Places

ᐊᒻᒪᓗᑭᑖᖓ ᐊᓯᔾᔨᖅᑐᑦ

ᐃᖅᑲᐅᒪᔭᐅᓂᖏᑦ ᓄᓇᕗᑦ ᐅᐊᑦᑎᐊᕈᖓ, ᐅᓪᓗᒥᐊᔪᖅ ᐊᒻᒪ ᓯᕗᓂᔅᓴᒥ

Published Apr 15, 2024
Updated Dec 19
1,024 words
5 minutes

By Whit Fraser

[ Available in English ] [ Disponible en français ]

ᒐᕙᓄ ᐊᐅᓚᑦᑎ ᒥᐊᓕ ᓴᐃᒪᓐ ᐊᒻᒪ ᕗᐃᑦ ᕗᕋᐃᓱ ᓇᓗᓴᐃᐃᖅᓯᔪᑦ ᓄᓇᕗᑦ ᓇᓪᓕᐊᓂᖅᓯᐅᕐᓂᖓᓄᑦ ᓄᓇᕗᒻᒥ ᒪᓕᒐᓕᐅᕐᕕᒻᒥ ᐃᖃᓗᓐᓂ. ( Photo: The Canadian Press/Dustin Patar)

ᓄᓇᕗᑦ 25−ᓂ ᐊᕐᕌᒍᖃᓕᖅᑐᖅ. ᑲᒪᓇᖅᑐᖅ ᐃᓱᒪᒋᓪᓗᒍ ᐊᒥᓲᖏᑦᑐᓄᑦ 25,000 ᐃᓄᓐᓄᑦ ᓴᓇᓚᐅᖅᑕᖓ ᑖᓐᓇ ᓄᓇᕗᑦ — ᐊᖏᓂᖃᖅᑐᖅ ᐊᑕᐅᓯᕐᖅ ᑕᓪᓕᒪᓂᑦ ᑲᓇᑕᓕᒫᒥ ᓄᓇᖓ ᐊᖏᓂᖓ. ᑭᓯᐊᓂ ᑕᒻᒪᖅᑕᐃᓕᒋᑦ; ᐃᓐᓴᔅᖑᖏᑦᑐᒥᓪᓘᓐᓃᑦ ᓄᓇᕗᑦ ᐱᒐᓇᖅᑑᓚᐅᖏᑦᑐᖅ. ᐋᔩᖃᑎᒌᓐᓂᐅᔪᑦ ᐊᑯᓂᐅᓚᐅᖅᑐᑦ ᐊᒻᒪ ᐱᐅᖏᑦᑑᖃᑦᑕᖅᑐᑎ. ᐃᓄᐃᑦ ᓄᓇᖓ ᑲᓇᑕᒥ ᐃᓱᒪᒋᔭᐅᓯᒪᓂᑐᐃᓐᓇᐅᓚᐅᖏᑦᑐᖅ ᖃᓄᐃᑦᑐᑐᐃᓐᓇᕐᓄ ᖃᓪᓗᓈᓂ ᓂᕈᐊᖅᑕᐅᖃᑦᑕᖅᑐᓂᑦ ᐅᕝᕙᓘᓐᓃᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ ᐅᕝᕙᓘᓐᓃᑦ, ᑕᐃᒪᓐᓇ ᐱᔾᔪᑎᒋᓪᓗᒍ, ᐱᓇᓱᐊᕐᓂᖃᖅᓯᒪᑦᑎᐊᖅᑐᑦ ᐱᕙᓪᓕᐊᔪᓕᕆᔩᑦ. ᑖᓐᓇ ᐃᓄᐃᑦ ᓯᓐᓇᑦᑐᐊᕆᓚᐅᖅᑕᖓ, ᐊᒻᒪ ᑭᒃᑯᓕᒫᑦ ᐅᑉᐱᕈᓱᖅᑎᑕᐅᒋᐊᖃᓚᐅᖅᑐᑦ.

ᐅᓇᐅᑎᓪᓗᒍ ᐃᐳᕈ 1, 2024, ᓄᓕᐊᕋ, ᑯᐃᓐᓄᑦ ᑭᒡᒐᖅᑐᐃᔨ ᑲᓇᑕᒧᑦ ᒥᐅᕆ ᓴᐃᒪᓐ, ᐊᒻᒪ ᐅᕙᖓ ᓄᓇᕗᒻᒦᓚᐅᖅᑐᒍᑦ ᓇᓗᓇᐃᖅᑕᐅᑎᓪᓗᒍ ᓇᓪᓕᐅᓂᖅᓯᐅᕐᓂᖓᓄ. ᐅᕙᖓ ᓇᒻᒥᓂᖏᓐᓂ ᐃᖅᑲᐅᒪᔭᖃᖅᑐᖓ ᓴᖅᑭᖅᑎᑕᐅᓂᖓ ᓄᓇᕗᑦ ᐱᔾᔪᑎᒋᓪᓗᒍ ᑕᑯᔅᓴᐅᑎᔪᔭᒃᑲ ᖃᓄᐃᓘᕐᓂᐅᔪᑦ ᑕᑯᔅᓴᐅᑦᑕᐅᑎᒋᓪᓗᑎ ᓰᐱᓰᒃᑯᑦ ᐅᕙᖓ ᐃᖅᑲᓇᐃᔭᖃᑎᒃᑲᓗ ᐊᒻᒪ ᐱᖃᓐᓇᕆᔭᕋ, ᐃᓅᔪᓐᓃᖅᑐᖅ ᔪᓇ ᑭᐊᓕ. ᖃᐅᔨᒪᓚᐅᖅᑐᑦ ᑕᑯᔅᓴᐅᑎᑦᑎᓚᐅᕋᑦᑕ ᐊᑐᖅᑕᐅᓚᐅᖅᓯᒪᖏᑦᑐᒥᑦ ᐅᓪᓗᖓᓂ. ᐃᓄᐃᑦ ᓄᓇᕗᑦ ᓵᓚᖃᖅᔪᑎᒋᓚᐅᖅᑕᖓ ᐊᕐᕌᒍᒐᓛᓗᓐᓂᑦ ᐊᑭᕋᑐᖅᑐᑎ ᖃᓪᓗᓈᓄᑦ ᐊᐅᓚᑕᐅᓂᖏᓐᓄᑦ, ᐊᔾᔨᒌᖏᑦᑐᓂ ᐱᖅᑯᓯᖃᕐᓂᖏᓐᓄᑦ, ᐃᓚᐃᓐᓈᖅᑕᐅᓯᒪᓂᖏᓐᓄᑦ ᐊᒻᒪ, ᐄ, ᐅᕕᓂᐅᖃᑎᒋᖏᑕᖏᓐᓂ ᐃᓚᐃᓐᓈᓂᕐᒧᑦ ᐊᑐᐊᒐᖏᓐᓂ ᐊᒻᒪ ᖃᓄᐃᓘᖅᑕᐅᖃᑦᑕᕐᓂᖏᓐᓄᑦ.

