Wildlife
ᑑᒑᓕᒻᒥ ᑲᔪᓯᑦᑎᐊᓂᕐᒧᑦ ᐅᓂᒃᑳᖅ, ᐊᑐᖅᑕᐅᓚᐅᖅᓯᒪᖏᑦᑐᓂ ᐊᑐᖅᑕᐅᓯᒪᔪᑦ ᐅᑭᐅᑕᖅᑐᒥ ᐅᑲᓖᑦ ᐊᒻᒪᒪ ᐃᓚᖏᑦ ᑎᖓᐅᔭᐃᑦ
ᓄᓇᕗᒻᒦᖔᖅᑐᖅ ᐅᑲᓕᖅ ᐊᑦᑎᖅᑕᐅᓯᒪᔪᖅ BBYY ᓯᓚᕐᔪᐊᒥ ᐊᑐᖅᑕᐅᓚᐅᖅᓯᒪᖏᑦᑐᒥ ᑎᒍᒥᐊᖅᑎᐅᔪᖅ ᐅᖓᓯᓛᒧᑦ ᐃᖏᕋᓂᖃᖅᑐᓂ ᐅᑲᓕᕐᒧᑦ, ᐅᑲᓕᖅ ᐅᕝᕙᓘᓐᓃᑦ ᐊᔾᔨᐸᓗᖏᑦ. ᓇᓗᓇᐃᒃᑯᓯᖅᓯᒪᔪᖅ ᖁᒻᒧᐊᑦᑎᑕᐅᓯᒪᔪᒃᑰᖅᑐᒥᑦ, ᐊᕐᓇᖅ ᖃᐅᔨᔭᐅᓚᐅᖅᑐᖅ ᐃᑳᕐᓂᖃᖅᑐᓂᑦ ᐅᖓᑖᓂ 388 ᑭᓚᒦᑕᐃᑦ ᐅᓪᓗᓂ 49−ᓂᑦ, ᖁᐊᖅᓵᕈᑎᒋᓚᐅᖅᑕᖓ ᖃᐅᔨᓴᖅᑎᓄᑦ. ᐊᕙᑎᒥ ᖃᐅᔨᓴᖅᑎ ᓯᓚᑦᑐᓴᕐᕕᒃᔪᐊᒥ ᑯᐸᐃᒃUniversité du Québec à Rimouski ᐋᖅᑭᔅᓯᓚᐅᖅᑐᖅ ᖁᒻᐊᑦᑎᑕᐅᓯᒪᔪᒃᑰᖅᑐᒥ ᖁᖓᓯᕈᕐᒥ 25 ᐅᑲᓕᕐᓂᑦ ᐃᓱᐊᓂ ᐅᒥᖕᒪᐃᑦ ᓄᓈ (ᐅᒥᖕᒪᐃᑦ ᓄᓈᑦ) 2019-ᒥ ᓇᓗᓇᐃᕐᓗᒋᑦ ᓅᖃᑦᑕᕐᓂᖏᑦ. ᐊᒥᓱᑦ ᐅᑲᓖᑦ ᐊᑯᓂᐅᔪᒥᑦ ᐊᖏᕋᓂᖃᓚᐅᕋᓗᐊᖅᑎᓪᓗᒋᑦ, ᐊᓯᓕᒫᒪᖏᑦ ᖃᓂᒋᔭᖃᓚᐅᖏᑦᑐᑦ BBYY ᐃᖏᕋᓂᕆᓯᒪᔭᖓᓂ. BBYY ᑐᖁᒐᓗᐊᖅᑎᓪᓗᒍ ᑭᓱᒨᒻᒪᖔᖅ ᖃᐅᔨᒪᔭᐅᖏᑦᑐᖅ ᑕᖅᑭᐅᔪᒥᑦ ᐱᔭᕇᖅᓯᑎᓪᓗᒍ ᐃᖏᕋᓂᖓᓄᑦ, ᑐᑭᓯᒋᐊᕈᑏᑦ ᐱᑕᖃᖅᑎᓚᐅᖅᑕᖏᑦ ᐃᑲᔪᕐᓂᐊᖅᑐᑦ ᓴᐳᒻᒥᑦᑎᓇᓱᐊᓂᕐᒧᑦ ᐅᑭᐅᑕᖅᑐᒥ.
