᓱᓐᓂᕐᒥᑦ ᐱᒡᒐᓇᓂᖅᓴᐅᑎᑦᑎᔪᖅ, ᐊᒻᒪ ᐅᒥᖕᒪᐃᑦ; ᐊᑯᓂᐅᕙᒧᖏᑦᑐᖅ ᐊᖅᕕᖅᑑᒥ, ᒫᓐᓇ ᐊᒥᓲᓗᐊᓕᖅᑐᑦ ᐊᒻᒪ ᕿᒫᑎᑦᑎᓪᓗᑎ ᑐᑦᑐᓂᑦ.
ᑕᐃᒃᑯᓄᖓ ᓄᓇᒧᑦ ᐊᐅᓪᓚᕈᓐᓇᖏᑦᑐᓄᑦ −− ᐃᓐᓇᑐᖃᐃᑦ, ᐊᖏᔪᖅᑳᑐᐊᖑᔪᑦ ᐊᒻᒪ ᑮᓇᐅᔭᓕᐅᑦᑎᐊᖏᑦᑐᑦ ᐃᓚᒌᑦ — ᓵᔅᓯᖃᑦᑕᖔᖅᑐᑦ ᐊᑭᑐᔪᒻᒪᕆᓐᓄᑦ ᓂᐅᕕᕐᕕᓐᓄᑦ. ᒪᓕᑦᑐᒋᑦ ᓂᕿᑦᑎᐊᕙᓕᕆᔩᑦ ᐅᑭᐅᑕᖅᑐᒥ ᑲᓇᑕᒥ ᑭᖑᓪᓕᖅᐹᒥ ᐅᓂᒃᑳᖏᓐᓂ 2021−ᒥ, ᑕᖅᑭᑕᒫᑦ ᐊᑭᖏᑦ ᓂᕆᑎᓪᓗᒋᑦ ᐃᓚᒌᑦ ᑎᓴᒪᑦ ᑕᓗᕐᔪᐊᒥ ᐅᓇᐅᓚᐅᖅᑐᖅ $1,962. ᐊᔾᔨᒋᑎᓐᖑᐊᖅᑐᒍ, ᑭᓪᓕᓯᓂᐊᖅᑏᑦ ᑲᓇᑕᒥ ᐋᓐᑎᐅᕆᔪᒥ ᑕᖅᑭᑕᒫᒪᑦ ᐃᓪᓗᒧᑦ ᓂᕿᓄᑦ ᑮᓇᐅᔭᖅᑐᖃᒐᔪᓚᐅᖅᑐᑦ $819 ᑕᐃᔅᓱᒪᓂᐅᑎᓪᓗᒍ. ᐅᓕᖃᖅᑕᓕᒃ ᐅᖃᒡᒐᓇᖏᓂᖅᓴᐅᑎᑕᖓ: “ᐊᑭᖃᖅᑐᑦ ᑕᓕᕐᒥᑦ ᐊᒻᒪ ᓂᐅᒥ.”
ᐊᑐᖅᑐᔅᓴᓕᐅᓂᐊᕐᓗᓂ, ᐃᓄᐃᑦ ᐱᖔᖃᑦᑕᖅᑐᑦ ᐊᑭᑭᓐᓂᖅᓴᓂᑦ ᓂᕿᓕᐊᖑᓯᒪᔭᕇᖅᑐᓂᑦ ᐴᖅᓯᒪᒐᔪᑦᑐᑦ ᑳᓗᕆᒃᑭᐅᓪᓗᑎ, ᐅᖅᓱᑭᐅᓪᓗᑎ, ᓱᑲᒃᑭᐅᓪᓗᑎ ᐊᒻᒪ ᑕᕆᐅᒃᑭᐅᓪᓗᑎ. ᑎᒥᖏᑦ ᖃᓄᐃᓐᓂᕆᔭᖏᑦ ᖃᓄᐃᓕᖃᑦᑕᖅᑐᑦ. “ᐊᒥᓱᑦ ᐃᓄᐃᑦ ᐊᐅᖏᑎᒍᑦ ᓱᑲᖃᓗᐊᓕᖃᑦᑕᖅᑐᑦ ᐅᓪᓗᒥ ᐱᔾᔪᑎᒋᓪᓗᒍ ᐱᔪᓐᓇᖏᓐᓂᖏᓐᓄᑦ ᐃᓄᐃᑦ ᓂᕿᖏᓐᓂ. ᐃᓄᐃᑦ ᓂᕿᖏᑦ ᓂᕿᓪᓚᑦᑖᕆᒐᑦᑎᒍ. ᑐᓂᓯᕕᐅᖃᑦᑕᖅᓯᒪᔪᒍᑦ ᐃᓅᔪᒐᑦᑕᓂ, ᐊᒻᒪ ᓂᕆᑲᓐᓂᖃᑦᑕᕈᑦᑎᒍ, ᖃᓄᐃᖏᑎᐊᖏᓂᖅᓴᐅᓂᐊᖅᑐᒍ,” ᐅᓕᑲᖅᑕᓕᒃ ᐅᖃᖅᑐᖅ.
