ᓴᐃᕗᐊ ᐅᖃᐅᓯᖃᖅᑐᖅ ᓇᓗᓇᖏᑦᑐᒥ ᖁᕕᐊᒋᓪᓗᓂᐅ ᓇᒦᓐᓂᖓ ᐱᓕᕆᐊᕆᖃᑦᑕᖅᑕᖏᑦ ᐊᐅᔭᒃᑯᑦ ᐃᖅᑲᓇᐃᔭᕐᕕᖓᓂ ᖃᐅᔨᓴᖅᑐᓂ ᐃᒪᕐᒥ ᐱᕈᖅᑐᓂᑦ, ᖃᐅᔨᒪᔭᐅᔪᑦ ᕿᖅᑯᐊᑦ ᐊᒻᒪ ᑯᐊᓐᓃᑦ, ᑲᓇᑕᒥ ᑕᑯᔭᒐᖃᕐᕕᒻᒧᑦ ᓄᓇᒥ ᐊᒻᒪ ᐅᑭᐅᑲᖅᑐᒥ ᖃᐅᔨᒪᓂᐅᔪᓂᑦ ᑲᓇᑕᒥ. ᓯᕗᓪᓕᖅᐹᖑᖃᑕᐅᔪᖅ ᖃᐅᔨᓴᓂᕐᒧᕿᖅᑯᐊᓂ ᑕᒫ ᐅᑭᐅᑕᖅᑐᒥ ᐃᒪᖓᓂ. ᐃᓚᖓᒍᑦ, ᐃᖅᑲᓇᐃᔮᖓ ᑐᕌᓂᖃᖅᑐᖅ ᓴᖅᑭᑎᑦᑎᓂᕐᒥᑦ ᑐᓐᖓᕕᖏᓐᓄᑦ ᖃᐅᔨᓴᓂᒥᑦ ᑖᒃᑯᓂᖓ ᕿᖅᑯᐊᓂᑦ ᑐᑭᓯᑦᑎᐊᓂᖅᓴᕆᓗᒋᑦ ᐊᑦᑐᖅᑕᐅᔪᑦ ᓯᓚᖓᓄ ᐊᓯᔾᔨᕐᓂᖓᓄᑦ ᑕᒪᑐᒥᖓ ᐱᒻᒪᕆᐅᔪᒥ ᐊᕙᑎᖓᓂ.

ᕿᖅᑯᐊᑦ ᐊᑐᖅᑕᐅᕙᑦᑐᑦ ᑕᒃᑭᓐᓄ ᐃᖃᓗᓐᓄᑦ ᓇᔪᕐᕕᐅᓪᓗᑎ ᐊᒻᒪ ᑳᐸᓐᓄ ᑭᕕᔪᓄᑦ, ᐱᓪᓗᑎ ᐊᒻᒪ ᑐᖅᑯᐃᓪᓗᑎ ᐊᖏᔪᓂᑦ ᐳᔪᕐᓗᓐᓂ ᑳᐸᓐ ᓯᓚᖓᓂ ᐱᕈᖅᐸᓪᓕᐊᑎᓪᓗᒋᑦ. ᑭᓯᐊᓂᓕ ᖃᐅᔨᓴᖅᑏᑦ ᒫᓐᓇᐅᔪᒥᑐᐊᖅ ᐊᑕᖐᔪᓂᑦ ᖃᐅᔨᓴᕐᓂᖃᖅᑐᑦ ᖃᐅᔨᓗᒋᑦ ᓇᒻᒥ ᐅᑭᐅᑕᖅᑐᒥ ᕿᖅᑯᐊᑦ ᐱᕈᕐᒪᖔᑕ ᐊᒻᒪ ᖃᓄᑎᒋ ᕿᖅᑯᐊᖅᑕᖃᕐᒪᖔᖅ.  CHARS−ᑕᖃᖅᑐᓂ ᐊᒥᓱᓂᑦ ᐃᑲᓇᐃᔭᐅᑎᖃᕆᐊᓕᒃ ᑕᕝᕙᓂ ᖃᐅᔨᓴᓂᕐᒥᑦ.

“ᐃᒪᓐᓇᐃᑦᑑᔮᖅᑐᖅ ᐊᖅᑲᐅᒪᕕᑦᑕᖃᖅᑐᓂ ᐅᑭᐅᑕᖅᑐᒥ,” ᐅᖃᖅᑐᖅ ᓴᐃᕗᐃ. ᐊᒻᒪ ᐊᖏᔪᒥᑦ ᐱᒻᒪᕆᐅᔪᖅ ᐱᔾᔪᑎᒋᓪᓗᒍ ᐊᓯᖏᓐᓂ ᐅᑭᐅᑕᖅᑐᒥ, ᖃᐅᔨᓴᖅᑏᑦ ᖃᐅᔨᓴᖅᑏᑦ ᐊᐅᓪᓚᑎᑦᑎᔭᕆᐊᓖᑦ ᐳᓪᓚᖏᓐᓄ ᐊᖅᑲᐅᒪᔪᖅᓯᐅᑎᑦ ