People & Culture

ᐊᖑᓇᓱᓐᓂᖅ ᓂᕿᑦᑎᐊᕙᓐᓂᑦ

ᓄᓇᕗᓕᒫᒥᑦ, ᓂᕿᓄᑦ ᐊᑦᑕᓇᐃᖅᓯᒪᖏᓐᓂᖅ ᐊᑦᑐᐃᓂᖃᖅᑎᑏᓐᓇᖅᑐᖅ ᖃᐅᑕᒫᑦ ᐃᓅᓯᕐᒥᑦ. ᐊᒥᓱᓄᑦ ᐃᓄᓐᓄᑦ, ᐊᒥᓱᓄᑦ ᐃᓄᓐᓄᑦ, ᑭᐅᔾᔪᑎᖓ ᓂᕿᓄᑦ ᓂᐅᕕᕐᕕᒥᐅᖏᑦᑐᖅ, ᑭᓯᐊᓂᓕ ᓄᓇᖔᖅᑐᓂᑦ

  • Published Jan 20, 2025
  • Updated Jan 28
  • 574 words
  • 3 minutes
  • Photography by Pat Kane
  • Words by Dustin Patar
[ Available in English ] [ Disponible en français ]
ᐸᓐᓂᖅᑑᖅ: ᐃᓐᓇᑕᖃᒡᒍᑏᑦ, ᐊᐅᓪᓚᕈᔾᔨᔩᑦ, ᐃᓕᓴᐃᔩᑦ ᐊᒻᒪ ᐃᓕᓐᓂᐊᖅᑏᑦ ᐆᓯᒪᔪᒥᑦ ᓇᑦᑎᒥᓂᖅᑐᖅᑐᑦ ᐅᓪᓗᕈᒻᒥᑕᕐᓇᒥ ᐊᒻᒪ ᑲᑎᖅᓱᐃᓪᓗᑎ ᐃᖃᓗᓐᓂ ᐊᒥᑦᑐᖅ ᑕᓯᖓᓂ ᖃᓂᒋᔭᖓᓂ ᐸᓐᓂᖅᑑᖅ, ᓄᓇᕗᑦ, ᒪᐃᒥ. ᐱᓕᕆᐊᑦ ᑖᒃᑯᓇᑎᑐᑦ, ᐊᐅᓚᓂᖃᖅᑐᑦ ᐸᓐᓂᖅᑑᒥ ᐅᖓᑖᓂ 30 ᐊᕐᕌᒍᓂᑦ, ᐱᔪᓐᓇᑎᑦᑎᔪᑦ ᓄᓇᕗᓕᒫᒥ ᓄᓇᒨᕈᓐᓇᕐᓗᑎ ᐊᒻᒪ ᑲᑎᓐᖓᓕᒃᑲᓂᕐᓂᖃᕐᓗᑎ ᐃᓄᐃᑦ ᐱᖅᑯᓯᖏᓐᓂ. ᑭᓯᐊᓂ ᒫᓐᓇ, ᐊᑭᖏᑦ ᓱᓇᒃᑯᑖᓄᑦ ᐊᒻᒪ ᐃᖏᕋᔾᔪᑎᓄᑦ ᐱᔭᐅᔭᕆᐊᓖᑦ ᐱᑕᖃᕈᓐᓃᖅᑎᑕᐅᕙᓪᓕᐊᔪᑦ.
Expand Image
Advertisement
Advertisement
Advertisement

ᐅᑭᐅᖑᒍᓐᓃᐸᓪᓕᐊᑎᓪᓗᒍ ᐊᒻᒪ ᐅᖅᑰᓇᕐᓂᖓ ᐅᑎᓕᖅᑎᓪᓗᒍ, ᐊᓯᕙᖅᑏᑦ ᓄᓇᓕᓐᓂ ᐅᑭᐅᑕᖅᑐᓕᒫᒥ ᐊᑐᐃᓐᓇᐅᓕᖅᑐᑦ ᖁᑭᖑᑎᖏᓪᓗ ᓂᕐᓕᓂᐊᓂᕐᒧᑦ. ᐃᒪᖓ ᐅᖓᓯᓐᓂᖅᓴᒧᑦ ᐅᖅᑰᓯᑎᓪᓗᒍ, ᓄᓗᐊᑦ ᓄᓗᔾᔨᖅᑕᐅᓕᖅᑐᑦ  ᓂᕆᐅᓐᓂᖃᖅᑐᑎᑦ ᑎᓱᓂᖏᓐᓄᑦ ᐃᖃᓗᐃᑦ. ᑭᖑᓂᑦᑎᐊᖓᒍᑦ, ᐅᓐᓄᐊᒃᑯᑦ ᓯᕿᓂᖅ ᓴᖅᑭᑎᑦᑎᔪᖅ ᓄᓇᒥ ᐱᕈᖅᑐᓂᑦ, ᓇᓗᓇᐃᖅᓯᓪᓗᓂ ᐸᐅᕐᖓᖃᓕᕐᓂᖓᓄᑦ. ᐊᒻᒪ ᐅᑎᖅᑕᖃᑦᑕᖅᑐᑦ ᐃᓯᒐᐃᑦ ᓅᑉᐸᓪᓕᐊᑲᓐᓂᓕᖅᑐᑎᑦ ᓄᓇᕐᔪᐊᒥᑦ, ᐱᓲᑏᑦ ᐊᑐᖅᑕᐅᓕᖅᑐᑦ ᐊᒻᒪ ᖁᑭᐅᑎᑦ ᓇᒻᒪᑕᐅᓪᓗᑎ ᐊᕐᕌᒍᖓᓄ ᑐᑦᑐᒐᓱᐊᓂᕐᒧᑦ.