ᑐᑦᑐᐃᑦ ᐊᒥᓲᓂᖏᑦ ᖁᕝᕙᐸᓪᓕᐊᓕᖅᑐᑦ ᕿᑭᖅᑖᓗᒻᒥ! 2014 ᖃᐅᔨᓴᕐᓂᐅᔪᖅ ᑎᑎᕋᖅᓯᓯᒪᓚᐅᖅᑐᑦ ᐊᖏᔪᒥᑦ ᐊᑦᑎᓪᓕᒋᐊᕐᓂᖏᓐᓄᑦ ᑐᑦᑐᐃᑦ, ᑭᓯᐊᓂ ᑕᒪᑐᒪᓂ ᐊᕐᕌᒍᒥᓈᓴᐃᓂᐅᔪᖅ ᖃᐅᔨᔭᐅᔪᑦ ᐅᑎᖅᐸᓪᓕᐊᓕᕐᓂᖏᓐᓄᑦ ᓂᒋᖓᓂ ᕿᑭᖅᑖᓗᒃ. ᖃᐅᔨᓴᕐᓂᐅᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᐱᓕᕆᐊᖃᓂᖅᓴᐅᓚᐅᖅᑐᑦ ᑐᑦᑐᐃᑦ ᐊᒥᓲᓂᖏᓐᓂ ᓄᓇᓕᓐᓂᑦ ᐃᖃᓗᐃᑦ, ᑭᒻᒥᕈᑦ, ᑭᓐᖓᐃᑦ, ᐸᕐᓂᖅᑑᖅ ᐊᒻᒪ ᕿᑭᕐᑕᖅᔪᐊᖅ, ᐃᓚᓕᒫᖓ ᕿᑭᖅᑖᓗᒃ ᖃᐅᔨᓴᖅᑕᐅᓛᖅᑐᑦ ᐊᒡᒋᖅᑐᓂᑦ ᐊᕐᕌᒍᓂᑦ.
2014−ᒥ ᖃᐅᔨᓴᕐᓂᐅᔪᑦ ᓴᖅᑭᑎᑦᑎᓚᐅᕋᓗᐊᖅᑎᓪᓗᒋᑦ ᑐᑦᑐᐃᑦ ᐊᒥᓲᓂᖏᑦ ᑲᑕᔅᓯᒪᔪᑦ ᖃᓂᒋᔭᖏᓐᓂ 150,000 1980−ᖏᓐᓂ ᐅᕗᖓ ᐊᒥᓲᓂᖃᓕᑐᐃᓐᓇᖅᑐᑎᑦ 4,600, ᓄᓇᓕᒻᒥ ᐊᖑᓇᓱᑦᑏᑦ ᑐᓴᖅᑎᑦᑎᓯᒪᔪᑦ ᑕᑯᖃᑦᑕᕐᓂᕋᖅᑐᑎᑦ ᖁᕝᕙᐸᓪᓕᐊᔪᓂᑦ ᐊᒥᓲᓂᖏᓐᓄᑦ ᖃᓄᐃᖏᑎᐊᖅᑐᑦ ᓄᕐᕋᐃᑦ ᐊᒻᒪ ᐊᕐᓇᓪᓗᐃᑦ. ᑕᑯᓐᓇᕆᔭᖏᑦ, ᖃᖓᑕᓲᒃᑯᑦ ᖃᐅᔨᓴᕐᕕᐅᔪᒃᑯᑦ, ᓇᓗᓇᐃᖅᓯᔪᑦ ᐅᑎᓕᖅᑐᑎᑦ.