ᐅᑭᐅᑕᖅᑐᖅ ᒥᐅᕆ ᐃᓅᕕᒋᓚᐅᖅᑕᖓ (ᑲᖏᕐᓱᐊᓗᒃᔪᐊᒥᑦ, ᓄᓇᕕᒃ), ᐅᕙᖓ ᐅᑭᐅᑕᖅᑐᒨᕆᐅᓚᐅᖅᑐᖓ 1967−ᒥᑦ ᐃᖅᑲᓇᐃᔭᖅᑎᑕᐅᓕᕋᒪ ᓰᐱᓰᑯᓐᓄᑦ ᑐᓴᖅᓴᐅᑎᑦᑎᓗᖓ ᒥᑭᔪᒥᑦ 40- ᕚᑦ ᓈᓚᐅᑎᖃᕐᕕᒃ ᐱᔨᑦᑎᓚᐅᑦᑐᑦ ᐊᔾᔨᐅᖏᑦᑐᓂᑦ ᓄᐊᑕᐅᓯᒪᔪᓂᑦ “ᐃᓚᒋᔭᖓ ᓄᓇᓕᕐᔪᐊᒧᑦ” ᐱᔪᒪᓂᕆᔭᐅᔪᑦ. ᑕᐃᔅᓱᒪᓂᓕ, ᐃᖃᓗᐃᑦ ᖃᐅᔨᒪᔭᐅᓚᐅᖅᑐᖅ ᕗᕈᐱᓱ ᐸᐃ, ᐊᖏᕋᕆᔭᐅᔪᖅ ᖃᓂᒋᔭᖏᓐᓂ 300 ᖃᓪᓗᓈᓄᑦ (ᖃᓪᓗᓈᑦ) ᐃᖅᑲᓇᐃᔭᖅᑐᑦ ᒐᕙᒪᒃᑯᓐᓄᑦ ᐊᐅᓚᑦᑎᔨᐅᓪᓗᑎ, ᓘᑦᑖᑦ, ᐋᓐᓂᐊᓯᐅᖅᑏᑦ ᐊᒻᒪ ᐃᓕᓴᐃᔩᑦ, ᐅᕝᕙᓘᓐᓃᑦ ᐸᓖᓯᒃᑯᓐᓂ, ᓂᐅᕕᕐᕕᒃᑯᑦ ᐊᒻᒪ ᐃᖏᕋᔪᓕᕆᔨᒃᑯᑦ ᑲᓇᑕᒥ. “ᐃᐊᔅᑭᒨᔅ” (ᑕᐃᒪᓐᓇ ᑕᐃᔭᐅᕙᓚᐅᖅᑐᑦ) ᐊᒥᓲᓂᖃᓚᐅᖅᑐᑦ ᖃᓂᒋᔭᖏᓐᓂ 1,200, ᐊᒻᒪ ᐊᒥᓲᓛᖑᓚᐅᖅᑑᒐᓗᐊᑦ ᐃᓄᐃᑦ, ᐃᑉᐱᒋᔭᐅᖏᓂᖅᐹᖑᓚᐅᖅᑐᑦ. ᐊᒻᒪ ᑕᐃᒪᐃᒃᑲᓗᐊᖅᑎᓪᓗᒍ, ᐃᓗᐊᓂ 10 ᐊᕐᕌᒍᒍᓂᑦ ᐃᓄᐃᑦ — “ᐃᓄᐃᑦ” — ᐲᖅᓯᑦᑎᐊᓚᐅᖅᑐᑦ ᐅᖃᐅᓯᕐᒥ ᐃᐊᔅᑭᒧ ᑲᓇᑕᒥ ᐅᖃᐅᓯᓕᕆᓂᕐᒥᑦ ᐊᒻᒪ, ᑕᐃᒪᐃᓐᓂᖃᖅᑐᑎ, ᐱᒋᐊᓚᐅᖅᑐᖅ ᐊᑯᓂᐅᔪᒥᑦ ᐱᓕᕆᐊᖃᓂᕐᒥᑦ ᑐᕌᖅᑐᓂ ᐅᑎᖅᑎᑕᐅᓂᖏᓐᓄᑦ ᑭᓇᐅᓂᖏᓐᓄᑦ ᓇᓗᓇᐃᑯᑕᖏᑦ.

The Governor General attended an event at the Aqsarniit Hotel and Conference Centre to mark the territory's 25th anniversary on April 1, 2024. (Photo: Sgt Anis Assari, Rideau Hall, OSGG-BSGG)

ᐅᐸᔅᓯᒪᕋᑖᓚᐅᖅᑕᑎᓐᓂ, ᑭᒃᑯᑐᐃᓐᓇᐃᑦ ᐊᐱᕆᓚᐅᖅᑐᑦ ᑖᔅᓱᒥᖓᔅᓴᐃᓐᓇᖅ ᐊᐱᖅᑯᑎᒥᑦ: “ᖁᓚᕐᓇᖏᑦᑐᖅ ᑕᑯᓯᒪᔪᑎᑦ ᐊᒥᓱᓂᑦ ᐊᓯᔾᔨᖅᑐᓂᑦ?” ᑕᐃᒪᐃᓪᓚᕆᑦᑐᖅ, ᐃᓄᒋᐊᓐᓂᖏᑦ ᐊᒥᓱᕈᖅᓯᒪᔪᑦ — ᐅᕙᓐᖓᑦ 1,500 ᑎᑭᑦᑐᒍ ᖃᓂᒋᔭᕋᐸᓗᐊᓄᑦ 10,000. ᐃᖃᓗᓐᓂ, ᖃᖅᑲᖏᑦ ᐊᒻᒪ ᖃᖅᑲᐃᑦ ᑭᓪᓕᖏᑦ ᓄᐊᓐᓇᖓᓄᑦ ᐊᒻᒪ ᑲᓇᓐᓇᖓᓄᑦ ᐅᖅᑯᐊᕐᓂᓕᒻᒦᑎᑦᑎᓚᐅᖅᑐᑦ ᒥᑭᔫᒥᑦ “ᐊᑦᑎᓐᓂᖓ” ᓄᓇᓕᐅᔪᖅ ᖃᐅᔨᒪᓚᐅᖅᑐᖓ ᐃᓂᒋᔭᐅᓕᖅᑐᑦ ᐊᒥᓱᑦ ᓇᑎᖏᑦ ᐊᖏᕋᕆᔭᐅᔪᓂᑦ, ᐊᒥᓱᓂᑦ ᓇᑎᓖᑦ ᐊᓪᓚᕕᓄᑦ ᐃᓪᓗᐃᑦ ᐊᒻᒪ ᑐᔪᕐᒥᕕᑦ. ᐃᒪᐅᑉ ᑭᓪᓕᖓᓂ, ᐃᓚᒌᓄᑦ ᐊᖏᕋᕆᔭᐅᔪᑦ ᖃᓂᒌᑦᑑᓕᖅᑐᑦ ᐱᕕᑭᑦᑐᒥᑦ, ᑲᖏᖅᑐᖓᓂ ᐊᒻᒪ ᐅᔭᖅᑲᓂᑦ, ᐊᑐᓂ ᑕᑯᔅᓴᐅᑎᑦᑎᔪᑦ ᐱᐅᔪᒻᒪᕆᒻᒥ ᑕᓯᐅᔭᖅᔪᐊᒥᑦ ᐊᒻᒪ ᐅᖓᑖᓄᓄ, ᓇᐹᖅᑐᖃᖏᑦᑐᓂᑦ ᖃᖅᑲᖏᑦ.