ᑕᑦᑭᑎᒎᖏᖔᖅᑐᖅ, ᓄᓇᓖᑦ ᐅᑭᐅᑕᖅᑐᒥ ᐊᑐᖔᖅᑐᑦ ᐊᕐᕌᒍᖏᑎᒍᑦ ᑐᕌᖓᓂᖃᓚᐅᖅᑐᓂᑦ ᑲᑎᓐᖓᔪᑦ ᓄᓇᖃᖅᑐᑎᑦ ᓄᓇᖓᑎᒍᑦ ᐊᑐᕐᓂᖅᓴᐅᓇᓱᐊᖅᑐᑎᑦ ᓄᓇᒦᖔᖅᑐᓂᑦ. ᐊᖑᓇᓱᓐᓂᖅ, ᐃᖃᓗᒐᓱᐊᕐᓂᖅ ᐊᒻᒪ ᑲᑎᓐᖓᖃᑦᑕᕐᓂᐅᔪᑦ ᐱᖅᑯᓯᐅᓯᒪᔪᑦ ᓂᕿᑦᑎᐊᕙᓐᓂᑦ ᓂᕆᖃᑦᑕᖅᑐᑎᑦ ᑭᓯᐊᓂᓕᑦᑕᐅᖅ, ᓯᐊᒻᒪᖅᓯᒪᓂᖅᓴᒥᑦ, ᖃᐅᑕᒫᑦ ᐃᓅᓯᕐᒥᑦ. ᓱᓕ ᑕᐃᒪᐃᑦᑐᑦ, ᑭᓯᐊᓂ 2020−ᖑᓕᖅᑎᓪᓗᒍ ᖃᓂᒋᔭᖏᓐᓂ ᐱᖓᓱᑦ ᑯᐊᑕᐃᑦ ᓄᓇᕗᒻᒥ ᐃᓪᓗᖃᖅᑐᑦ ᐃᓱᒪᒋᔭᐅᔪᑦ ᓂᕿᓄᑦ ᐊᑦᑕᓇᐃᖅᓯᒪᖏᑦᑐᑦ. ᑖᒃᑯᐊ ᐱᖅᑯᓰᑦ, ᐊᑯᓂᐅᔪᒥ ᐊᑐᖅᑕᐅᖃᑦᑕᖅᓯᒪᔪᑦ ᐱᑕᖃᐃᓐᓇᕐᓗᑎ ᐊᔅᓱᕈᓐᓇᕋᓗᐊᖅᑎᓪᓗᒍ ᐅᑭᐅᑕᖅᑐᒥ ᐃᓅᓂᕐᒥᑦ, ᔭᒐᐃᓕᖅᑐᑦ ᐊᑦᑕᓇᐃᖅᓯᒪᓂᕐᒧᑦ ᐱᔭᔅᓴᐅᓂᖏᓐᓄᑦ ᓂᕆᔭᐅᕙᑦᑐᑦ ᐊᑯᓂᐅᔪᒥᑦ ᐃᓅᓯᖏᓐᓂ ᐊᑐᖃᑦᑕᖅᓯᒪᔭᖏᓐᓂ.

ᕕᐊᓐ ᐋᑲᕙᒃ ᐊᒻᒪ ᔪᐊᑕᓪ ᐋᑲᕙᒃ−ᕕᓕᐅᕆᑎ ᐅᑕᖅᑭᔪᑦ ᑭᒻᒥᕈᓐᓂ ᑭᒻᒥᕈᒻᒥ ᐃᒪᐅᑉ ᑭᓪᓕᖓᓂ ᕿᓚᓗᒐᓚᐅᖅᑎᓪᓗᒋᑦ ᕿᑎᐊᓂ ᐅᑦᑑᐱᕆ 2021.
Expand Image

ᓂᕿᓄᑦ ᐊᑦᑕᓇᐃᖅᓯᒪᖏᓐᓂᖅ ᐅᖃᐅᓯᐅᒍᓐᓇᖅᑐᖅ ᐊᓯᐊᒍᑦ ᑖᒃᑯᐊ ᐃᓄᑐᐊᒡᒋᑏᑦ, ᐃᓚᒌᑦ ᐅᕝᕙᓘᓐᓃᑦ ᑲᑎᓐᖓᔪᑦ ᓂᕿᖃᖏᓗᐊᖅᑐᑎᑦ. ᑭᓯᐊᓂᓕ ᑐᑭᒋᓂᖅᓴᕆᔭᖓᓂ, ᖃᓄᓪᓚᕆᒃ ᑐᑭᖃᖅᑲ? ᐅᕝᕙᓘᓐᓃᑦ ᐱᒡᒐᓇᖏᓂᖅᓴᐅᓗᓂ, ᓱᒻᒪᑦ ᐃᓄᐃᑦ ᐅᑭᐅᑕᖅᑐᒥ ᓇᓗᓂᖃᖅᑲᑦ ᑭᖑᓪᓕᕐᒥ ᓂᕆᓂᐊᖅᑕᖏᓐᓂ ᓇᑭᓐᖔᓂᐊᕐᒪᖔᑕ? ᐊᐱᖅᑯᑏᑦ ᑕᐃᒪᐃᑦᑐᑦ ᑐᑭᒧᐊᖅᑎᑦᑎᓚᐅᖅᑐᑦ ᔨᐊᓗᓇᐃᕝᒥ ᐊᔾᔨᓕᐅᕆᔨ ᐹᑦ ᑲᐃᓐᒥᐅᖃᐅᓯᐅᔪᒥᑦ ᖃᐅᔨᒋᐊᒃᑲᓂᖅᑐᓂᔭ “ᐅᑯᐊᖑᕚᑦ ᐃᓄᐃᑦ ᑮᓇᐅᔭᖃᖏᓗᐊᖅᑐᑦ ᓂᕿᑖᕐᓗᑎ? ᐅᕝᕙᓘᓐᓃᑦ ᐊᑐᐃᓐᓇᐅᖏᑐᐃᓐᓇᖅᑲᑦ? ᐅᕝᕙᓘᓐᓃᑦ ᐃᓄᐃᑦ ᐊᖑᓇᓱᒍᓐᓇᖏᑦᑐᑦ? ᐅᕝᕙᓘᓐᓃᑦ ᑭᓲᕙ?”

ᓱᓕᔪᖅ, ᑭᓇᑐᐃᓐᓇᕐᒧᑦ ᐃᓱᒪᒋᔭᖃᖅᑐᒧᑦ ᑲᐃᓐᑎᑐᑦ, ᐊᓯᖓ ᐃᓱᒫᓘᑕᐅᔪᖅ ᐊᓯᖏᑎᒍᑦ ᐅᖃᐅᓯᐅᔪᑦ ᓲᕐᓗ, “ᓂᕿᓄᑦ ᐊᑦᑕᓇᐃᖅᓯᒪᖏᓐᓂᖅ” ᐅᑭᐅᑕᖅᑐᒥ ᐃᓱᒪᒋᔭᐅᑐᐃᓐᓇᖅᑐᓂ ᐃᓚᒋᒐᔪᖃᑦᑕᖅᑕᖓ. “ᖃᐅᔨᓴᕐᓂᖃᓕᕐᓂᑕᒫᑦ, ᐊᔾᔨᓐᖑᐊᑐᐃᓐᓇᐅᕙᓚᐅᖅᑐᖅ ᓂᖀᑦ ᓂᐅᕕᕐᕕᒦᑦᑐᑦ ᐃᓕᔾᔨᕕᖏᓐᓂ ᐊᒻᒪ ᐊᑭᖏᑦ,” ᐅᖃᖅᑐᖅ. “ᑖᓐᓇ ᐊᑕᐅᓯᖅ ᐃᓚᒋᔭᖓ, ᐃᓱᒪᖏᔭᕋ, ᑭᓯᐊᓂ ᖃᓄᓪᓚᕆᒃ ᑕᑯᔅᓴᐅᓂᖃᖅᑲ ᖃᐅᑕᒫᑦ ᐃᓅᓯᕐᒥᑦ?”