ᑐᕌᖅᑕᓪᓚᕆᐅᔪᖅ ᐊᖅᕕᖅᑑᖅᒧ ᐊᒻᒪ ᓂᕿᕼᐊᖁᑦ ᐱᓕᕆᐊᑦ ᓴᖅᑭᑎᑦᑎᓗᑎ ᐱᐅᖅᓱᐊᖅᑐᓂᑦ ᑮᓇᐅᔭᓕᕆᓂᕐᒥᑦ — ᑲᔪᖏᖅᓴᐃᔪᑦ ᐃᒪᕐᒥ ᐱᐅᖅᓱᐊᓂᕐᒧᑦ ᐱᕕᔅᓴᐅᔪᓐᓇᕐᓗᓂ ᐱᕈᓂᕐᒧᑦ — ᑕᓗᕐᔪᐊᒥ ᐱᓕᕆᐊᖃᓗᐊᖅᑐᑦ ᓄᓇᓕᒻᒥ ᓂᕆ.ᐅᔪᓂᑦ, ᒐᕙᒪᒃᑯᓂᐅᖏᖔᖅᑐᖅ ᐊᒻᒪ ᑎᒥᐅᔪᓂᑦ ᖃᓪᓗᓈᑦ ᓄᓇᖓᓐᓂ ᑎᑭᑎᑦᑎᔪᒪᔪᑦ ᐊᑭᑐᔪᓂᑦ ᐱᕙᓪᓕᐊᑎᑕᐅᓯᒪᔪᓂᑦ ᓂᕿᓂᑦ.
ᐊᔾᔨᒋᑎᓐᖑᐊᖅᑐᒍ ᐱᕈᖅᓯᐊᖑᕙᑦᑐᓄᑦ ᐊᑐᖅᑕᐅᔪᓂᑦ ᖃᓪᓗᓈᑦ ᓄᓇᖓᓐᓂ, ᐅᓕᖃᖅᑕᓕᒃ ᑕᐃᔭᖏᑦ ᐆᒪᔪᐃᑦ ᐊᖅᕕᖅᑑᓕᒫᒥ “ᐆᒪᔪᖁᑎᒋᓪᓗᒋᑦ.” ᐊᒡᒍᖅᑕᐅᓪᓗᑎ ᐴᖅᑲᓴᐅᓪᓗᑎᓪᓗ ᐱᓕᕆᕕᒃ ᐱᔪᓐᓇᑎᑦᑎᒐᔭᖅᑐᖅ ᑕᓗᕐᔪᐊᒥᑦ ᓄᐊᑦᑎᑎᐊᕐᓗᑎ, ᐊᑐᐃᓐᓇᕈᐃᓗᑎ, ᑐᖅᑯᖅᑕᐅᓗᑎ ᐊᒻᒪ ᑐᓂᐅᖅᑲᖅᑕᐅᓗᑎ ᓂᖀᑦ ᒪᑭᒪᑎᑕᔅᓴᐅᔪᓂᑦ ᐱᑕᖃᖅᑎᑕᐅᔪᑦ ᐆᒪᔪᖁᑎᒋᔭᐅᔪᓂᑦ ᐊᖏᓂᖅᓴᓂᑦ. ᐃᓚᒋᔪᓐᓇᕐᒥᔭᖓ ᐆᒪᒧᓂᑦ ᐊᐅᓚᑦᑎᓂᕐᒧᑦ. ᓂᕿᓕᕆᕕᐅᔪᖅ ᐱᔪᓐᓇᑎᑦᑎᒐᔭᖅᑐᖅ ᑕᓗᕐᔪᐊᖅ ᐆᒪᕈᓕᕆᔩᑦ ᑲᑐᔾᔨᖃᑎᒌᖏᓐᓂ ᐊᖑᓇᓱᓪᓗᑎ ᐊᒥᓲᓗᐊᓕᖅᑐᓂ ᐅᒥᖕᒪᓂᑦ ᓇᓕᒧᑎᑦᑎᓂᖅᓴᐅᔪᓄᑦ ᐊᒥᓲᓂᖏᑦ, ᖃᓱᑎᑦᑎᒋᐊᖅᑐᑦ ᐊᖅᕕᖅᑑᖅ ᑐᑦᑐᖏᓐᓂ. ᐱᑕᖃᒃᑲᓂᕐᓗᑎ ᓂᕿᓂᑦ, ᑲᑐᔾᔨᖃᑎᒌᖑᔪᖅ ᓂᐅᕕᐊᖑᑎᒍᓐᓇᖅᑕᖏᑦ ᓂᐅᕕᐊᔅᓴᐃᑦ ᑕᓗᕐᔪᐊᕐᒥᐅᑕᓄᑦ ᐊᒻᒪ ᐊᓯᖏᓐᓄᑦ ᓄᓇᓕᓐᓄᑦ ᓄᓇᕗᒻᒥ ᓈᒻᒪᓐᓂᖃᖅᑐᓂ ᐊᑭᖏᓐᓂ — ᐊᒻᒪ ᖃᓪᓗᓈᑦ ᓄᓇᖓᓄᑦ ᐊᑯᓂᐅᔪᒧᑦ. ᓴᓇᔭᐅᓯᒪᓕᕈᓂ (ᓄᓇᓕᐅᔪᖅ ᑐᕌᕐᓂᖃᖅᑐᖅ ᐱᔭᕇᖅᑕᐅᓗᓂ ᑕᒪᑐᒪᓂ ᐅᑭᐊᔅᓵᒥᑦ), ᑲᑐᔾᔨᖃᑎᒌᑦ ᐅᑉᐱᕈᓱᑦᑐᑦ ᓂᕿᓕᕆᕕᒃ ᑮᓇᐅᔭᓕᐅᕐᓂᖃᓂᐊᖅᑐᓂ $1.9 ᒥᓕᐊᓐ ᐊᕐᕌᒍᑕᒫᑦ ᑮᓇᐅᔭᓕᐊᓂᑦ, ᑮᓇᐅᔭᐃᑦ ᑮᓇᐅᔭᓕᐅᕋᓱᐊᒃᑲᓂᖅᑐᑎ ᐱᖅᑯᓯᓄᑦ ᐱᓕᕆᐊᓄᑦ ᓄᓇᓕᒻᒧᑦ, ᐊᒻᒪ ᓴᖅᑭᑎᑦᑎᓗᑎ ᓄᓇᓕᒻᒥ, ᐱᖅᑯᓯᓄᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᓂᑦ.