ᓂᕈᐊᖅᑕᐅᖃᑦᑕᖅᑐᑦ ᐊᓯᔾᔨᖅᑐᑦ ᑕᐃᒫᔅᓴᐃᓐᓇᖅ ᑕᑯᔅᓴᐅᓂᖃᖅᑐᑦ. ᑐᓐᖓᓱᑦᑎᑕᐅᓚᐅᖅᑐᒍᑦ ᐱᐅᔪᒻᒪᕆᒻᒧᑦ ᐃᔾᓗᕕᒐᐅᔭᒧᑦ ᐃᓪᓗᒧᑦ ᒪᓕᒐᓕᐅᕐᕕᒻᒧᑦ ᓯᕗᓕᖅᑎ P.J. ᐊᕿᐊᕈᖅ, ᓱᓪᓕᑦ ᒪᒃᑯᑦᑑᓚᐅᖅᑐᖅ 199−ᒥᑦ, ᐊᒻᒪ ᐄᕙ ᐋᕆᐊᒃ, ᓯᕗᓕᖅᑎᐅᓚᐅᖅᓯᒪᔪᖅ (ᐊᒻᒪᓗ ᐃᓴᐃᔨᐅᓚᐅᖅᓯᒪᔪᖅ, ᓄᓇᓕᒻᒥ ᓯᕗᓕᖅᑎ ᐊᒻᒪ ᓇᒻᒥᓂᖃᖅᑎᐅᓪᓗᓂ) ᒫᓐᓇ ᑲᒥᓴᓇᐅᓕᖅᑐᖅ ᓄᓇᕗᒻᒥ — ᓄᓇᕗᒻᒥ ᐊᔾᔨᐸᓗᖓ ᐊᐅᓚᑦᑎᔨ. ᑲᑎᒪᓂᐊᓕᕋᐃᒻᒪᑕ ᐃᖅᓱᑦᑕᐅᕙᑦᑐᖅ, ᓇᓗᓇᐃᒃᑯᑕᖓ ᑯᐃᓐ ᓄᓇᖓᓂ ᒪᓕᒐᓕᐅᕐᕕᒻᒥ ᐱᔪᓐᓇᐅᑎᖃᓂᕐᒧᑦ, ᑑᒑᖑᓪᓗᓂ ᑑᒑᓕᓐᓄᑦ ᖃᓂᒋᔭᖓᓃᑦᑐᖅ ᒪᕐᕉᒃ ᒦᑕᐃᑦ ᑕᑭᓂᖓ, ᓴᓇᖑᐊᖅᓯᒪᓂᖃᖅᑐᓂ ᐆᒪᔪᓂᑦ ᐊᒻᒪ ᐅᔭᕋᑦᑎᐊᕙᖃᖅᑐᓂ ᓇᑭᑐᐃᓐᓈᖅᓯᒪᔪᓂᑦ ᓄᓇᕗᒻᒥ. ᐃᒪᐃᓕᖓᔪᕐᓕ, ᑎᕿᖅᑯᓕᒫᖏᓐᓂ, ᐊᑕᖏᖅᑐᑎ ᑕᑯᒥᓇᖅᑯᑎᖏᑦ ᐃᓪᓗᒥᑦ ᐅᖃᖅᑐᑦ ᐃᓄᐃᑦ ᐱᑕᖃᓪᓚᕆᓐᓂᖏᓐᓄᑦ ᓄᓇᕗᒻᒥ ᐊᒻᒪ ᑲᓇᑕᒥ.

ᓱᖅᑯᐃᓱᑦᑐᖓ ᒪᓕᒐᓕᐅᕐᕕᒻᒥ ᐃᓚᒋᔭᐅᔪᑦ — ᐊᖑᑏᓐᓇᐅᖏᓐᓇᖅᑐᑦ — ᑎᒃᑯᐊᖅᑕᐅᓚᐅᖅᑐᑦ ᒐᕙᒪᑐᖃᒃᑯᓐᓄᑦ ᒥᓂᔅᑕᒧᑦ ᐋᑐᕚᒥ. ᒫᓐᓇ ᓂᕈᐊᖅᑕᐅᓯᒪᔪᐃᑦᓇᐃᑦ, ᐱᖓᓲᔪᖅᑑᓪᓗᑎ ᐊᕐᓇᐃᑦ ᐊᒻᒪ 16 ᐊᖑᑏᑦ ᒪᓕᒐᓕᐅᕐᕕᒻᒦᓕᖅᑐᑦ ᑲᑎᒪᕕᖓᓃᖃᑦᑕᖅᑐᑦ ᕿᓯᓐᓂᑦ ᓴᓇᓯᒪᓂᖃᖅᑐᑦ ᐃᔅᓯᕙᐅᑕᑕᖏᑦ ᐊᒻᒪ ᓵᖏᑦ. 25 ᐊᕐᕌᒍᓂᑦ, ᑖᒃᑯᐊ ᒪᓕᒐᓕᐅᖅᑏᑦ ᐊᓂᖅᓵᑐᖅᓯᒪᔪᑦ ᐃᓅᓯᕐᒥᑦ ᓄᓇᕗᑦ ᑕᑯᓐᓇᖅᑕᖓᓄᑦ ᐃᓱᒪᒋᔭᐅᓚᐅᖅᓯᒪᔪᑦ ᐅᐊᑦᑎᐊᕈᐊᓗᒃ ᐱᔪᒪᓂᖃᑦᑎᐊᖅᑐᓄᑦ ᐊᒻᒪ ᑲᔪᖏᖅᓯᒪᔪᓄᑦ ᓯᕗᓕᖅᑎᓄᑦ ᓲᕐᓗ ᑕᒑᖅ ᑰᓕ ᐊᒻᒪ ᔮᓐ ᐊᒪᕈᐊᓕᒃ. ᑭᓯᐊᓂᓕ ᐆᒻᒪᑎᖏᑦ ᐊᒻᒪ ᑕᕐᓂᖏᑦ ᓄᓇᕗᑦ ᑕᑯᓐᓇᖅᑕᖓ ᐃᓱᒪᒋᔭᐅᓚᐅᖅᓯᒪᔪᑦ ᐅᐊᑦᑎᐊᕈᐊᓗᒃ ᑕᐃᒪᐃᑉᐸᓪᓕᐊᓕᖅᑐᖅ ᐊᔾᔨᖏᑎᑐᑦ ᓯᓚᑖᓂ ᒐᕙᒪᐃᑦ ᐃᓗᐊᓃᑦᑐᑎᑐᑦ.

ᐅᖓᓯᓗᐊᖏᑦᑐᒥᑦ, ᑲᔪᖏᖅᑕᐅᓯᒪᔪᑦ ᐊᒻᒪ ᑐᕌᒐᖏᑦ ᐅᖃᐅᓯᕐᒧᑦ ᐊᒻᒪ ᐱᖅᑯᓯᓄᑦ ᓴᐳᒻᒥᔭᐅᓂᖏᓐᓄᑦ ᑕᑯᔅᓴᐅᑎᑕᐅᔪᑦ ᐱᕈᕐᕕᒃᒥ, ᐊᖏᕋᒥ ᓴᓇᔭᐅᓯᒪᔪᖅ ᐃᓄᓐᓄᑦ ᐃᓕᓐᓂᐊᕐᕕᒃ, ᕿᑎᓪᓗᐊᑕᕆᔭᖓ ᐊᑕᖐᔪᓂᑦ ᐃᓄᐃᑦ ᐅᖃᐅᓯᖓᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖅ ᑕᒪᒃᑭᓐᓄᑦᐃᓕᓐᓂᐊᖅᑎᓄᑦ ᐅᖃᐅᓯᕐᒥ ᐃᓕᓴᐃᔨᓄᑦ.