ᐅᖓᑖᓂ ᒪᕐᕉᓐᓂ ᐊᕐᕌᒎᓂ, ᑲᐃᓐ ᐳᓚᕋᓚᐅᖅᑐᖅ ᓄᓇᓕᓐᓂᑦ ᐅᑭᐅᑕᖅᑐᓕᒫᒥ, ᐊᐱᕆᖃᑦᑕᖅᑐᓂ ᑖᒃᑯᓂᖓ ᐊᐱᖅᑯᑎᓂᑦ ᐊᒻᒪ ᐊᔾᔨᓕᐅᕆᖃᑦᑕᖅᑐᓂ. ᐱᒋᐊᕐᕕᒋᓚᐅᖅᑕᖓ ᐊᖏᕋᖓ ᔨᐊᓗᓇᐅᕝ, ᐊᒻᒪ ᓄᓇᑦᓯᐊᑰᖅᑐᓂ ᐊᒻᒪ ᓄᓇᕗᒻᒨᓕᓚᐅᖅᑐᖅ. “ᖃᐅᔨᓚᐅᖅᑐᖓ ᐊᖏᔪᒥᑦ ᓇᓗᓇᖅᑑᓪᓗᓂ,” ᐅᖃᖅᑐᖅ ᑲᐃᓐ. “ᐊᑭᒋᔭᖏᑦ. ᐃᖏᕋᔾᔪᑎᖏᑦ. ᐃᖅᑲᓇᐃᔭᖅᑕᑕᐅᓂᖏᓐᓄᑦ. ᓂᕿᑦᑎᐊᕙᓪᓂᑦ ᓂᕿᑖᖅᑐᓂ.”

ᐊᒥᓲᓂᖅᓴᓄᑦ ᑲᓇᑕᒥᐅᑕᓄᑦ, ᓂᕿᑦᒃᑎᐊᕙᓐᓂᑦ ᓂᕿᑖᕐᓂᖅ ᐱᖃᓯᐅᔾᔨᔪᖅ ᓂᕿᓄᑦ ᓂᐅᕕᕐᕕᒨᕐᓗᓂ, ᐱᑐᖃᖏᖏᑦᑐᓂᑦ ᓰᕐᓇᖅᑐᓂᑦ, ᐱᕈᖅᑐᒥᓂᕐᓂᑦ ᐊᒻᒪ ᓂᕿᓪᓚᕆᓐᓂᑦ ᐊᑐᐃᓐᓇᐅᖏᓐᓇᖅᑐᑦ ᖃᖓᒃᑯᑐᐃᓐᓇᐅᒐᓗᐊᕈᓂ ᐊᕐᕌᒍ ᐃᓗᐊᓂ. ᓄᓇᕗᒻᒥ, ᐊᔾᔨᐸᓗᖏᑦ ᓂᐅᕕᕐᕖᑦ ᐊᔾᔨᐸᓗᖏᓐᓂ ᓂᐅᕕᐊᔅᓴᖃᖅᑐᑦ, ᑭᓯᐊᓂ ᓄᖅᑲᖅᑎᑕᐅᓯᒪᔪᑦ ᖃᖓᑕᓲᑦ ᓇᓪᓕᐊᓐᓂᑐᐃᓐᓇᖅ ᓄᓇᓕᕐᔪᐊᓂᑦ ᖃᖓᑕᓲᒃᑯᑐᐊᖑᖃᑦᑕᖅᑐᑦ ᓄᓇᓖᑦ ᕿᓚᒥᐅᔪᒥᑦ ᐊᑐᐃᓐᓇᖃᕈᓐᓃᕈᓐᓇᖅᑐᑦ ᐱᕈᖅᑐᒥᓂᕐᓂᑦ, ᐃᒻᒧᒐᓚᓐᓂᑦ ᐊᒻᒪ ᓂᕿᓪᓚᕆᓐᓂᑦ.

ᐊᒥᐊᒃᑯᒋᒐᔪᑦᑕᖏᑦ ᐱᕙᓪᓕᐊᑎᑕᐅᓯᒪᔪᑦ, ᑕᕆᐅᒃᑭᐅᓪᓗᑎ ᐅᕝᕙᓘᓐᓃᑦ ᓯᑲᒃᑭᐅᓪᓗᑎ ᐊᑭᑐᓂᖅᓴᐅᖃᑦᑕᖅᑐᑎᑦ ᓴᓂᐊᓂ ᖃᓪᓗᓈᑦ ᓄᓇᖓᓐᓂ — ᐃᒥᒐᔅᓴᐃᑦ ᐊᑭᖃᕈᓐᓇᖅᑐᑦ $24, ᖃᑦᑖᕐᔪᓛᑦ ᓂᕿᓖᑦ ᖃᔪᐃᑦ $10 — ᒐᕙᒪᑐᖃᒃᑯᓐᓄᑦ ᐃᑲᔪᖅᑕᐅᒐᓗᐊᖅᑎᓪᓗᒋᑦ ᓲᕐᓗ ᓂᕿᑦᑎᐊᕙᐃᑦ ᐅᑭᐅᑕᖅᑐᒧᑦ ᐱᓕᕆᐊᖅ. ᑐᑭᖃᕋᓱᐊᖅᑐᑦ ᓂᖀᑦ ᑮᓇᐅᔭᖅᑐᖏᓐᓂᖅᓴᐅᓗᑎ, ᐊᖏᓂᖅᓴᖏᑦ ᐃᑲᔫᑏᑦ ᐃᑉᐱᐊᕐᔪᖏᓐᓅᐸᑦᑐᑦ ᖃᓪᓗᓈᑦ ᓄᓇᖓᓐᓂ ᓇᒻᒥᓂᕆᔭᐅᔪᓄᑦ ᓂᕿᓄᑦ ᓂᐅᕕᕐᕕᓐᓄᑦ ᑐᓂᔭᐅᖏᖔᖅᑐᑎ ᐅᑭᐅᑕᖅᑐᒧᑦ ᓂᐅᕕᖃᑦᑕᖅᑐᓄᑦ.

ᐸᓐᓂᖅᑑᖅ: ᐃᓐᓇᑕᖃᒡᒍᑏᑦ, ᐊᐅᓪᓚᕈᔾᔨᔩᑦ, ᐃᓕᓴᐃᔩᑦ ᐊᒻᒪ ᐃᓕᓐᓂᐊᖅᑏᑦ ᐆᓯᒪᔪᒥᑦ ᓇᑦᑎᒥᓂᖅᑐᖅᑐᑦ ᐅᓪᓗᕈᒻᒥᑕᕐᓇᒥ ᐊᒻᒪ ᑲᑎᖅᓱᐃᓪᓗᑎ ᐃᖃᓗᓐᓂ ᐊᒥᑦᑐᖅ ᑕᓯᖓᓂ ᖃᓂᒋᔭᖓᓂ ᐸᓐᓂᖅᑑᖅ, ᓄᓇᕗᑦ, ᒪᐃᒥ. ᐱᓕᕆᐊᑦ ᑖᒃᑯᓇᑎᑐᑦ, ᐊᐅᓚᓂᖃᖅᑐᑦ ᐸᓐᓂᖅᑑᒥ ᐅᖓᑖᓂ 30 ᐊᕐᕌᒍᓂᑦ, ᐱᔪᓐᓇᑎᑦᑎᔪᑦ ᓄᓇᕗᓕᒫᒥ ᓄᓇᒨᕈᓐᓇᕐᓗᑎ ᐊᒻᒪ ᑲᑎᓐᖓᓕᒃᑲᓂᕐᓂᖃᕐᓗᑎ ᐃᓄᐃᑦ ᐱᖅᑯᓯᖏᓐᓂ. ᑭᓯᐊᓂ ᒫᓐᓇ, ᐊᑭᖏᑦ ᓱᓇᒃᑯᑖᓄᑦ ᐊᒻᒪ ᐃᖏᕋᔾᔪᑎᓄᑦ ᐱᔭᐅᔭᕆᐊᓖᑦ ᐱᑕᖃᕈᓐᓃᖅᑎᑕᐅᕙᓪᓕᐊᔪᑦ.
Expand Image