ᐅᑯᐊᖑᒋᕗᑦ “ᓴᐳᒻᒥᑦᑎᔩᑦ ᐊᐃᒋᓖᑦ.” “ᐃᓄᐃᑦ ᒫᓂ ᑕᐃᖃᑦᑕᖅᑕᖏᑦ ᓴᐳᒻᒥᑦᑎᔩᑦ,” ᐅᖃᖅᑐᖅ ᐅᓕᖃᖅᑕᓕᒃ ᐃᓪᓚᓯᓪᓗᓂ.
ᓴᐳᒻᒥᑦᑎᔩᑦ ᐃᔨᒋᔭᐅᔪᑦ ᐊᒻᒪ ᓯᐅᑎᒋᔭᐅᔪᑦ ᐊᖅᕕᖅᑑᖅ ᐱᓕᕆᐊᒧᑦ, ᑕᓪᓕᒪᑦ ᐱᓕᕆᔩᑦ ᓄᓇᓕᒻᒥ ᑐᑭᒧᐊᖅᑎᑕᐅᔪᑦ ᐅᓇᑕᖅᑐᔅᓴᐅᓚᐅᖅᓯᒪᔪᒧᑦ ᓘᑎᐊᓇᓐᑦ ᐊᐱᐅᓪ ᐊᖅᑲᖅ. ᐅᐊᑦᑎᖃᑦᑕᖅᑐᑦ ᓄᓇᖓᓂ ᐊᒻᒪ ᐃᒪᖏᓐᓂ ᐊᖅᕕᖅᑑᖅ ᖃᐅᑕᒫᑦ, ᐊᐅᓚᑦᑎᓪᓗᑎ DFO-ᑮᓇᐅᔭᖃᖅᑎᑕᐅᔪᖅ ᐃᒪᖓᓂ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᖅ ᐊᒻᒪ ᓄᐊᑦᑎᓗᑎ ᑐᓐᖓᕕᖏᓐᓄᑦ ᑐᑭᓯᒋᐊᕈᑎᓂᑦ ᐃᒪᕐᒥ ᐆᒪᔪᓂᑦ ᐊᔾᔨᒌᖏᑦᑐᓂ ᐊᒥᓱᓂᑦ ᐊᒻᒪ ᐱᑕᖃᕐᓂᖏᓐᓄᑦ ᓂᕆᐅᒋᔭᐅᔪᓂᑦ ᖁᕝᕙᕆᐊᖅᑐᓂᑦ ᐅᒥᐊᕐᔪᐊᖃᖃᑦᑕᕐᓂᖓᓄᑦ. ᖃᐅᔨᓴᖃᑦᑕᖅᑐᑦ ᑐᑦᑐᐃᑦ ᐊᒥᓲᓂᖏᓐᓂ ᖃᐅᔨᔾᔪᑎᐅᓂᖅᓴᐅᓗᑎ ᑐᑦᑐᑕᐅᔪᓄ ᐸᕐᓇᐅᒻᒥᑦ ᓂᕿᕼᐊᖁᑦ. ᐊᒻᒪ, ᐃᒻᒪᖃ ᐱᒻᒪᕆᐅᓛᖑᔪᒥᑦ, ᐊᖑᓇᓱᓐᓂᐊᖅᑐᑦ ᐊᒻᒪ ᐅᑎᐅᔾᔨᓗᑎ ᐃᓄᐃᑦ ᓂᕿᖏᓐᓂ ᓄᓇᓕᒻᒧᑦ.