ᐊᖏᔪᒥᑦ ᐊᒥᓱᕈᕐᓂᖃᓚᐅᖅᑎᓪᓗᒋᑦ ᑑᒑᓖᑦ ᐊᒥᓲᓂᖏᑦ ᑭᖑᓪᓕᖅᐹᒥ ᖃᐅᔨᓴᕐᓂᖃᖅᑎᓪᓗᒋᑦ, ᑲᑎᒪᔨᕋᓛᑦ ᖃᓄᐃᓕᖓᓕᕐᓂᖏᓐᓄᑦ ᐊᑦᑕᓇᖅᑐᒥᑦᑐᑦ ᐆᒪᔪᐃᑦ ᑲᓇᑕᒥ ᐅᖃᖅᑐᑦ ᑑᒑᓖᑦ ᐊᑦᑕᓇᖅᑐᒦᒍᓐᓃᖅᑐᑦ. ᖃᐅᔨᓴᕐᓂᐅᔪᖅ 2004−ᒥ ᒥᔅᓴᐅᓴᐅᖅᑐᑦ ᖃᓂᒋᔭᖓᓂ 40,000, ᒐᕙᒪᑐᖃᖅᑯᑦ ᐅᖃᐅᔾᔨᒋᐊᖅᑎᖏᑦ ᑎᑎᕋᖅᑕᐅᖁᔨᓚᐅᖅᑐᑦ ᐅᕙᓃᑦᑐᑎ “ᐊᔾᔨᐅᖏᑦᑐᒥᑦ ᐃᓱᒫᓘᑕᐅᔪᑦ.” ᑭᓯᐊᓂᒫᓐᓇᕋᑖᖑᓛᖑᔪᑦ ᖃᐅᔨᓴᕐᓂᐅᔪᑦ ᖃᓂᒋᔭᖏᓐᓃᓕᖅᑐᑎᑦ 160,000 ᑑᒑᓖᑦ ᐊᒻᒪ ᓴᐳᒻᒥᑦᑎᓂᕐᒧᑦ ᐊᑐᖅᑕᐅᓂᐊᖅᑐᑦ ᐃᑲᔪᖅᓯᒪᔪᑦ ᖃᐅᔨᒪᔭᐅᒻᒪᕆᑦᑐᓂ ᕿᓚᓗᒐᕐᓂᑦ ᐅᑎᖅᑐᑎᑦ ᐊᒥᓲᓂᖏᑦ ᓱᕐᕋᓗᐊᖏᓂᖅᓴᐅᓪᓗᑎ ᐊᒥᓲᓂᖏᑦ. ᑑᒑᓖᑦ ᐊᒥᓱᓂᑦ ᐊᔅᓱᕈᕈᑎᖃᕋᓗᐊᖅᑎᓪᓗᒋᑦ ᐅᒪᓇᓱᐊᕐᓂᖏᓐᓄᑦ, ᐱᖃᓯᐅᑎᓪᓗᓂ ᓯᑯᖓ ᐊᐅᑉᐸᓪᓕᐊᓂᖓ ᐊᒻᒪ ᐅᒥᐊᑦ ᐃᖏᕋᖃᑦᑕᖅᑐᑦ ᐊᒥᓱᕈᕐᓂᖏᓐᓄᑦ, ᐊᒥᓲᓂᖏᑦ ᑕᑯᔅᓴᐅᑎᑦᑎᔪᑦ ᐊᑐᓕᕈᓐᓇᓂᕐᒧᑦ.