ᑲᐃᓐᒧᑦ, ᐃᓱᒫᓘᑕᐅᔪᖅ ᐱᒋᐊᕐᓂᖃᓚᐅᖅᑐᖅ ᐊᒥᓲᓕᖅᑐᓂᑦ ᐊᕐᕌᒍᓂᑦ. ᖃᓪᓗᓈᑦ ᐊᐅᓚᑦᑎᓂᖏᑦ ᐊᔭᐅᖅᓯᑎᓪᓗᒋᑦ ᐅᑭᐅᑕᖅᑐᒥ ᐃᓚᖏᓐᓂ ᐆᒪᔪᓂᑦ ᒪᓕᖃᑦᑕᑕᖅᑐᓂᑦ ᑲᑎᓐᖓᔪᓂᑦ, ᓲᕐᓗ ᐃᓄᐃᑦ, ᓯᕗᓂᐊᒍᑦ ᓇᓗᓇᐃᖅᑕᐅᓯᒪᔪᒧᑦ ᓄᓇᓕᒻᒨᖅᑎᑕᐅᓪᓗᑎ, ᓂᐅᕐᕈᑎᖃᕐᕖᑦ — ᓯᕗᓕᕕᓂᖏᑦ ᐅᓪᓗᒥᐅᔪᖅ ᓂᕿᓄᑦ ᓂᐅᕕᕐᕕᓐᓄᑦ — ᓴᖅᑭᑎᑦᑎᓚᐅᖅᑐᑦ ᓲᕐᓗ ᖃᑦᑖᕐᔪᓛᒦᑦᑐᑦ, ᓱᑲᐃᑦ, ᐱᑐᖃᕈᔾᔭᐅᒃᑯᑎᓖᑦ ᐊᒻᒪ ᐊᓯᖏᑦ ᖃᓪᓗᓈᑦ ᓄᓇᖓᓐᓂ (ᑐᑭᑲᒻᖅᒻᑐᖅ ᐊᓯᓕᒫᖏᓐᓂ ᑲᓇᑕᒥ) ᓂᖀᑦ.

“ᓂᕆᖃᑦᑕᕐᓂᖅ ᖃᑦᑖᕐᔪᓛᒦᑦᑐᓂᑦ ᐊᒻᒪ ᐴᖅᓯᒪᔪᓂᑦ ᓂᕿᓂᑦ ᖃᐅᔨᔭᐅᔭᕆᐊᖅᓯᒪᔪᓂᑦ ᐃᓚᖓᒍᑦ [ᑭᓯᐊᓂ] ᐃᓕᓐᓅᖅᑕᐅᑐᐃᓐᓇᖅᑐᑎᑦ ᓴᖅᑭᑎᑦᑎᔪᑦ ᑐᓐᖓᕕᒋᔭᐅᓕᖅᑐᑎᑦ: ᑐᓐᖓᕕᒋᓕᑳᓪᓚᖅᑐᒋᑦ ᒐᕙᒪᒃᑯᑦ – ᑐᓐᖓᕕᒋᔭᑎᑦ ᐃᓄᐃᑦ ᓇᔅᓴᖃᑦᑕᖅᑕᖏᑦ ᐃᓕᓐᓄᑦ,” ᐅᖃᖅᑐᖅ ᑲᐃᓐ. ᑲᑎᓐᖓᑎᑕᐅᑎᓪᓗᒋᑦ ᑭᓪᓕᖃᖅᑐᑎᑦ ᓇᒥ ᐊᖑᓇᓱᑦᑎᑕᐅᔪᓐᓇᕐᓂᖏᓐᓄᑦ, ᓅᑦᑎᖅᑕᐅᔪᑦ, ᐃᓕᓐᓂᐊᕆᐊᖅᑎᑕᐅᔪᑦ ᐊᒻᒪ ᐃᓚᓕᒫᖏᑦ ᖃᓪᓗᓈᑦ ᐊᐅᓚᑕᐅᓂᖏᓐᓄᑦ ᐱᑦᑎᐊᖏᑦᑐᑦ, ᐱᒡᒐᓇᖏᑦᑐᖅ ᓇᓚᐅᑦᑖᕐᓗᒍ ᖃᓄᑎᒋ ᐊᖏᓂᖓ ᐊᑦᑐᖅᑕᐅᓚᐅᖅᑐᑦ ᐊᒻᒪ ᓱᒻᒪᑦ ᐃᑉᐱᓂᖅᑕᐅᕙᓪᓕᐊᖏᓐᓇᕐᒪᖔᑕ.

ᐊᖏᓂᖅᓴᐅᔪᖅ ᓂᕿᓄᑦ ᐊᑦᑕᓇᐃᖅᓯᒪᖏᓂᕐᒧᑦ, ᑲᐃᓐ ᐊᔾᔨᓐᖑᐊᖏᑦ ᑕᑯᔅᓴᐅᑎᑦᑎᔪᑦ ᐱᔪᓐᓇᐅᑎᖓᓂ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ — ᐱᔪᓐᓇᐅᑎᖏᑦ ᐃᓄᐃᑦ ᐱᓗᑎ ᖃᓄᖅ ᐊᒻᒪ ᓇᒥ ᓂᕿᖏᑦ ᐱᔭᐅᒻᒪᖔᑕ.
Expand Image

ᑖᒃᑯᐊ ᐊᔅᓱᕈᕈᑕᐅᒐᓗᐊᖅᑎᓪᓗᒋᑦ, ᓴᓐᖏᓂᖏᑦ ᐊᒻᒪ ᐱᐅᓂᖏᑦ ᐃᓄᐃᑦ ᐊᒻᒪ ᐊᓯᖏᑦ ᓄᓇᖃᖅᑳᖅᓯᒪᔪᑦ ᐊᑐᑦᑎᐊᕈᓐᓇᖅᓯᓯᒪᔪᑦ ᐊᖑᓇᓱᓐᓂᕐᒥᑦ ᐱᓯᒪᔭᐅᓂᐊᕐᓗᑎ ᒪᒃᑯᓂᖅᓴᓄᑦ ᐅᓪᓗᒥᐅᓕᖅᑐᒥ ᓄᓇᕗᒻᒥ, ᓄᓇᑦᓯᐊᒥ ᐊᒻᒪ ᐊᓯᖏᓐᓂ ᓇᒥᑐᐃᓐᓇᖅ, ᐃᓕᓐᓂᐊᕐᕕᑎᒎᒐᔪᑦᑐᑦ “ᓄᓇᒦᓐᓂᕐᒧᑦ ᐱᓕᕆᐊᑦ” ᓲᕐᓗ ᐊᐅᓚᓂᖃᖅᓯᒪᔪᖅ ᐅᖓᑖᓂ 30 ᐊᕐᕌᒍᓂᑦ ᕼᐊᒻᒪᓚᖓᒥᓂ ᐸᓐᓂᖅᑑᖅ. ᑭᓯᐊᓂ ᐊᔅᓱᕈᕈᑎᑕᖃᐃᓐᓇᖅᑐᖅ.