ᓖᓇ ᐃᕕᒃ ᐱᒋᐊᖅᑎᓚᐅᖅᑕᖓ ᐱᓕᕆᕕᒃᖅ ᐅᖓᑖᓕᓂᐅᓕᖅᑐᖅ 20 ᐊᕐᕌᒍᐃᑦ. ᒥᐅᕆ ᐊᒻᒪᐅᕙᖓ ᖃᐅᔨᒪᔭᕗᒃ ᐊᑯᓂᐅᓂᖅᓴᖅ. ᓴᓂᓕᕇᑦᑐᑎ ᐃᔅᓯᕚᖅᑐᑦ ᓯᕗᕌᓂ ᐊᖏᔪᒥᑦ ᑭᑉᐹᕆᑦᑐᑯᑖᓂ ᓵᒥᑦ ᐃᓚᒋᔭᐅᓪᓗᑎ ᐊᒥᓱᓄᑦ ᐊᓯᖏᓐᓄᑦ ᐊᕐᓇᓄᑦ, ᐊᑐᓂ ᐊᒪᐅᓯᔭᖅᑐᐃᓐᓇᐃᑦ, ᐊᕐᓇᓄᑦ ᖁᓕᑦᐅᔭᐃᑦ ᐊᖏᔫᓪᓗᓂ ᓇᓴᖓ ᑐᓄᐊᓃᑦᑐᖅ ᓂᕕᖓᓪᓗᓂ ᓴᐳᒻᒥᓗᒍ ᐊᒻᒪ ᐊᒫᕐᓗᒍ ᓱᕈᓯᖅ. ᓖᓇ ᐅᖃᐅᓯᕆᑦᑎᐊᖅᑕᖏᑦ ᐅᐱᒋᓪᓗᓂᒋ ᒪᕐᕉᒃ ᒪᒃᑯᓂᖅᓵᒃ ᐊᕐᓈᒃ, ᐊᒪᐅᑎᓕᐅᕆᐅᕋᑖᓚᐅᖅᑐᑦ. ᑖᒃᑯᐊ ᖃᐅᔨᒪᓂᐅᔪᑦ ᐃᓕᓐᓂᐊᕋᔅᓴᐅᔪᑦ ᐱᓕᕆᐊᒥᑦ ᑕᐃᔭᐅᔪᖅ ᐱᔭᐅᒃᑲᓂᕐᓂᖏᑦ ᐊᑕᖏᖅᑐᒋᑦ ᐊᕐᓇᐃᑦ.

ᓵᒦᑦᑐᑦ ᑕᑯᔅᓴᐅᑎᑕᐅᔪᑦ ᓇᑦᑎᕐᓄᑦ ᐊᒻᒪ ᐊᐃᕕᕐᓄᑦ ᐊᒥᖏᑦ ᑕᑯᔅᓴᐅᑎᑦᑎᓂᖃᖅᑐᑎ ᒥᖅᓱᖅᓯᒪᓂᖏᑦ ᐊᑐᖅᑕᐅᕙᑦᑐᑦ ᒥᖅᓱᓂᕐᒥᑦ ᐃᒻᒪᒍᓐᓇᖏᑦᑐᓂᑦ ᐊᓐᓄᕌᓂᑦ, ᖃᐅᔨᒪᓂᐅᔪᖅ ᐱᑕᖃᕆᐊᖃᖅᑐᖅ ᐆᒪᓂᕐᒧᑦ ᐱᒡᒐᓇᖅᑐᒥ ᓯᓚᖓᓂ ᓲᕐᓗ ᐃᓪᓗᕕᒐᓕᐅᖅᑐᑎᑐᑦ ᑕᑯᕕᔅᓴᐅᖏᑦᑐᒥ ᐱᖅᓯᖅᑐᒥᑦ.

ᐊᒻᒪᓗᑦᑕᐅᖑᒻᒥᔪᖅ ᕌᐳᑦ ᕼᐊᓐᓴᓐ, ᒪᒃᑯᑦᑐᖅ ᐊᖑᑦ ᐃᔅᓯᕚᖅᑐᖅ ᐅᖓᑖᓂ ᒥᑭᔪᒥ ᖁᓪᓕᖅ. ᕼᐊᓐᓴᓐ ᐃᓕᓐᓂᕋᔅᓴᓃᖃᑕᐅᔪᖅ ᐃᓚᒋᓪᓗᓂᐅᒃ ᐱᔭᐅᒃᑲᓂᕐᓂᖏᓐᓄᑦ ᐊᑕᖐᔪᒥᑦ ᐊᖑᑎᒥᑦ, ᐊᒻᒪ ᐅᐸᖃᑕᐅᓯᒪᓂᖓ ᓇᓗᓇᐃᖅᓯᔪᖅ ᑖᔅᓱᒥᖓ, ᐃᓅᓪᓗᓂ ᐊᖑᓇᓱᑦᑎ, ᒥᕐᓱᓂᕐᒧᑦ ᖃᐅᔨᒪᓂᖃᑦᑎᐊᖅᑐᖅ ᐊᒻᒪ ᐃᑭᑦᑎᔪᓐᓇᓂᕐᒧᑦ ᐊᒻᒪ ᑲᒪᒋᔭᖃᕈᓐᓇᓂᕐᒧᑦ ᖁᓪᓕᕐᒥᑦ ᐊᔾᔨᒌᖏᓐᓂᖃᖅᑎᑦᑎᔪᓐᓇᖅᑐᑦ ᐃᓅᓂᕐᒥᑦ ᐊᒻᒪ ᐃᓅᒍᓐᓃᓂᕐᒥᑦ. ᑭᓯᐊᓂ ᐊᖏᕋᒥ, ᐊᕐᓇᐅᓚᐅᖅᑐᑦ ᑲᒪᒋᔭᕆᐊᖃᖅᑕᖓ ᐃᑯᐊᓚᔪᖅ ᐃᑯᒪᑏᓐᓇᕐᓗᒍ.

ᓖᓇ ᐃᓪᓚᑎᑦᑎᔪᖅ ᐱᑕᖃᕆᐊᖃᕐᓂᖏᓐᓄᑦ ᐊᒻᒪ ᐱᑕᖃᕆᐊᖃᖅᑐᓄᑦ ᕿᓚᒥᐅᔾᔪᑎᓂᑦ, ᑎᒃᑯᐊᖅᑐᓂᐅᒃ ᐃᒪᒃᑭᐅᓗᐊᕈᓐᓇᖏᑦᑐᖅ ᐃᒪᖃᑉᕈᖓ ᖁᓪᓕᖅ ᐃᒪᖃᖅᑐᓂ ᓂᕿᓕᐅᕈᑎᓄᑦ ᐅᖅᓱᖓᓂ ᐅᓪᓗᒥ ᑕᑯᔅᓴᐅᑎᑦᑎᓂᖓᓄᑦ. ᐲᓚᐅᖅᑐᓂᐅᒃ ᓴᐳᑏᑦ ᐃᑦᑕᒍᓐᓇᖏᑦᑐᖓᓂ ᐴᖓᓂ ᐊᒻᒪ ᒪᓂᕈᖅᑎᑦᑐᓂᐅᒃ, ᖁᖓᖅᑦᑐᓂ ᑲᓱᒻᒧᑦ ᐃᑭᑦᑎᒐᒥ ᐸᑎᐅᔭᖅᑎᑐᑦ ᖃᐅᒪᓂᖃᖅᑐᓂ ᐃᑯᐊᓚᔪᖅ.