ᐅᑭᐅᑕᖅᑐᒧᑦ ᑭᓪᓕᓐᖑᐊᖓᓂ ᐅᖅᑰᓂᖅᓴᐅᖃᑦᑕᓕᕋᓗᐊᖅᑎᓪᓗᒍ ᐆᓇᕐᓂᖓ 52 ᒥᓕᐊᓂ ᐊᕐᕌᒎᓯᒪᓕᖅᑐᓂᑦ, ᐅᑭᐅᒃᑯᑦ ᓱᓕ ᐊᑯᓂᐅᔪᑦ ᐊᒻᒪ ᑖᖅᑐᓂ. ᐃᑲᔪᕈᑎᒋᓂᐊᕐᓗᒍ, Ignacius, ᖃᓂᒌᑦᑐᑎ ᐊᑦᑐᐊᓂᖃᓚᐅᖅᑐᑦ ᐆᒪᔪᓄᑦ ᐊᒻᒪ ᐊᖏᓂᖃᐸᓗᑦᑐᑎ, ᐊᓯᔾᔨᖅᓯᒪᔪᑦ ᑭᒍᑎᖏᑦ ᐊᒻᒪ ᐊᓪᓕᕈᖏᑦ ᓯᖁᓪᓗᐃᓂᕐᒧᑦ ᑎᓯᔪᓂᑦ ᓂᕿᓂᑦ ᐅᑭᐅᖑᑎᓪᓗᒍ. Ignacius ᐆᒪᔪᒥᓃᑦ ᐅᔭᕋᕈᖅᓯᒪᔪᑦ ᐅᒥᖕᒪᐃᑦ ᓄᓈ (ᐅᒥᖕᒪᐃᑦ ᓄᓈᑦ) ᓇᓗᓇᐃᖅᑕᐅᕋᑖᓚᐅᖅᑐᑦ ᐊᒻᒪ ᐊᑦᑎᖅᑕᐅᓪᓗᑎ Ignacius mckennai ᐊᒻᒪ Ignacius dawsonae, ᒪᕐᕈᐃᑦ ᐆᒪᔪᐃᑦ ᓄᑖᑦ ᖃᓪᓗᓈᓄᑦ ᖃᐅᔨᓴᖅᑎᓄᑦ.
ᖃᐅᔨᓴᕐᓂᐅᔪᑦ ᖃᓄᖅᑖᒃᑯᐊ ᐆᒪᔪᐃᑦ ᐊᑐᓕᕈᓐᓇᕐᓂᖏᓐᓄᑦ ᖁᑦᑎᑐᒦᑦᑐᑎ ᐅᑲᓕᕐᓂᑦ ᐊᑯᓂᐅᔪᑦ ᐱᔾᔪᑎᒋᓗᒋ ᑕᒪᓐᓇ ᖃᐅᔨᓴᖅᑎᓂᑦ ᑕᑯᑎᑦᑎᔪᓐᓇᖅᑐᑦ ᖃᓄᐃᑦᑐᒧ ᓯᕗᓂᔅᓴᒥ ᐅᑭᐅᑕᖅᑐᒥ ᐊᕙᑎᖏᓐᓂ ᖃᓄᐃᑦᑑᓂᐊᕐᒪᖔᑕ ᐊᕕᑦᑐᖅᓯᒪᓂᖓ ᐅᖅᑰᓯᑎᓪᓗᒍ ᐱᔾᔪᑎᒋᓗᒍ ᓯᓚᖓ ᐊᓯᔾᔨᕐᓂᖓᓄᑦ.
ᑕᑯᔅᓴᐅᖏᑦᑐᑦ ᑕᑯᕕᔅᓴᐅᔪᒥᑦ
ᓄᓇᕗᒻᒥ ᓄᑖᖑᓛᖅ ᐊᒻᒪ ᐊᖏᓛᖑᓪᓗᓂ ᓄᓇᕗᒻᒥ ᒥᕐᖑᐃᓯᕐᕕᒃ ᐃᓗᓕᖃᖅᑐᖅ ᐊᔾᔨᐅᖏᑦᑐᓂᑦ ᐱᕈᖅᑐᓂᑦ ᐊᒻᒪ ᐃᖓᐅᔭᓂᑦ ᓇᓂᔭᐅᖃᑦᑕᓚᐅᖅᑐᑦ ᓂᒋᒃᑲᓐᓂᖓᓂ. ᐊᒡᒍᑎᓐᓂ, ᐅᐊᓐᓇᖓᓂ ᕿᑭᖅᑖᓗᒃ, ᐊᖏᕋᕆᔭᐅᒻᒥᔪᖅ ᐱᒻᒪᕆᐅᔪᓄ ᐱᖅᑯᓯᓄᑦ ᓇᔪᖅᑕᐅᔪᑦ — ᑑᓕ ᖃᒻᒪᒥᓃᑦ ᑕᐅᓴᖏᓐᓂ ᐊᕐᕌᒎᓯᒪᓕᖅᑐᓂᑦ, ᐊᒻᒪᓗᑦᑕᐅᖅ ᐅᔭᖅᑲᐃᑦ ᑐᐱᖅᕕᒥᓃᑦ ᐊᒻᒪᓗᑦᑕᐅᖅ ᐅᐱᕐᖏᕕᐅᖃᑦᑕᖅᑐᑦ −− ᐊᒻᒪ ᐊᑦᑕᓇᐃᖅᓯᒪᕕᐅᓪᓗᓂ ᐊᒥᓱᓄᑦ ᑎᒻᒥᐊᓄᑦ ᐆᒪᔪᓄᑦ, ᐊᔾᔨᒌᖏᑦᑐᑦ ᕿᓚᓚᓗᒐᐃᑦ ᐊᒻᒪ ᐊᔾᔨᒌᖏᑦᑐᑦ ᓄᓇᒥᐅᑕᐃᑦ ᐆᒪᔪᐃᑦ, ᐅᑲᓕᕐᓂᑦ ᑎᑭᑦᑐᒍ ᓇᓄᕐᓄᑦ.
ᖃᐅᔨᓴᕐᓂᖃᖅᑎᓪᓗᒋᑦ ᒥᕐᖑᐃᓯᕐᕕᐅᑉ ᑭᓪᓕᖓᓂ ᐊᒥᓱᑦ ᐆᒪᔪᑦ ᐊᔾᔨᒌᖏᑦᑐᑦ, ᖃᐅᔨᓴᖅᑏᑦ ᑎᑎᕋᖅᓯᓚᐅᖅᑐᑦ 141 ᐱᕈᖅᑐᓂ ᐊᔾᔨᒌᖏᑦᑐᑦ, 69 ᐃᔾᔪᐃᑦ, ᐊᒻᒪ 93 ᑎᖓᐅᔭᐃᑦ. ᓇᓂᓯᓚᐅᖅᑐᑦ ᐅᐊᓐᓇᓃᓐᓂᖅᐹᓂ ᑲᓇᑕᒥ ᐆᑦᑐᕋᐅᑎᓂᑦ Lapland diapensia (Diapensia lapponica) ᐊᒻᒪᓗ flame-tipped lousewort (Pedicularis flammea) ᐊᒻᒪ ᓯᕗᓪᓕᖅᐹᒥ ᓇᓗᓇᐃᖅᑕᐅᔪᖅ ᓄᓇᕗᒻᒥ ᑎᑎᕋᖅᑕᐅᓯᒪᔪᓂᑦ ᐸᓚᐅᒐᐅᔭᐃᑦ ᑎᖓᐅᔭᐃᑦ (Pilophorus caerulus), Starke’s fork ᐃᔾᔪᐃᑦ (Kiaeria starkei) ᐊᒻᒪ sprig ᐃᔾᔪᐃᑦ (Aongstroemia longipes). ᓇᓂᔭᐅᔪᑦ ᓇᓗᓇᐃᖅᓯᔪᑦ ᐱᒻᒪᕆᐅᓂᖏᓐᓄᑦ ᐊᒥᓱᑦ ᐆᒪᔪᑦ ᐊᔾᔨᒌᖏᑦᑐᑦ ᓴᐳᒻᒥᔭᐅᓂᖏᓐᓄᑦ ᒥᕐᖑᐃᓯᕐᕕᒻᒥ.
Wildlife
After more than a million years on Earth, the caribou is under threat of global extinction. The precipitous decline of the once mighty herds is a tragedy that is hard to watch — and even harder to reverse.
Wildlife
The failure to recognize distinct species and subspecies of caribou is hampering efforts to conserve them. So, I revised their taxonomy.
Places
ᐃᖅᑲᐅᒪᔭᐅᓂᖏᑦ ᓄᓇᕗᑦ ᐅᐊᑦᑎᐊᕈᖓ, ᐅᓪᓗᒥᐊᔪᖅ ᐊᒻᒪ ᓯᕗᓂᔅᓴᒥ
History
On April 1, 1999, Canada’s youngest population took control of its largest territory. Here’s how Canadian Geographic covered the story.