“ᓄᓇᓕᓐᓂᑦ ᐊᒥᓱᑦ ᐃᓄᐃᑦ ᐊᓯᕙᖃᑦᑕᑎᓪᓗᒋᑦ ᐊᒻᒪ ᐊᖑᓇᓱᐊᖅᑐᑎ ᓂᕿᖏᓐᓄᑦ, ᒫᓐᓇᐅᔪᒥ ᐱᒡᒐᓇᓂᖅᓴᐅᓕᖅᑐᖅ ᐅᐊᑦᑎᐊᕈᕙᔪᒻᒪᓂᑦ,” ᐅᖃᖅᑐᖅ ᑲᐃᓐ, ᓇᓗᓇᐃᖅᓯᓪᓗᓂ ᐊᑭᑐᔫᓂᖓᓄᑦ ᓄᓇᒨᓂᕐᒧᑦ, ᐱᖃᓯᐅᑎᓪᓗᑎ ᐊᑭᖏᑦ ᐅᖅᓱᐊᓗᓐᓄᑦ, ᐅᒥᐊᓄᑦ, ᐱᓲᑎᓄᑦ, ᖃᒧᑕᐅᔭᓄᑦ, ᓴᒃᑯᓄᑦ ᐊᒻᒪ ᐊᓯᖏᓐᓄᑦ ᐊᓯᕙᑐᖅᓯᐅᑎᓄᑦ, ᐃᓚᒋᓪᓗᓂᐅᒃ ᓯᓚᖓ ᐊᓯᔾᔨᕐᓂᖓᓄᑦ ᓯᑯᖓᓂ ᒥᔅᓴᐅᓴᒡᒐᓇᖅᑎᑦᑎᓯᒪᔪᖅ.

ᑲᐃᓐ ᐅᖃᐅᓯᖃᒃᑲᓂᖅᑎᓪᓗᒍ ᓄᓇᓕᒻᒥᐅᑕᓂᑦ, ᐋᖅᑭᒍᑎᐅᔪᖅ ᓇᓗᓇᖏᓂᖅᓴᐅᓕᓚᐅᖅᑐᖅ. “ᑮᓇᐅᔭᖃᖅᑎᑕᐅᔪᒪᑐᐃᓐᓇᖏᑦᑐᑦ ᓂᐅᕕᕐᓗᑎ ᑭᓱᑐᐃᓐᓇᕐᓂᑦ ᓂᕿᓄᑦ ᓂᐅᕕᕐᕕᒻᒥᑦ. ᑮᓇᐅᔭᖃᖅᑎᑕᐅᔪᒪᔪᑦ ᓂᐅᕕᕈᓐᓇᕐᓗᑎ ᐅᖅᓱᐊᓗᓐᓂ ᐊᖑᓇᓱᒍᓐᓇᓂᐊᕐᖓᑕ,” ᑲᐃᓐ ᓇᓗᓇᐃᔭᐃᔪᖅ ᖃᐅᒡᔨᔭᔅᓴᐅᓂᓪᓚᕆᖓ “ᖃᐅᒪᓂᖃᑲᐃᓐᓇᖅᑐᖅ” ᑲᐃᓐᓄᑦ ᐊᒻᒪ ᐱᓕᕆᐊᒧᑦ: “ᐃᒪᐃᑦᑑᓚᐅᖅᑐᖓ, ᖃᓄᐃᖏᑦᑐᖅ, ᐃᓚᖓᒍᑦ, ᑕᒪᔾᔭ ᐱᓕᕆᐊᒪ ᐱᔾᔪᑎᒋᔭᖓ. ᐱᔾᔪᑎᒋᔭᖓ ᑖᒃᑯᐊ ᐃᓄᐃᑦ ᐅᑎᕋᓱᐊᕐᓂᖏᓐᓄᑦ ᐃᓚᖏᓐᓄᑦ ᐱᖅᑯᓯᑐᖃᓂ ᐃᓅᓯᖃᓂᕐᒥᑦ.”

ᐃᖃᓗᐃᑦ (ᐊᔾᔨᙳᐊᖅ ᐊᑖᓂ)  

ᐃᖃᓗᒻᒥᐅᑕᐃᑦ, ᐱᖃᓯᐅᑎᓪᓗᑎ ᐃᓐᓇᑐᖃᐃᑦ ᐊᒻᒪ ᒪᒃᑯᑦᑐᑦ, ᐊᒻᒨᒪᔾᔨᐊᖃᑦᑕᖅᑐᑦ ᖃᓂᒋᔭᖓᓂ ᐊᐅᐸᓚᔮᖅ, ᑐᑭᖃᖅᑐᖅ “ᕿᑭᖅᑕᖅ ᐊᐅᐸᕈᔪᑦᑐᖅ ᐊᒥᐊᖓ,” ᐅᑦᑑᐱᕆᒥ. ᐅᖅᑰᓂᖅᓴᐅᑎᓪᓗᒍ ᐃᒪᐃᓐᓇᐅᑎᓪᓗᒍ ᑕᖅᑭᖏᓐᓂ, ᐊᒻᒨᒪᔨᐊᖅᑏᑦ ᐊᐅᓪᓚᖃᑦᑕᖅᑐᑦ ᐅᒥᐊᒃᑯᑦ ᐊᒻᒪ ᑎᓂᑦᑏᕙᑦᑐᑎ ᑭᓯᐊᓂ ᐱᓱᒍᓐᓇᖅᓯᒐᐃᒻᒪᑕ ᑎᓂᓐᓂᒃᑯᑦ, ᐊᒻᒪ ᐊᒻᒨᒪᔪᖅᑕᓵᖅᑐᑎ ᐅᓕᓚᐅᖏᓐᓂᖓᓂ.