The Governor General visited the Pirurvik Centre where she met with students, former students and staff members, including founder Leena Evic. The centre offers an array of training programs that transmit Inuit knowledge and bolster Inuit identity. (Photo: Sgt Anis Assari, Rideau Hall, OSGG-BSGG)

The Governor General learns about ongoing efforts to reclaim and disseminate qajaq-building knowledge throughout Nunavut. (Photo: Sgt Anis Assari, Rideau Hall, OSGG-BSGG)

ᑲᒪᒋᔭᖃᖅᑐᓂ ᐃᑯᐊᓚᔪᒥ ᑕᑯᓐᓇᑦᑎᐊᕆᐊᖃᖅᑐᑦ. ᓂᐱᑭᑦᑐᒥ ᐃᓄᑦᑎᑑᖅᑐᓂ ᓖᓇ ᐅᖃᐅᔾᔨᒋᐊᖅᑐᖅ ᑲᑎᑦᑎᓂᖓᓂ ᐊᒻᒪ ᐊᕿᓕᓴᖅᑐᓂᐅᒃ ᐸᓂᖅᑐᑦ ᓴᐳᑎᑦ ᐊᒻᒪ ᐃᔾᔪᐃᑦ, ᐋᖅᑭᑦᑐᓂᒋᑦ ᑭᓪᓗᖓᓄ ᐃᒪᖃᕐᕕᖓᓄ ᑲᑎᑦᑎᑦᑐᓂᒋᑦ ᑖᓂᓯᖅᑐᓂ ᐃᑯᐊᓚᔪᓂᑦ. ᓇᓗᓇᐃᖅᓯᔪᖅ ᑖᒃᑯᐊ, ᒪᓕᑦᑐᒋᑦ ᐃᓄᐃᑦ ᐅᓂᒃᑳᖅᑐᐊᖏᓐᓄᑦ, ᑐᑭᓕᐊᓂᖅᓴᐃᑦ ᐊᒻᒪ ᐃᑯᐊᓚᓂᖅᓴᐃᑦ, ᐊᕐᓇᖅ ᓴᐃᓕᓂᖅᓴᐅᔪᖅ ᐃᒻᒥᓄᑦ. ᓇᓗᓇᖏᑦᑐᖅ ᑭᒃᑯᓕᒫᓄᑦ ᐅᕙᓂ ᐃᓪᓗᕈᓯᕐᒥ ᓖᓇ ᓴᐃᓕᑦᑎᐊᖅᑐᖅ.

ᐃᑲᕋᒐᓚᐃᑦ ᖄᖏᖅᑎᓪᓗᒋᑦ, ᑲᑎᒃᑲᓂᖅᑕᕗᑦ ᕌᐳᑦ ᕼᐊᒻᓴᓐ,ᒫᓐᓇ ᐃᓪᓘᑉ ᓴᓇᕕᖓᓂ ᖃᔭᒃᑯᑦ ᑎᒥᖓᑦ, ᒪᒃᑯᑦᑐᑦ ᐊᖑᑏᑦ ᐆᒻᒪᑎᑦᑎᑲᓐᓂᖅᑐᑦ ᖃᔭᓕᐅᓂᕐᒥᑦ. ᓴᐅᓂᖏᑦ ᐅᐊᑦᑎᐊᕈᕐᓂᓴᐃᑦ ᓂᒋᖓᓂ ᕿᑭᖅᑖᓗᒃ ᕿᓰᑦ ᐃᓕᔭᐅᔪᑦ − ᑭᓪᓕᖏᑦ ᐊᒻᒪ ᓴᐅᓂᖏᑦ ᐊᒡᒐᓄᑦ ᓴᓇᔭᐅᓯᒪᔪᑦ ᐊᒻᒪ ᕿᓚᔅᓯᒪᓪᓗᑎ ᐅᑭᐅᑎᓂᑦ ᖃᔭᕐᒥᑦ ᓴᓐᖏᔫᑎᑦᑎᔪᖅ ᐊᒻᒪ ᖃᓄᑐᐃᓐᓈᕈᓐᓇᖅᑐᓂ. ᐊᔪᖏᓐᓂᐅᔪᑦ ᐊᒻᒪ ᖃᐅᔨᒪᓂᐅᔪᑦ ᑕᑯᔅᓴᐅᑎᑕᐅᔪᑦ ᑐᓂᔭᐅᖃᑦᑕᖅᓯᒪᔪᑦ ᑭᖑᕚᓄᑦ.

ᓲᕐᓗ ᓖᓇᑎᑐᑦ ᓂᕿᓕᐅᕈᑎᓄᑦ ᐅᖅᓱᖓᓂ ᐊᒻᒪ ᑲᓱᒻᒧᑦ, ᕌᐳᑦ ᑕᑯᔅᓴᐅᑎᑦᑎᔪᖅ ᒥᑭᔪᓂᑦ ᐊᑲᐅᔪᓂᑦ ᕿᓚᒥᐅᔾᔪᑎᓂᑦ ᐊᑐᖔᖅᑐᓂᒋᑦ ᓴᓂᐊᓂ ᐱᖅᑯᓯᓄᑦ ᖃᐅᔨᒪᔭᐅᔪᓂᑦ. ᐅᓪᓗᒥ, ᐊᑐᖅᑐᖅ ᑲᑉᐳᔭᖅᑐᓂ ᓴᓇᕐᕈᑎᓂᑦ ᐳᑑᕆᓪᓗᓂ ᕿᔪᒥᑦ (ᑯᓯᑐᖃᖅᑎᑦᑎᒍᓪᓕ, ᓴᐅᓂᖏᑦ ᕿᓇᓗᒐᕐᓄᑦ ᓴᐅᓂᕆᔪᓐᓇᖅᑕᖏᑦ ᐅᕝᕙᓘᓐᓃᑦ ᐃᒪᒃᑰᖅᑐᒥᓂᕐᓂᑦ ᕿᔪᓐᓂᑦ) ᐊᒻᒪ ᐅᔭᕋᑦᑎᐊᖅᑐᓂᒋᑦ ᕿᔪᐃᑦ ᐊᒻᒪᓗᑭᑖᑦ ᓴᓇᔭᐅᓯᒪᔪᒧᑦ ᑎᓯᔪᒧᑦ ᕿᔪᒻᒧᑦ ᐱᖓᓱᓂᑦ ᓴᓂᕋᓕᒃ ᐊᑦᑕᓇᐃᖅᓯᔾᔪᑎᒋᔭᖓ ᖁᓛᓄᑦ ᑭᓪᓕᖏᓐᓄᑦ, ᐃᖅᑯᐊ ᐊᒻᒪ ᓯᕗᖓ.

ᖁᓛᓂᓕ, ᐃᓄᐃᑦ ᐃᓄᐃᑦ ᑕᑯᔭᒐᖃᕐᕕᖓ ᑲᑎᒪᔩᑦ ᓇᓗᓇᐃᔭᐃᔪᑦ ᐱᔭᐅᔪᒪᔪᓂᑦ ᐸᕐᓇᐅᑎᓂᑦ ᓄᓇᕗᒻᒥ ᐃᓄᐃᑦ ᑕᑯᔭᒐᖃᕐᕕᖓᓄᑦ, ᐱᖅᑯᓯᓄᑦ ᐊᒻᒪ ᐱᖅᑯᓯᑐᖃᕐᓄᑦ ᐃᓪᓗᖅ ᐃᓚᒋᓂᐊᖅᑕᖓ ᑕᑯᔭᒐᖃᕐᕕᒃ, ᐃᓚᖏᑦ ᑐᖅᑯᖅᑕᐅᓯᒪᔪᑦ ᐊᒻᒪ ᐱᖅᑯᓯᓕᒫᓄᑦ ᑕᑯᔅᓴᐅᑎᑕᐅᔪᑦ. ᐃᓪᓗᖅ ᓴᓇᓯᒪᓂᖃᖅᑐᖅ ᑕᑯᔅᓴᐅᓂᖃᕐᓗᓂ ᐊᓄᕆᒧᑦ ᐋᖅᑭᑦᑕᐅᓯᒪᔪᑦ ᐊᐳᑏᑦ ᒪᓕᓐᓂᖃᓂᐊᖅᑐᖅ ᓂᒋᖓᓄᑦ ᓵᓐᖓᓂ ᖃᖅᑲᐅᓂᖓᓃᑦᑐᖅ. ᐊᑯᓂᐅᓂᐊᖅᑐᖅ ᐊᒻᒪ ᑮᓇᐅᔭᑐᕐᓗᓂ ᐱᔭᕇᖅᑲᑕᐅᓗᓂ ᑖᓐᓇ ᐱᓕᕆᐊᖅ, ᑭᓯᐊᓂ ᐃᖅᑲᓇᐃᔮᖑᔪᑦ ᓄᐊᑦᑎᓂᕐᒧᑦ, ᖃᐅᔨᓴᓂᕐᒧᑦ ᐊᒻᒪ ᑎᑎᕋᖅᑕᐅᓂᖏᓐᓄᑦ ᐊᕕᑦᑐᖅᓯᒪᔪᒧᑦ ᐱᖅᑯᓯᑐᖃᖓ ᐱᒋᐊᖅᓯᒪᓕᖅᑐᖅ.

ᐊᓯᒃᑲᓐᓂᖓ ᐊᖏᔪᖅ ᐊᒻᒪ ᐱᔪᒪᔭᐅᓯᒪᒻᒪᕆᑦᑐᖅ ᐱᒋᐱᐊᕐᓂᐊᓕᖅᑐᖅ ᓄᓇᐃᑦ ᐊᑎᖏᓐᓄᑦ ᐱᓕᕆᐊᖅ. ᑕᑯᓗᒍ ᓄᓇᖑᐊᖅ ᐊᒻᒪ ᐃᓱᒪᒋᓗᒍᒍ ᓄᓇᕗᑦ ᐅᖓᑖᓃᑦᑐᑦ 100,000 ᑭᓚᒦᑕᐃᑦ ᐃᒪᐅᑉ ᑭᓪᓕᖏᑦ — ᓇᑉᐸᐸᓗᖓ ᑲᓇᑕ ᐊᑕᖏᖅᑐᒍ. ᐊᒻᒪ ᐃᓱᒪᒋᔭᐃᓐᓇᕆᓕᕐᓗᒋᑦ ᐃᒪᐃᑦ ᐊᒻᒪ ᑲᖏᖅᑐᐃᑦ ᐃᒪᐅᑉ ᑭᓪᓕᖓᓂ. ᕿᓰᑦ ᖃᔭᐃᑦ ᐊᒻᒪ ᖃᒧᑏᒃ ᐃᖏᕋᖃᑦᑕᖅᓯᒪᔪᑦ ᑕᒪᐅᓇ ᐃᒪᖓᒍᑦ, ᓄᓇᖓᒍᑦ ᐊᒻᒪ ᓯᑯᖓᒍᑦ ᑕᐅᓴᖏᓐᓅᑦᑐᓄᑦ ᐊᕐᕌᒍᓄᑦ, ᐊᒻᒪ ᐃᓄᖏᑦ ᑕᒫᓂ ᓄᓇᖓᓂ ᐊᑦᑏᖃᑦᑕᖅᓯᒪᔪᑦ ᓄᓇᓂᑦ ᐅᐸᑦᑕᓕᒫᖏᓐᓂ. ᓄᓇᕗᒻᒥ ᐃᓄᐃᑦ ᐱᖁᑎᖏᓐᓂ ᓇᐅᔅᓯᑐᖅᑏᑦ ᐃᖅᑲᓇᐃᔭᕐᓂᖃᖅᑐᑦ ᐅᑎᖅᑎᑦᑎᓗᑎ ᑕᔭᓐ ᑕᐅᓴᖏᓐᓃᑦᑐᓂᑦ ᐱᖅᑯᓯᓄᑦ ᐊᑎᖏᓐᓂ ᓄᓇᕗᑦ ᓄᓇᖑᐊᖓᓄᑦ. ᓄᓇᖑᐊᓕᐅᖅᑎᒧᑦ ᓯᓐᓇᑦᑐᐊᖓ ᐅᕝᕙᓘᓐᓃᑦ ᓇᓗᓇᓗᐊᖅᑐᖅᕝ?

ᐊᑕᐅᓯᖅ ᑲᑉᐱᐊᓇᖅᑐᖅ ᐊᓯᔾᔨᖅᑐᖅ ᑖᔅᓱᒧᖓ ᓄᓇᕗᒻᒧᑦ ᖁᓕᐊᓗᐊᖅᑐᓂᑦ ᐊᔾᔨᖑᐊᑦᑎᐊᕙᓐᓂᑦ ᐊᔾᔨᓕᐅᓚᐅᖅᑕᕗᑦ ᖁᕕᐊᓱᒍᑎᖃᓂᕐᒧᑦ ᐃᖃᓗᓐᓅᑎᓪᓗᑕ ᐊᒻᒪ ᕿᑭᕿᕐᑕᖅᔪᐊᒧ, ᓄᓇᓕᐅᔪᖅ 600−ᓂ ᐃᓄᓕᒃ ᑲᓇᓐᓇᖓᓂ ᕿᑭᖅᑖᓗᒃ.

ᕿᑭᕐᑕᖅᔪᐊᕐᒨᓚᐅᖅᑐᒍᑦ ᐃᐳᕈ 3, 2024. ᐅᓪᓗᑦᑎᐊᕙᐅᓚᐅᖅᑐᖅ ᓯᓚᓪᓗᓂ. ᓯᕿᓐᓂᖅᑐᓂ, ᐆᓇᕈᔪᑦᑐᓂ. ᓅᒍᓐᓇᖏᑦᑐᖅ ᐃᒪᕐᒥ, ᐊᖏᔪᖅ ᐱᖃᓗᔭᖅ ᓅᒍᓐᓇᖏᑦᑐᖅ ᐊᐅᔅᓯᖅᑐᓂ. 72−ᓂ ᐊᕐᕌᒍᓕᒃ ᐊᖑᓇᓱᑦᑎ ᐊᒻᒪ ᐊᒻᒪ ᑲᓇᑕᒥ ᐅᓇᓕᔅᓴᐅᖃᑕᐅᔪᖅ ᓯᑎᕕ ᐊᐅᓚᕿᐊᖅ ᓇᓗᓇᐃᔭᖅᑕᖓ ᖃᓄᐃᓕᖓᓂᖓ: “ᑕᒪᓐᓇ ᔫᓂ ᓯᓚᖓ. ᖃᐅᔨᒪᒍᓐᓃᖅᑐᒍᑦ ᖃᓄᐃᓘᓕᕐᒪᖔᖅ ᐊᒻᒪ ᑐᓐᖓᕕᒋᔪᓐᓃᖅᑕᕗᑦ ᐅᕙᒍᑦ ᐱᖅᑯᓯᓄᑦ ᖃᐅᔨᒪᔭᕗᑦ ᐊᐅᓪᓚᕐᕕᒋᓪᓗᒍ ᓯᑯᒃᑯᑦ.” ᐅᕙᖓ ᐃᖅᑲᐅᒪᑦᑎᐊᓛᕆᔭᖏᓐᓂ ᐊᕐᕌᒍᖏᓐᓂ ᐱᒋᐊᓕᕋᑖᖅᑐᓂ ᐅᑭᐅᑕᖅᑐᒨᕋᒪ ᐊᒥᓲᓗᐊᖏᑦᑐᑦ ᖁᓕᒡᒍᑕᐃᑦ ᐊᕐᕌᒍᐃᑦ 1960−ᖏᓐᓂ ᐃᐳᕈᒥ ᐆᓇᕐᓂᖏᑦ ᐅᖓᑖᓅᕈᓐᓇᓚᐅᖏᑦᑐᑦ ᓂᓪᓚᓱᓐᓂᖓ 20−ᖏᓐᓂ ᐊᒻᒪ 30−ᖏᓐᓂ.

ᐅᕙᓐᓄᑦ, ᑖᒃᑯᐊ ᐊᔾᔨᓐᖑᐊᑦ ᑕᐅᓴᖏᓐᓃᑦᑐᓂ ᐊᑲᐅᖏᓕᐅᕈᑎᖃᖅᑐᑦ ᐅᖃᐅᓯᕐᓂᑦ. ᐊᒥᓲᓪᓗᑕ ᐅᕕᓂᕈᖅᓯᒪᔪᒍᑦ ᐅᕝᕙᓘᓐᓃᑦ ᖃᓕᐹᕐᒥᑦ, ᐃᒻᒪᖃ ᐅᐊᔅᓯᑯᐊᒥᑦ. ᐊᒡᒑᓐᓂᑦ ᐅᕝᕙᓘᓐᓃᑦ ᓇᓴᕐᓂᑦ ᑕᑯᔅᓴᐅᔪᖅᑕᖃᖏᑦᑐᖅ. ᑖᒃᑯᓇᓂ ᐊᔾᔨᓐᖑᐊᑐᖃᕐᓂᖅ, ᐊᓂᖅᓵᑐᖅᑕᕗᑦ ᐳᔪᖏᑦ ᐅᕙᒍᑦ ᑮᓇᖓᓃᒃᑲᔭᖅᑐᑦ ᑕᕐᕆᓯᑎᑦᑎᒪᓗᑎ ᐅᕙᒍᑦ ᖁᖓᑦᑕᖏᓐᓂ. ᐃᓕᓐᓂᐊᖅᑎᑕᐅᓯᒪᔪᑦ ᖁᖓᓪᓗᑎ, ᐅᑯᓇᓂ ᓯᕿᓐᓂᖅᑐᒥ 2024 ᐊᔾᔨᓐᖑᐊᓂᑦ ᐱᑕᖃᑦᑎᐊᖏᑦᑐᖅ ᐅᖅᑰᔪᒥ ᓂᒋᖓᓂ ᐊᓄᕋᔮᖅᑐᒥᑦ ᖁᖓᔾᔪᑎᒋᓪᓗᒋᑦ. ᓈᒻᒪᑦᑐᖅ ᐅᖃᐅᓯᕆᓗᒍ ᐊᒥᓱᒐᒪᐃᑦ ᓄᓇᐃᑦ ᐊᑐᖅᑕᐅᓂᖏᑦ ᓯᓚᖓᓄ ᐊᓯᔾᔨᕐᓂᖓᓄᑦ ᑕᑯᔅᓴᐅᓂᖅᓴᐅᔪᑦ ᐊᒻᒪ ᓂᕆᐅᓇᖏᓂᖅᓴᐅᓪᓗᑎ ᓴᓂᐊᓂ ᐅᑭᐅᑕᖅᑐᒥ. ᓯᓚᖓ ᐊᓯᔾᔨᕐᓂᖓ ᐃᓚᒋᔭᐅᓕᖅᑐᖅ ᐃᓄᓐᓄᑦ ᐅᔾᔨᕆᔭᐅᓪᓗᓂ ᐊᒻᒪ ᐅᖃᐅᓯᐅᓪᓗᓂ ᓄᓇᕗᓕᒫᒥᑦ.

"To me, these photos are worth a thousand troubling words. Many of us are in shirts or sweaters, perhaps a vest. There are no gloves or hats to be seen. In old photos, our frozen breath would have been clouding out the smiling faces." — Whit Fraser. (Photo: Sgt Anis Assari, Rideau Hall, OSGG-BSGG)

ᐱᖓᓐᓇᖔᖓᓂ ᐃᖃᓗᐃᑦ ᖃᖓᑕᓲᒃᑯᕕᒃ, ᖁᕝᕙᓯᓐᓂᖃᖅᑐᖅ ᑕᕐᕆᑎᑦᑎᓪᓗᑎ ᐅᐊᑦᑎᐊᕈᕐᓂᓴᕐᓄᑦ ᐱᖅᑯᓯᑐᖃᕐᓄᑦ ᓇᔪᖅᑕᐅᓯᒪᔪᖅ ᖃᒻᒪᒥᓂᖅᑕᖃᖅᑐᓂ ᐱᕈᖅᑐᖃᖅᑐᓂ ᖄᖓᒍᑦ ᖃᓂᒋᔭᖓᓂ ᑲᑕᓐᓂᓕᒃ. ᐃᖃᓗᐃᑦ ᑲᑎᖃᑦᑕᖅᑐᑦ ᑕᐃᑲᓂ, ᐅᑕᖅᑭᓪᓗᑎ ᐃᓚᒋᔭᖓ ᓯᓚᕐᔪᐊᒥ ᐅᓕᓐᓂᖓ ᖁᕝᕙᓯᓛᖑᖃᑕᐅᔪᖅ ᑲᑕᓐᓂᓕᒃᑰᖅᑐᑎ ᐊᒻᒪ ᑰᖓᓅᖅᑐᑎ ᓱᕙᐃᔭᖅᑐᑎ. ᐅᓪᓗᒥ, ᓄᓇᕗᒻᒥ ᒥᕐᖑᐃᓯᕐᕕᐅᓕᖅᑐᖅ ᐊᒥᓱᒐᓚᐃᑦ ᒪᒃᑯᑦᑐᐃᑦ ᐊᖑᑏᑦ ᐊᒻᒪ ᐊᕐᓇᐃᑦ 20−ᖏᓐᓃᑦᑐᑦ ᐊᕐᕌᒍᖏᑦ ᑲᑎᓐᓂᖃᖅᑐᑦ ᑲᑎᕝᕕᐅᖃᑦᑕᖅᑐᒥᑦ. ᐅᑯᐊᖑᔪᑦ ᓄᓇᕗᒻᒥ ᓯᓚᖓᓄ ᐊᓯᔾᔨᕐᓂᖓᓄᑦ ᒪᒃᑯᑦᑐᑦ ᐅᖃᐅᔨᒋᐊᖅᑏᑦ ᑲᑎᒪᔨᕋᓛᑦ, ᐅᖃᐅᔾᔨᒋᐊᖅᑎᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ. ᑕᑯᖃᑦᑕᖅᑐᖅ ᐊᔅᓱᕈᕈᑕᐅᔪᓂᑦ ᐊᒻᒪ ᐊᓯᔾᔨᖅᑐᓂ ᓯᓚᕐᔪᐊᖅ ᐅᖅᑰᓯᕙᓪᓕᐊᓂᖓᓄᑦ ᖃᐅᑕᒫᐸᓗᒃ. ᐃᓚᖏᑦ ᓇᓗᓇᐃᕋᔅᓴᐅᔪᑦ ᓯᑯᖓ ᒥᔅᓴᐅᓴᒐᔅᓴᐅᒍᓐᓃᖅᑐᖅ. ᐊᓯᖏᓐᓂᑦ ᐃᓱᒫᓘᑎᑕᖃᕐᒥᔪᖅ ᑭᐅᔭᐅᓯᒪᖏᑦᑐᓂᑦ ᖃᓄᐃᓕᖓᓂᖏᓐᓄᑦ ᐊᒻᒪ ᐊᑯᓂᐅᔪᒧᑦ ᐊᑦᑐᖅᑕᐅᔪᑦ ᐃᖃᓗᓐᓄᑦ ᐊᒻᒪ ᐆᒪᔪᓄᑦ ᓂᕿᓪᓗᐊᑕᕆᔭᐅᖏᓐᓇᖅᑐᑦ ᐊᒥᓱᓄᑦ.