ᒐᕙᒪᑐᖃᒃᑯᓐᓄᑦ ᑮᓇᐅᔭᖃᖅᑎᑕᐅᓂᖓ ᓴᐳᒻᒥᑦᑎᔨᓄᑦ ᐱᓕᕆᐊᒧᑦ 2022-ᒥᐅᓚᓚᓚᐅᖅᑐᖅ, ᐊᓯᖓ ᐊᑐᖅᑕᐅᓚᓚᐅᖅᓯᒪᖏᑦᑐᖅ ᑕᓗᕐᔪᐊᖅ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᓐᓄᑦ ᐊᕐᕌᒎᕋᑖᖅᓯᒪᔪᓂᑦ. ᓄᓇᖃᖅᑳᖅᓯᒪᔪᑦ ᓴᐳᒻᒥᑦᑎᔩᑦ ᐱᓕᕆᐊᑦ, ᓯᕗᓪᓕᖅᐹᒥ ᓴᖅᑭᖅᑎᑕᐅᔪᑦ 2017 ᐊᒻᒪ ᐃᓂᖃᖅᑐᑎᑦ ᖃᓂᒋᔭᖏᓐᓂ 80 ᓄᓇᖃᖅᑳᖅᓯᒪᔪᑦ ᓄᓇᓕᓐᓂᑦ ᑲᓇᑕᓕᒫᒥ, ᐱᑕᖃᖅᑎᑎᓪᓗᑎ ᑮᓇᐅᔭᖃᖅᑎᑕᐅᖃᑦᑕᖅᑐᓂᑦ ᑐᓐᖓᕕᖏᓐᓄᑦ ᓄᓇᓕᒻᒧᑦ ᐱᓕᕆᔭᐅᔪᓂᑦ ᐱᓕᕆᐊᖃᓗᐊᖅᑐᑦ ᐊᕙᑎᖓᓂ ᐱᓯᒪᑦᑎᔨᐅᓂᕐᒧᑦ, ᒪᑭᒪᑎᑕᔅᓴᐅᔪᓂᑦ ᐊᖑᓇᓱᓐᓂᕐᒧᑦ, ᒥᑭᔪᓂᑦ ᐃᖃᓗᓕᕆᓂᕐᒧᑦ ᐊᒻᒪ ᐳᓚᕋᖅᑐᓕᕆᓂᕐᒧᑦ. ᐊᖅᕕᖅᑑᖅ ᐊᔾᔨᒋᔭᖓ. ᓯᓚᑦᑐᓴᕐᕕᒃᔪᐊᖅ ᐋᑐᕚ ᓯᓚᑐᔪᓂᑦ ᖁᕝᕙᐸᓪᓕᐊᓂᕐᒧᑦ ᐱᓕᕆᕕᖓ, ᐃᖅᑲᓇᐃᔭᖃᑦᑕᖅᑐᑦ ᐱᑕᖃᖅᑎᑎᓪᓗᑎ ᐊᑐᐊᒐᕐᓂᑦ ᐊᒻᒪ ᐋᖅᑭᒍᑎᓂᑦ ᓴᓐᖏᓂᖅᓴᒧᑦ, ᓴᓗᒪᓂᖅᓴᒧᑦ ᑮᓇᐅᔭᓕᕆᓂᕐᒥᑦ, ᒥᔅᓴᐅᓴᑦᑕᐅᖅᓯᒪᔪᑦ ᐊᖅᕕᖅᑑᖅ ᓴᐳᒻᒥᑦᑎᔩᑦ ᐱᓕᕆᐊᖅ ᑮᓇᐅᔭᓕᐅᕐᓂᖃᖅᓯᒪᔪᑦ $12 ᒥᓕᐊᓂ ᐅᓪᓗᒥᒧ ᑎᑭᑦᑐᒍ ᓄᓇᓕᒻᒥ ᐃᑲᔫᓯᐊᖑᖃᑎᒌᓂᕐᒥᑦ ᐊᒻᒪ ᓴᖅᑭᑎᑦᑎᓯᒪᓪᓗᑎ ᐃᖅᑲᓇᐃᔮᔅᓴᐅᔪᓐᓇᖅᑐᓂᑦ ᑮᓇᐅᔭᑐᕐᓂᖃᖅᑐᑦ $1.3 ᒥᓕᐊᓐ ᐊᑕᐅᓯᕐᒥ ᐊᕐᕌᒍᒥ.
ᐊᖅᑲᖅᒧᑦ ᐊᒻᒪ ᐱᓕᕆᔨᖏᑦ, ᐃᑲᔫᓯᐊᖑᔪᑦ ᓴᐳᒻᒥᑦᑎᔨᐅᓪᓗᓂ ᐊᐅᓚᓂᖃᖅᑐᖅ ᐅᖓᑖᓄ ᑮᓇᐅᔭᑎᒍᑦ ᐃᓱᒪᒋᔭᐅᔪᓂᑦ. ᐃᒪᐃᑦᑐᖃᖅᑐᑦ, ᐃᖅᑲᓇᐃᔮᕆᔪᒪᔭᒥᓂᒃ ᐃᖅᑲᓇᐃᔭᖅᑐᑦ ᖁᔭᓐᓇᒦᖃᑦᑕᖅᑕᖏᑦ ᑲᑐᔾᔨᖃᑎᒌᑦ ᖃᐅᑕᒫᒧᑦ −− ᓄᓇᒦᕕᔅᓴᐅᔪᓐᓇᓂᕐᒧᑦ ᐊᒻᒪ ᐃᑲᔪᕐᓗᒋᑦ ᐃᓄᖏᑦ. “ᓄᓇᓕᓕᒫ,ᐸᓗᓐᓂᑦ, ᐃᓐᓇᑐᖃᖅᑕᖃᖅᑐᑦ ᐊᖑᓇᓱᒋᐊᕈᓐᓇᖏᑦᑐᑦ ᓇᒻᒥᓂᖅ,” ᐅᖃᖅᑐᖅ ᐊᖅᑲᖅ ᑕᕐᕆᔭᒥ ᓴᖅᑭᖅᑎᑕᐅᔪᑦ ArctiConnexion, ᑮᓇᐅᔭᓕᐅᕋᓱᐊᖏᑦᑐᑦ ᐃᑲᔪᖅᑐᑦ ᑲᑐᔾᔨᖃᑎᒌᒧᑦ ᖃᐅᔨᓴᓂᕐᒧᑦ ᐱᓕᕆᐊᓂᑦ. “ᐊᖑᓇᓱᔾᔪᑎᒋᕙᑦᑕᕗᑦ, ᓄᓇᓕᒻᒧᑦ.”
ᐊᖅᑲᖅᒧᑦ, ᐱᓕᕆᐊᖅ ᐱᒻᒪᕆᐅᔪᖅ ᓴᓇᕐᕈᑎᐅᓪᓗᓂ ᐱᓯᒪᔭᐅᓂᖏᓐᓄᑦ ᑭᖑᕚᓄᑦ ᐃᓄᓐᓄᑦ ᐱᓯᒪᑦᑎᓗᑎ ᐱᖅᑯᓯᖏᓐᓂ. ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑎᑦᑎᔪᑦ ᐃᖅᑲᓇᐃᔭᐃᓐᓇᖅᑐᓂᑦ ᓴᐳᒻᒥᑦᑎᔨᓂᑦ, ᐃᖅᑲᓇᐃᔭᖅᑎᑦᑎᕙᒻᒥᔪᑦ ᐃᖅᑲᓇᐃᔭᑲᐃᓐᓇᖃᑦᑕᖅᑐᓂᑦ ᒃᑯᑦᑐᓂ ᓴᐳᒻᒥᑦᑎᔨᓂᑦ. “ᑖᒃᑯᐊ ᐱᕈᖃᑎᒋᒪᐅᖅᑕᖏᑦ ᐊᖏᔪᖅᑳᖏᑦ ᐊᓯᕙᕆᐊᖏᓐᓇᖃᑦᑕᖅᑐᑎ,” ᐅᖃᖅᑐᖅ, “ᐃᓕᓐᓂᐊᖅᑎᑕᐅᓚᐅᖅᑐᑦ ᐊᖑᓇᓱᓐᓂᕐᒧᑦ, ᐃᓕᓐᓂᐊᖅᑎᑕᐅᓪᓗᑎ ᐆᒪᔪᓐᓇᓂᕐᒧᑦ ᓄᓇᒥ. ᑖᒃᑯᐊ ᒪᒃᑯᑦᑐᑦ ᐊᖑᑎᑦ ᐃᑉᐱᒋᔭᔅᓴᑦᑎᐊᕙᐅᔪᑦ, ᐃᖅᑲᓇᐃᔭᖃᑎᒋᒡᒐᓇᖏᑦᑐᑦ ᐊᒻᒪ ᐃᓕᒍᒪᓪᓗᑎ.”
ᖃᓄᐃᓐᓂᖃᖅᑎᑦᑎᒋᔭᖓᓕ ᐊᖅᑲᖅᒧᑦ ᑕᑯᔭᖓ ᒪᒃᑯᑦᑐᐃᑦ ᐃᓚᒋᔭᐅᓂᕐᒧᑦ ᐱᓕᕆᐊᒥᑦ ᖁᕕᐊᓱᑦᑐᑦ.
ᕌᔪ ᐅᓕᑲᑎᑕᓕᒃ ᐃᓚᒋᔭᐅᔪᑦ ᒪᒃᑯᑦᑐᓂᑦ, ᔨᒥ ᐅᓕᖃᖅᑕᓕᐅᑉ ᐃᕐᖑᑕᖓ ᐃᔅᓯᕚᖅᑐᖅ ᐅᖃᓕᒫᒐᖃᕐᕕᒻᒥ ᓇᑦᓯᓕᒃ ᐃᓕᓴᕕᒻᒥ ᖃᓂᑦᑐᓂ ᐊᑖᑕᑦᓯᐊᖓᑕ ᑕᓗᕐᔪᐊᖅ ᐆᒪᔪᓕᕆᔩᑦ ᑲᑐᔾᔨᖃᑎᒌᖏᑦ ᐊᓪᓚᕕᖓᓄ. ᓂᕆᔪᖅ ᐸᓕᐊᒦᖅᑐᓂ ᖁᐊᕐᓂ ᑐᑦᑐᒥᓂᕐᒥᑦ ᐳᕙᖏᓐᓂ, ᕿᓴᕈᐊᖏᓐᓂ ᐊᒻᒪ ᑐᓐᓄᖓᓂ. ᑕᑭᔫᓪᓗᓂ ᐊᒻᒪ ᐊᖏᔫᓪᓗᓂ, ᐱᔭᕇᖅᓯᕙᓪᓕᐊᓕᖅᑐᖅ ᐊᒻᒪ ᓴᐃᓕᑦᑎᐊᖅᑐᓂ ᑖᒃᑯᓇᓂ ᐃᓕᓐᓂᐊᕕᓐᓂ ᖃᓂᒋᔭᖏᓐᓂ. ᐅᓕᑲᖅᑕᓕᒃ ᐃᓚᒋᔭᐅᔪᖅ ᐱᖃᑎᒋᓯᒪᒪᓪᓗᒋᑦ ᐊᖅᕕᖅᑑᖅ ᒪᒃᑯᑦᑐᑦ ᓴᐳᒻᒥᑦᑎᔩᑦ. “ᖃᓄᐃᖏᑎᐊᕐᓂᕗᑦ ᑕᖅᑳᓃᑦᑐᖅ. ᐃᓕᓐᖓᔭᕗᑦ ᐊᑐᖅᑐᒍ,” ᓇᓗᓇᐃᖅᓯᔪᖅ. “ᐃᓕᓐᖓᑎᐊᖅᑕᕗᑦ ᓄᓇᒦᒋᐊᔅᓴᖅ. ᖁᕕᐊᒋᑦᑎᐊᖅᑐᒍ ᐃᓛᓐᓂᒃᑯᑦ ᐊᖏᕋᕈᒪᕙᖏᑦᑐᒍᑦ.”
ᐅᐃᒃᑲᓂᖅᑐᖅ ᓇᓗᓇᐃᔭᐃᑎᓪᓗᒍ ᑐᑦᑐᒋᐅᖅᑕᖓᓂ ᒪᒃᑯᑦᑑᑎᓪᓗᒍ: ᐊᖑᓛᕆᑦᑎᓂᐅᔪᑦ ᖃᒧᑕᐅᔭᒃᑯᑦ, ᐊᑖᓇᖓ ᖁᑭᐅᒻᒥᑦ ᕿᑲᖅᑎᑎᓪᓗᓂ ᐊᒻᒪ ᖃᐃᖁᓪᓗᓂᐅᒃ ᕿᓗᓗᒍ ᕿᓗᑯᖓ ᑭᓪᓕᖅᐹᒥ ᖁᑭᕆᐊᕐᓗᓂ, ᖁᕕᐊᓱᒍᑎᖃᕐᓂᐅᔪᑦ ᑭᖑᓂᐊᒍᑦ ᓂᕆᓪᓗᑎ ᖁᐊᒻᒥ ᑐᑦᑐᒥᓂᕐᒥᑦ ᐊᒻᒪ ᖁᕕᐊᓱᓐᓂᖏᑦ ᑮᓇᖏᓐᓂ ᐃᓐᓇᑐᖃᐃᑦ ᑐᓂᓯᒻᒪᒋᑦ ᑐᑦᑐᑕᖓᓂ. ᐅᓂᒃᑳᖅ ᐊᔾᔨᒋᖃᐸᓗᑦᑐᖅ ᐊᑖᑕᑦᑎᐊᖓᑕ ᐅᖃᖅᑕᖏᓐᓂ ᓯᕗᓪᓕᖅᐹᒥ ᐊᖑᓇᓱᓐᓂᕐᒧᑦ.
“ᑐᑦᑐᐃᑦ ᑕᕐᓂᑎᓐᓄᑦ ᓂᕿᐅᔪᑦ,” ᐅᓕᖃᖅᑕᓕᑦ ᐅᖃᖅᑐᖅ ᖁᖓᑦᑐᓂ.
ᐊᕐᕌᒍᒋᒪᐅᖅᑕᖓᓂ ᓯᕗᓂᐊᒍᑦ, 17-ᓐᓂ ᓇᓪᓕᐅᑎᕕᖓᓂ, ᐅᓕᑲᖅᑕᓕᒃᓇᓐᓄᒋᐅᓚᐅᖅᑐᖅ ᓯᑯᒥᑦ. ᓇᓗᓇᐃᔭᖅᑐᓂᐅᒃ, ᑕᑯᔅᓴᐅᑎᑦᑎᓚᐅᖅᑐᖅ ᑐᑭᓯᑦᑎᐊᓂᕐᒥᑦ ᐆᒪᒧᐃᑦ ᐊᑐᖃᑦᑕᖅᑕᖏᑦ ᖃᐅᔨᒪᓂᖏᑎᒍᑦ ᑐᓂᔭᐅᓯᒪᔪᑦ ᑭᖑᕚᓄᑦ. ᐅᖃᐅᓯᖃᖅᑐᖅ ᓇᓄᖅ ᑐᖁᖓᖑᐊᖅᑐᓂ ᓯᕗᓪᓕᒥ ᖁᑭᖅᑕᐅᒻᒪᑦ, ᒥᓯᓚᐅᖅᑐᖅ ᖁᑭᖅᓯᔪᖅ ᑎᑭᑕᔅᓴᐅᓕᕐᖓᑦ, ᐊᒻᒪ ᓇᓗᓇᐃᔭᐃᓪᓗᓂ ᓇᐃᒃᑯᑦ ᐅᐸᒋᐊᖃᕐᓂᖓᓄᑦ ᐊᑦᑕᓇᖏᑦᑐᒥ ᖃᐅᔨᒋᐊᕐᓗᒍ. ᐊᑐᖅᑕᐅᕙᑦᑐᓂ ᐊᑐᕐᓂᖃᓚᐅᖅᖅ, ᒪᒃᑯᑦᑐᖅ ᐃᓇᕈᓕᖅᑐᓂ, ᐃᓄᒃ ᐊᖑᑎ ᐃᒪᐃᑦᑐᖃᓕᖅᑐᖅ −− ᐊᑖᑕᑦᑎᐊᖓᑎᒍᑦ ᐊᒻᒪ ᐊᑖᑕᖓᒍᑦ ᐱᔪᓐᓇᖅᑎᑕᐅᓂᖓᒍ ᐊᒻᒪ ᐱᓕᕆᒋᐊᖃᖅᑕᖏᑦ ᒪᒃᑯᑦᑑᓪᓗᓂ ᓴᐳᒻᒥᑦᑎᔨᐅᓂᕐᒧᑦ — ᖃᐅᔨᒪᓂᖅᑖᓚᐅᖅᑐᖅ ᐱᓯᒪᕐᓐᓇᕐᓗᒋᑦ ᐃᓄᖏᓐᓄᑦ ᐊᑐᖅᑕᐅᓚᐅᖅᓯᒪᖏᑦᑐᑦ ᓴᐳᒻᒥᑦᑎᔨᐅᓂᕐᒧᑦ ᐊᖅᕕᖅᑑᖅᒥ.
ᐊᕐᕌᒍᖓᓂ, ᐅᓕᖃᖅᑕᓕᒃ ᓄᓇᒨᖃᑦᑕᕈᓐᓃᖅᑐᖅ ᑭᓯᐊᓂ ᐃᓪᓗᕋᓛᖓᓅᖃᑦᑕᖅᑐᓂ ᓴᓇᓚᐅᖅᓯᒪᔭᖓ ᐊᕐᕌᒍᒐᓚᐅᓕᖅᑐᓂᑦ ᖃᓂᒋᔭᖓᓂ Middle Lake — ᑕᒫᓂ ᐱᕈᕐᕕᒋᐅᖅᑕᖓ ᐃᖃᓗᖃᑦᑕᖅᑐᓂ ᐊᒻᒪ ᑐᕋᐅᑦ ᐊᖏᔪᖅᑳᖓᑕ ᐃᓪᓗᕋᓛᖓᓂ ᐊᒻᒪ ᐅᓕᖃᖅᑕᓕᐅᑉ ᐃᓪᓗᕋᓛᓕᐅᕐᕕᒋᕋᑖᓚᐅᖅᑕᖓ ᓇᒻᒥᓂᖅ. ᐅᓕᖃᖅᑕᓕᒃᑯᑦ ᐊᖑᑎᑦ ᐱᕈᖅᓯᒪᓕᖅᑐᑦ ᐊᒻᒪ ᑲᒪᒋᔭᖃᖅᑐᑎ ᐊᖑᓇᓱᓐᓂᕐᒥᑦ ᐃᓚᖏᓐᓄᑦ, ᐊᒻᒪ ᓴᐳᒻᒥᑦᑎᔩᑦ ᑲᒪᒋᔭᖃᖅᑐᑎ ᐱᓯᒪᑦᑎᔨᐅᓂᕐᒧᑦ ᓄᓇᒥ ᑭᒡᒐᑐᖅᑐᒍ ᓄᓇᓕᐅᔪᖅ. ᑭᓯᐊᓂ ᐃᖅᑲᓇᐃᔮᖓ ᐅᖓᓯᑦᑐᒨᕆᑎᒋᓯᒪᔭᖓ — ᒐᓛᔅᑯᒧᑦ, ᑯᐃᓐ ᓄᓇᖓ, 2021-ᒥ ᐅᖃᓪᓚᐅᑎᖃᕐᕕᒋᐅᖅᑕᖓ COP26 (UN ᓯᓚᖓ ᐊᓯᔾᔨᕐᓂᖓᓄᑦ ᑲᑎᒪᓂᖅ) ᐊᑦᑐᖅᑕᐅᔪᓂᑦ ᓯᓚᖓᓄ ᐊᓯᔾᔨᕐᓂᖓᓄᑦ ᓄᓇᓕᖓᓄᑦ. ᐆᑦᑐᕋᓱᐊᖅᑐᓂ ᐊᒻᒪ ᖁᕕᐊᒋᓪᓗᓂᐅᒃ) ᕼᐊᒋᔅ ᑕᕆᐅᑉ ᐊᑭᐊᓄ ᐊᑦᓛᓐᑎᒃᑯᑦ ᖃᖓᑕᓲᕐᓂᖅ ᐅᖃᐅᓯᖃᖅᑐᓂ ᐊᖅᕕᖅᑑᖅ ᐱᖃᑎᒋᓪᓗᓂᐅᒃ ᓯᑎᕙᓐ ᒍᐃᐱᐅᑦ, ᑲᓇᑕᒥ ᒥᓂᔅᑕᒧᑦ ᐊᕙᑎᓕᕆᔨᒃᑯᑦ ᐊᒻᒪ ᓯᓚᖓᓄ ᐊᓯᔾᔨᕐᓂᖓᓄᑦ, ᐊᐅᓪᓚᕐᓂᐅᓚᐅᖅᑐᖅ ᐃᖅᑲᐅᒪᔭᔅᓴᐅᓪᓗᓂ.
ᓱᓕ, ᐆᒻᑎᖓᓂ ᑎᓪᓕᑎᑦᑎᓂᖅᓴᐅᔪᑦ ᐅᖃᐅᓯᖃᖅᑎᓪᓗᒍ ᐃᖅᑲᐅᒪᔭᖏᓐᓂ ᑕᓗᕐᔪᐊᖅ, ᐊᖅᕕᖅᑑᖅ ᐃᓄᐃᑦ ᓴᐳᒻᒥᔭᐅᔪᑦ ᐊᒻᒪ ᓴᐳᒻᒥᑦᑎᓂᕐᒧᑦ ᓇᒦᓐᓂᖏᑦ ᐊᒻᒪ ᐱᔪᒪᓂᕆᔭᖏᑦ ᐊᒻᒪ ᓯᓐᓇᑦᑐᐊᑦ ᓯᕗᓂᔅᓴᒧᑦ.