ᐅᖅᑰᓂᖅᓴᐅᑎᓪᓗᒍ ᐃᒪᐃᓐᓇᐅᑎᓪᓗᒍ ᑕᖅᑭᖏᓐᓂ, ᐊᒻᒨᒪᔨᐊᖅᑏᑦ ᐊᐅᓪᓚᖃᑦᑕᖅᑐᑦ ᐅᒥᐊᒃᑯᑦ ᐊᒻᒪ ᑎᓂᑦᑏᕙᑦᑐᑎ ᑭᓯᐊᓂ ᐱᓱᒍᓐᓇᖅᓯᒐᐃᒻᒪᑕ ᑎᓂᓐᓂᒃᑯᑦ, ᐊᒻᒪ ᐊᒻᒨᒪᔪᖅᑕᓵᖅᑐᑎ ᐅᓕᓚᐅᖏᓐᓂᖓᓂ.
Expand Image
ᐃᖃᓗᒻᒥᐅᑕᐃᑦ, ᐱᖃᓯᐅᑎᓪᓗᑎ ᐃᓐᓇᑐᖃᐃᑦ ᐊᒻᒪ ᒪᒃᑯᑦᑐᑦ, ᐊᒻᒨᒪᔾᔨᐊᖃᑦᑕᖅᑐᑦ ᖃᓂᒋᔭᖓᓂ ᐊᐅᐸᓚᔮᖅ, ᑐᑭᖃᖅᑐᖅ “ᕿᑭᖅᑕᖅ ᐊᐅᐸᕈᔪᑦᑐᖅ ᐊᒥᐊᖓ,” ᐅᑦᑑᐱᕆᒥ.
Expand Image
ᓵᓕ ᖃᐅᓂᖅ ᐸᓂᖅᓯᑦᑎᑕᖓ ᓇᑦᑎᕋᔭᒃ ᕿᓯ. ᖃᐅᓂᖅ ᐊᓈᓇᖓ ᐃᑲᔪᖅᑕᖓ ᐸᓂᖅᓯᑎᑦᑕᖓᓂ ᐊᒻᒪ ᑕᓯᑦᑎᑦᑐᓂᐅ ᐊᒥᖓ ᑲᒥᓕᐅᕈᓐᓇᓂᐊᕐᖓᑦ ᐊᒻᒪ ᓯᖏᓐᓂ ᐅᑭᐅᒃᑯᑦ ᐊᓐᓄᕌᓂᑦ.
Expand Image
ᐅᓯᖃᑦᑕᖅᑐᖅ ᐅᒥᐊᕐᔪᐊᖅ ᑕᓯᐅᔭᖅᔪᐊᒦᑦᑐᖅ ᐅᑦᑑᐱᕆᒥ 2021.
Expand Image
ᑎᐊ ᒧᐃᑯ ᐊᒻᒪ ᓈᒻᒥ ᒪᒃᐲ, ᐃᖅᑲᓇᐃᔭᑎᖏ ᖃᔪᑐᖅᕕᒃ ᓄᓇᓕᒻᒥ ᒥᕿᑖᕐᕕᒻᒥ, ᓈᓴᐃᔪᑦ ᑭᓱᖏᓐᓂ ᐅᑦᑑᐱᕆ 2021.
Expand Image

ᐸᓐᓂᖅᑑᖅ (ᐊᔾᔨᙳᐊᖅ ᐊᑖᓂ) 

ᐸᓐᓂᖅᑑᖅ, ᑐᑭᖃᖅᑐᖅ “ᓄᓇᐅᒋᔭᖓ ᐸᓐᓂᓄᑦ ᑐᑦᑐᓄᑦ,” ᕼᐊᒻᒪᓚᐅᔪᖅ ᖃᓂᒋᔭᖏᓐᓂ 1,500 ᐸᓐᓂᖅᑑᕐᒥᐅᑕᐃᑦ ᐃᑲᕋᓪᓗᐊᐸᓗᒻᒥ ᖃᖓᑕᓲᒃᑯᑦ ᐃᖃᓗᓐᓂᑦ. “ᐹᖕ” ᓄᓇᓕᒻᒥᐅᑕᓄᑦ ᖃᐅᔨᒪᔭᐅᔪᖅ, ᑲᖏᖅᑐᒦᑦᑐᖅ ᐊᒻᒪ ᑭᓱᖃᑦᑎᐊᖅᑐᓂ ᐃᒪᖏᓐᓂ ᐸᓐᓂᖅᑑᖅ ᐃᑭᖓᓂ, ᓇᔪᖅᑕᐅᕙᓚᐅᖅᑐᖅ ᑮᓇᐅᔭᓕᐅᕋᓱᐊᖅᑐᓄᑦ ᕿᓚᓗᒐᓂᐊᖅᑎᓄᑦ ᕿᑎᖏᓐᓂ 1800.

 

ᐸᓐᓂᖅᑑᖅ, ᑐᑭᖃᖅᑐᖅ “ᓄᓇᐅᒋᔭᖓ ᐸᓐᓂᓄᑦ ᑐᑦᑐᓄᑦ,” ᕼᐊᒻᒪᓚᐅᔪᖅ ᖃᓂᒋᔭᖏᓐᓂ 1,500 ᐸᓐᓂᖅᑑᕐᒥᐅᑕᐃᑦ ᐃᑲᕋᓪᓗᐊᐸᓗᒻᒥ ᖃᖓᑕᓲᒃᑯᑦ ᐃᖃᓗᓐᓂᑦ.
Expand Image
ᐅᓘᕈᓯ ᐊᓕᕙᖅᑕᖅ ᑕᑯᔅᓴᐅᑎᑦᑎᔪᖅ ᐃᓕᓐᓂᐊᖅᑎᓄᑦ ᐊᓗᑭ ᐃᓕᓴᕕᒻᒥ ᖃᓄᖅ ᐋᑦᑎᒋᐊᔅᓴᖅ ᓂᕐᓕᒥᑦ ᖃᓂᒋᔭᖓᓂ ᐊᒥᑦᑐᖅ ᑕᓯᖅ ᒪᐃᒥ 2022. ᐊᕐᕌᒍᑕᒫᑦ ᐅᐱᕐᖓᓵᒃᑯᑦ ᐊᐅᓪᓚᖃᑦᑕᕐᓂᐅᔪᑦ, ᑕᐃᒪᐃᓘᖅᓯᒪᓕᖅᑐᑦ ᐅᖓᑖᓂᐅᓗᐊᖅᑐᖅ 30 ᐊᕐᕌᒍᓂᑦ, ᐃᓕᓐᓂᐊᖅᑎᓂᑦ ᓄᓇᒨᕈᓐᓇᑎᑦᑎᔪᑦ ᖃᒧᑕᐅᔭᕐᓗᑎ, ᐃᖃᓗᒐᓱᐊᕐᓗᑎ, ᐊᖑᓇᓱᓪᓗᑎ, ᐃᓄᐃᑦ ᓂᕿᖏᓐᓂ ᓂᕿᓕᕆᓗᑎ ᐊᒻᒪ ᐅᑎᕐᕕᒋᓗᒋᑦ ᐃᓄᐃᑦ ᐱᖅᑯᓯᖏᑦ.
Expand Image
ᒦᑲ ᐊᓕᕙᖅᑕᖅ ᐃᖃᓗᒐᓱᐊᖅᑐᖅ ᐊᒻᒪᔪᒃᑯᑦ ᐊᒥᑦᑐᖅ ᑕᓯᖓᓂ ᒪᐃᒥ 2022. ᐊᓕᕙᖅᑕᖅ ᐱᓕᕆᐊᒥ ᐊᐅᓚᑦᑎᔨᐅᔪᖅ ᐊᕐᕌᒍᑕᒫᑦ ᐅᐱᕐᖓᓵᒃᑯᑦ ᐊᐅᓪᓚᖃᑦᑕᕐᓂᐅᔪᓄᑦ, ᐃᓕᓐᓂᐊᖅᑎᓂᑦ ᓄᓇᒨᕈᓐᓇᑎᑦᑎᔪᑦ ᐅᑎᕐᕕᒋᓗᒋᑦ ᐃᓄᐃᑦ ᐱᖅᑯᓯᖏᑦ.
Expand Image
ᐃᓐᓇᑐᖃᖅ ᓇᑦᑎᒥᓂᖅᑐᖃᑕᐅᔪᖅ ᐅᑦᑑᐱᕆ 2021.
Expand Image
ᓂᐅᕕᕐᕕᒃᑯᑦ ᐅᖅᓱᓗᕆᕕᒥᓂᖓ ᐃᒪᐅᑉ ᑭᓪᓕᖓᓂ ᐸᓐᓂᖅᑑᖅ.
Expand Image

ᐅᖅᓱᖅᑑᖅ (ᐊᔾᔨᙳᐊᖅ ᐊᑖᓂ) 

ᓯᑯᐃᖅᑎᓪᓗᒍ ᖃᓂᒋᔭᖓᓂ ᐅᖅᓱᖅᑑᖅ, ᓄᓇᓕᒻᒥᐅᑕᐃᑦ ᐊᐅᑉᐸᓪᓕᐊᔪᒥ ᓯᑯᒃᑯᑦ ᐃᖃᓗᒐᓱᐊᖃᑦᑕᖅᑐᑦ, ᑐᑦᑐᓯᒥᐅᖅᑐᑎ ᐊᒻᒪ ᐅᒥᖕᒪᓂᑦ ᐅᕝᕙᓘᓐᓃᑦ ᓇᔅᓴᖅᑐᑎᑦ ᓱᓇᒃᑯᑖᓂᑦ ᖃᓂᒋᔭᖏᓐᓄᑦ ᓇᔪᖅᑕᐅᔪᓄᑦ ᐊᑐᖅᑐᑎ ᖃᒧᑕᐅᔭᓂᑦ ᐊᒻᒪ ᖃᒧᑎᓐᓂᑦ. ᐅᐱᕐᖓᓵᒃᑯᑦ ᓯᑯᖓ ᐊᑐᕋᔅᓴᐅᒐᓗᐊᖅᑐᓂ ᐊᐅᓪᓚᓂᕐᒧᑦ, ᓯᑯᖓ ᖃᓄᐃᓐᓂᖏᑦ ᒥᔅᓴᐅᓴᒐᖏᓂᖅᓴᐅᓕᖅᑐᑦ ᓯᓚᖓ ᐊᓯᔾᔨᕐᓂᖓᓄ ᐱᔾᔪᑎᒋᓪᓗᒍ. ᐅᑭᐊᔅᓵᒃᑯᑦ ᓯᑯᓇᓵᓂᖅᓴᐅᕙᓕᖅᑐᖅ ᐊᒻᒪ ᐅᐱᕐᖓᓵᒃᑯᑦ ᓯᑯᖓ ᐊᐅᔅᓴᕋᐃᓐᓂᓴᐅᓪᓗᓂ, ᑕᒪᒃᑭᒃ ᐊᑦᑕᓇᕈᑎᖃᖅᑎᑦᑎᔪᑦ ᐊᓯᕙᖅᑎᓄᑦ ᐊᐅᓪᓚᖃᑦᑕᖅᑐᓄᑦ, ᐃᓛᓐᓂᒃᑯᑦ ᐅᖓᓯᑦᑐᒧᑦ, ᓯᑯᒃᑯᑦ.

ᐱᐊᑎ ᖂᕐᕕᒃ ᐃᖅᑲᓇᐃ.ᖅᑐᑦ ᓇᐅᕐᕕᒃᒥ, ᐱᕈᖅᓯᐊᓂᑦ ᐱᕈᖅᓴᐃᕕᒃ ᓴᓇᓯᒪᓂᖃᖅᑐᑦ ᓴᕕᕋᔭᓐᓂᑦ ᐊᒻᒪ ᐆᒻᒪᖅᑯᑎᖃᖅᑎᑕᐅᓪᓗᑎ ᐊᓄᕆᒧᑦ ᐊᒻᒪ ᓯᕿᓂᕐᒧᑦ. ᓄᑖᑦ ᓲᕐᓗ ᓕᐊᑕᔅ, ᐲᔅ, ᐸᐸᐃᑦ ᐊᒻᒪ ᑑᕐᓂᑉ ᐱᕈᖅᑎᑕᐅᕙᑦᑐᑦ ᐊᒻᒪ ᑐᓂᔭᐅᓪᓗᑎ ᓄᓇᓕᒻᒥᐅᑕᓄᑦ.
Expand Image
ᓯᓚᑎᖓ ᑕᑯᔅᓴᐅᓂᖓ ᓇᐅᕐᕕᒃ, ᐱᕈᖅᓯᐊᓂᑦ ᐱᕈᖅᓴᐃᕕᒃ ᓴᓇᓯᒪᓂᖃᖅᑐᖅ ᐊᓄᕆᒧᑦ ᐊᒻᒪ ᓯᕿᓂᕐᒧᑦ ᐆᒻᒪᖅᑯᑎᖃᖅᑎᑕᐅᓪᓗᓂ ᐅᒥᐊᕐᔪᐊᑰᖅᑎᑕᐅᕙᑦᑐᓂᑦ ᓴᕕᕋᔭᓐᓂᑦ.
Expand Image
ᓯᑯᐃᖅᑎᓪᓗᒍ ᖃᓂᒋᔭᖓᓂ ᐅᖅᓱᖅᑑᖅ, ᓄᓇᓕᒻᒥᐅᑕᐃᑦ ᐊᐅᑉᐸᓪᓕᐊᔪᒥ ᓯᑯᒃᑯᑦ ᐃᖃᓗᒐᓱᐊᖃᑦᑕᖅᑐᑦ, ᑐᑦᑐᓯᒥᐅᖅᑐᑎ ᐊᒻᒪ ᐅᒥᖕᒪᓂᑦ ᐅᕝᕙᓘᓐᓃᑦ ᓇᔅᓴᖅᑐᑎᑦ ᓱᓇᒃᑯᑖᓂᑦ ᖃᓂᒋᔭᖏᓐᓄᑦ ᓇᔪᖅᑕᐅᔪᓄᑦ ᐊᑐᖅᑐᑎ ᖃᒧᑕᐅᔭᓂᑦ ᐊᒻᒪ ᖃᒧᑎᓐᓂᑦ.
Expand Image
ᐅᐱᕐᖓᓵᒃᑯᑦ ᓯᑯᖓ ᐊᑐᕋᔅᓴᐅᒐᓗᐊᖅᑐᓂ ᐊᐅᓪᓚᓂᕐᒧᑦ, ᓯᑯᖓ ᖃᓄᐃᓐᓂᖏᑦ ᒥᔅᓴᐅᓴᒐᖏᓂᖅᓴᐅᓕᖅᑐᑦ ᓯᓚᖓ ᐊᓯᔾᔨᕐᓂᖓᓄ ᐱᔾᔪᑎᒋᓪᓗᒍ. ᐅᑭᐊᔅᓵᒃᑯᑦ ᓯᑯᓇᓵᓂᖅᓴᐅᕙᓕᖅᑐᖅ ᐊᒻᒪ ᐅᐱᕐᖓᓵᒃᑯᑦ ᓯᑯᖓ ᐊᐅᔅᓴᕋᐃᓐᓂᓴᐅᓪᓗᓂ, ᑕᒪᒃᑭᒃ ᐊᑦᑕᓇᕈᑎᖃᖅᑎᑦᑎᔪᑦ ᐊᓯᕙᖅᑎᓄᑦ ᐊᐅᓪᓚᖃᑦᑕᖅᑐᓄᑦ, ᐃᓛᓐᓂᒃᑯᑦ ᐅᖓᓯᑦᑐᒧᑦ, ᓯᑯᒃᑯᑦ.
Expand Image
ᐊᐃᕙᓐ ᕗᐃᒃᔅ, ᐊᐅᓚᑦᑎᔨ ᓂᐅᕕᕐᕕᒻᒥ ᐅᖅᓱᖅᑑᒥ, ᖃᐅᔨᒋᐊᖅᑕᖏᑦ ᓂᐅᕕᐊᔅᓴᐃᑦ. “ᐊᖏᓂᖅᓴᖏᑦ ᑭᓱᒋᔭᑦᑎᓐᓂ ᐅᒥᐊᕐᔪᐊᒃᑰᖃᑦᑕᖅᑐᑦ ᐊᑕᐅᓯᐊᖅᑐᑎ ᐊᕐᕌᒍᒥ ᐊᑕᐅᓯᐊᖅᑐᑎᑦ ᐊᒻᒪ ᑮᓇᐅᔭᑐᕐᓂᖃᖅᐸᑦᑐᒍᑦ ᖃᓂᒋᔭᖓᓂ $1.2 ᒥᓕᐊᓐ ᑖᒃᑯᓄᖓ ᑎᑭᓵᓄᑦ,” ᐅᖃᖅᑐᖅ.
Expand Image

ᑭᒻᒥᕈᑦ (ᐊᔾᔨᙳᐊᖅ ᐊᑖᓂ) 

ᐃᑲᔫᓯᐊᖑᔪᑦ ᓄᓇᒦᓐᓂᕐᒧᑦ ᐅᕝᕙᓘᓐᓃᑦ ᐃᒪᕐᒦᓂᕐᒧᑦ ᐅᖓᑕᐅᔾᔨᔪᑦ ᓂᕿᓂᑦ,ᒥᑭᔪᓂᑦ, ᐱᑕᖃᕈᓐᓂ, ᐃᓚᖓ ᐆᒪᔪᓂᑦ ᐃᒋᑕᐅᖃᑦᑕᖅᑐᑦ. ᐊᒥᕋᖏᑦ ᐆᒪᔪᐃᑦ ᓲᕐᓗ ᓇᑦᑏᑦ ᐱᒻᒪᕆᐅᔪᑦ ᓂᕿᑎᑐᑦ ᐱᑕᖃᖅᑎᑦᑎᔪᓂᑦ ᐊᒻᒪ ᐊᑐᖅᑕᑕᐅᔪᓐᓇᖅᑐᑦ ᐊᑎᒋᐅᓗᑎ, ᐳᐊᓗᐃᑦ, ᑲᒦᑦ (ᑲᒫᓗᐃᑦ ᓴᓇᓯᒪᔪᑦ ᑐᑦᑐᕋᔭᓐᓂᑦ ᐅᕝᕙᓘᓐᓃᑦ ᕿᓯᓐᓂᑦ) ᐅᕝᕙᓘᓐᓃᑦ ᐊᓯᖏᓐᓂ ᓴᓇᔭᐅᓯᒪᔪᓂᑦ.

ᐃᑲᔫᓯᐊᖑᔪᑦ ᓄᓇᒦᓐᓂᕐᒧᑦ ᐅᕝᕙᓘᓐᓃᑦ ᐃᒪᕐᒦᓂᕐᒧᑦ ᐅᖓᑕᐅᔾᔨᔪᑦ ᓂᕿᓂᑦ,ᒥᑭᔪᓂᑦ.
Expand Image
Ben Akavak and Jordan Akavak-Flaherty wait at the Kimmirut shoreline after a beluga harvest in mid-October 2021.
Expand Image
ᔪᐊᑕᓐ ᐋᑲᕙᒃ−ᕕᓕᐅᕆᑎ ᖃᔭᑐᖅᑐᖅ ᐃᒪᐅᑉ ᑭᓪᓕᖓᒍᑦ ᕿᓚᓗᒐᓚᐅᖅᑎᓪᓗᒋᑦ ᐅᑦᑑᐱᕆᒥ 2021.
Expand Image
ᕿᓕᖅᑎ ᐅᓈᓕᒃ ᐃᐱᔅᓴᖅᑕᖓ ᐅᓗᒃ ᐊᖏᔪᖅᑳᖓᑕ ᐊᖏᕋᖓᓂ 2021−ᒥᑦ.
Expand Image
ᐅᕙᓂ, ᐃᒧᒃᑳ ᑎᒥᓛ ᐊᒻᒪ ᓴᐃᒻᒪᑕ ᐅᓈᓕᒃ ᑐᑭᖅᓯᔪᑦ ᕿᓯᓐᓂᑦ ᐅᓈᓕᒃ ᐊᖏᕋᖓᓂ ᑭᒻᒥᕈᒻᒥ.
Expand Image
Advertisement

Help us tell Canada’s story

You can support Canadian Geographic in 3 ways:

Donate Subscribe Shop
Nunavut Inuit Nunangat Nuna food security fishing hunting

Related Content

Women in Nunavut running across a snow-covered field towards the camera

History

Throwback Thursday: Nunavut up and running

On April 1, 1999, Canada’s youngest population took control of its largest territory. Here’s how Canadian Geographic covered the story. 

  • 2880 words
  • 12 minutes
Natan Obed, president of Inuit Tapiriit Kanatami

People & Culture

The Inuit future

Natan Obed, president of Inuit Tapiriit Kanatami, on the idea of a Inuit-Crown relationship, Canada’s Inuit homelands and the role of Inuit in the world

  • 1597 words
  • 7 minutes
$8 bread in Iqaluit

People & Culture

Nunavut gets failing grade on food security

Conference Board of Canada’s food report card highlights problems territory’s residents have feeding themselves

  • 548 words
  • 3 minutes

People & Culture

Nunavut’s hunt for healthy food 

Across Nunavut, food insecurity continues to affect daily life. For many Inuit, the answer lies not in the grocery store, but on the land.

  • 1377 words
  • 6 minutes
Advertisement
Advertisement