ᑕᑯᔪᖓ ᓯᓚᖓᓂ ᓱᓕᔫᔮᖏᑦᑐᖅ ᓱᓕᓪᓗᓂ. ᑖᒃᑯᐊ ᐅᑭᐅᑕᖅᑐᒥᐅᑕᐃᑦ ᐃᓄᖏᑦ ᐊᒥᓲᓂᕆᔭᖏᑦ 0.1 ᐳᓴᓐᑎ ᑲᓇᑕᐅᑉ ᐊᒥᓲᓂᖏᓐᓄ ᐃᓄᒋᐊᓐᓂᖏᓐᓄᑦ. ᕿᒪᐃᕙᖏᑦᑐᑦ ᑳᐸᓐᓂᑦ ᓴᓂᐊᓂ ᐊᖑᓇᓱᑦᑎᐅᑉ ᖃᔭᖓᓂ ᐃᒪᒃᑰᑎᓪᓗᒍ. ᐊᒻᒪ ᑕᐃᒪᐃᒃᑲᓗᐊᖅᑎᓪᓗᒍ ᐊᑐᕐᓂᖃᖅᑐᑦ ᐃᓚᖏᓐᓂ ᓯᕗᓪᓕᖅᐹᖏᓐᓂ, ᐊᒻᒪ ᐃᒻᒪᖃ ᐊᖏᓛᖑᔪᒥᑦ, ᖃᓄᐃᓐᓂᕆᔭᖏᓐᓂ ᓯᓚᖓᓄ ᐊᓯᔾᔨᕐᓂᖓᓄᑦ.

ᑕᐃᒪᐃᒃᑲᓂᕐᓂᖓᓄᑦ, ᑕᐃᒪᐃᔅᓯᒪᔪᑦ ᐊᑯᓂᐊᓗᒃ, ᓵᓐᖓᑦᑎᔪᑦ ᓯᓚᑖᓃᖔᖅᑐᓂ ᐊᔅᓱᕈᕈᑕᐅᔪᓂᑦ. ᐱᔪᓂᖃᖅᑐᑦ ᓇᓂᓯᓗᑎ ᐋᖅᑭᒍᑎᓂᑦ ᐊᒻᒪ ᐊᑐᐃᓐᓇᐅᔪᑦ, ᓱᓕᒃᑲᓐᓂᖅ, ᐊᑭᕋᑐᕐᓗᒋᑦ ᐊᖏᔪᑦ ᒐᕙᒪᐃᑦ ᐊᒻᒪ ᐊᖏᔪᑦ ᐱᓕᕆᓂᖃᖃᑦᑕᖅᑐᑦ ᓴᐳᒻᒥᑦᑎᓗᑎ ᐱᖅᑯᓯᖏᓐᓂ ᐊᒻᒪ ᐊᕙᑎᖓᓂ. ᑕᑯᓯᒪᕗᖔ ᐊᑕᖐᔪᒥ ᐊᒻᒪᓗᑭᑕᐅᓕᔪᒥᑦ, ᐅᕝᕙᓘᓐᓃᑦ ᑖᓐᓇ ᑲᔪᓰᓐᓇᕐᓂᖃᖅᑲ?

ᕗᐃᑦ ᕗᕋᐃᓱ ᑎᑎᕋᖅᓯᒪᔪᖅ ᒪᕐᕉᓐᓂ ᐅᖃᓕᒫᒑᕐᓂ ᐱᔾᔪᑎᖃᖅᑐᓂ ᑲᓇᑕᐅᑉ ᐅᑭᐅᑕᖅᑐᖓᓂ: ᑎᑎᕋᖅᓯᒪᔪᑦ ᐃᖅᑲᐅᒪᔭᐅᔪᑦ ᐅᑭᐅᑕᖅᑐᓪᓚᕆᒃ ᓴᖅᑭᐸᓪᓕᐊᓂᖓ ᐊᒻᒪ ᐱᓪᓚᕿᐅᖏᑦᑐᑦ ᑎᑎᕋᖅᓯᒪᔭᖏᑦ ᓂᓪᓕᓇᖅᑐᖅ ᑭᓪᓕᖓ ᕿᓚᒥ.

Help us tell Canada’s story

You can support Canadian Geographic in 3 ways:

Donate Subscribe Shop

Nunavut Inuit

Throwback Thursday: Nunavut up and running

On April 1, 1999, Canada’s youngest population took control of its largest territory. Here’s how Canadian Geographic covered the story.

2880 words
12 minutes

People & Culture

With old traditions and new tech, young Inuit chart their changing landscape

For generations, hunting, and the deep connection to the land it creates, has been a mainstay of Inuit culture. As the coastline changes rapidly—reshaping the marine landscape and jeopardizing the hunt—Inuit youth are charting ways to preserve the hunt, and their identity.

5346 words
22 minutes

Natan Obed, president of Inuit Tapiriit Kanatami

People & Culture

The Inuit future

Natan Obed, president of Inuit Tapiriit Kanatami, on the idea of a Inuit-Crown relationship, Canada’s Inuit homelands and the role of Inuit in the world

1597 words
7 minutes

a collage of images of Nunavut, including an Inuit child, Aaju Peter, a polar bear, the community of Pond Inlet, Lamech Kadloo, the community of Kugluktuk, ice

People & Culture

Our land, our strength

Reflecting on 20 years of Canada’s newest territory, Nunavut

2009 words
9 minutes

ᐊᒻᒪᓗᑭᑖᖓ ᐊᓯᔾᔨᖅᑐᑦ

Related Content

Throwback Thursday: Nunavut up and running

With old traditions and new tech, young Inuit chart their changing landscape

The Inuit future

Our land, our strength