“ᐅᐱᒍᓱᑦᑐᒍᒍᑦ ᑲᓇᑕᒥᐅᑕᐅᓪᓗᑕ,” ᐅᖃᖅᑐᖅ ᐅᓕᖃᖅᑕᓕᒃ. “ᑐᓂᓯᓂᖃᕈᒪᑐᐃᓐᓇᖅᑐᒍᑦ ᑲᓇᑕᒧᑦ ᓄᓇᒥ ᐸᕕᓴᖅᑕᐅᓚᐅᖅᓯᒪᖏᑦᑐᒥ.
“ᐅᖃᐅᓐᓇᖃᑦᑕᖅᑐᖓ, ᐊᐅᓪᓚᖃᑦᑕᓯᒪᓕᔪᒐᒪᓂ ᓯᓚᕐᔪᐊᒥ, ᐅᕙᖓ ᐊᑐᕈᒪᒪᔭᖏᓐᓂ ᐊᑐᕈᓐᓇᕈᒪ ᐅᓇ ᕿᒪᓚᐅᖅᓯᒪᕋᔭᖏᑕᕋ. ᐊᑐᓂ ᐊᖑᓇᓱᕝᕕᐅᔪᑦ, ᐊᑐᓂ ᓄᓇᐅᔪᑦ ᐃᖃᓗᕝᕕᐅᕙᑦᑐᑦ, ᐊᔾᔨᒌᖏᑦᑐᑦ. ᐊᑐᓂ ᐊᔾᔨᐅᖏᑦᑐᓂᑦ ᑐᑭᖃᖅᑐᑦ. ᐆᒪᔪᕆᐅᕐᕕᒋᓯᒪᔪᓐᓇᖅᑕᐃᑦ ᐅᕝᕙᓘᓐᓃᑦ ᐊᑖᑕᑦᑎᐊᑦ ᐅᕝᕙᓘᓐᓃᑦ ᐊᓈᓇᑦᑎᐊᑦ ᐃᓕᓐᓂᑦ ᐃᓕᓐᓂᐊᑎᑦᑎᕕᒋᓯᒪᔭᖓ.”
ᑐᕌᖅᑕᐅᔪᖅ ᐅᓪᓗᖓ ᐊᖅᕕᖅᑑᖅ ᐃᓄᐃᑦ ᓴᐳᒻᒥᔭᐅᔪᑦ ᐊᒻᒪ ᓴᐳᒻᒥᑦᑎᓂᕐᒧᑦ ᓇᒦᓐᓂᖓ 2030ᕝᖑᔪᖅ, ᓇᓕᒧᓐᓂᖃᖅᑐᖅ ᐅᓗᖓ ᑲᓇᑕᐅᑉ ᒐᕙᒪᒃᑯᖏᑦ ᑐᕌᖅᑕᖏᑦ ᓴᐳᒻᒥᑦᑎᓗᑎ 30 ᐳᓴᓐᑎᖓ ᑲᓇᑕᐅᑉ ᓄᓇᖏᓐᓂ ᐊᒻᒪ ᐃᒪᖏᓐᓂ.
ᐊᒻᒪ ᑲᔪᓯᓂᖃᑦᑎᐊᖅᓯᒪᔪᑦ, ᐱᐅᔪᒻᒪᕆᒃ ᑐᓂᓯᓂᖓ ᓴᐳᒻᒥᔭᐅᓯᒪᔪᖅ ᐊᖅᕕᖅᑑᖅ ᐱᐅᔫᒐᔭᖅᑐᖅ. ᑲᓇᑕᒧᑦ, ᓄᓇᕗᒻᒧᑦ ᐊᒻᒪ, ᐃᓄᖏᓐᓄᑦ ᑕᓗᕐᔪᐊᖅ, ᑕᒫᓃᔅᓯᒪᒪᔪᑦ ᓄᓇᖓᓂ ᐃᒪᖓᓂ ᑕᐅᓴᖏᓐᓃᑦᑐᓂ ᐊᕐᕌᒍᓂᑦ, ᒫᓃᑲᓂᕐᓂᐊᖅᓯᒪᔪᑦ ᑕᐅᓴᖏᓐᓃᑦᑐᓂᑦ ᐊᕐᕌᒍᓂᑦ.
Advertisement
Related Content
People & Culture
Protectors of Aqviqtuuq
The northern tip of mainland Canada is a paradise of caribou, polar bears and Arctic char as yet undisturbed by mining. The residents of Taloyoak, Nunavut, are fighting to keep it that way.
- 3069 words
- 13 minutes
People & Culture
Les protecteurs de l’Aqviqtuuq
La pointe nord du Canada continental est un paradis pour les caribous, les ours polaires et les ombles chevaliers, qui n’a pas encore été perturbé par l’exploitation minière. Les habitants de Taloyoak, au Nunavut, se battent pour que les choses demeurent ainsi.
- 3506 words
- 15 minutes
People & Culture
Passing the Mic, Part 2 — Taloyoak throat singers and hunters
Episode 76
In the second of three episodes from Taloyoak, Nunavut, podcast host David McGuffin speaks with young throat singers Joyce Ashevak and Martha Neeveacheak, as well as their classmate, hunter Roger Oleekatalik
- 27 minutes
Advertisement
Advertisement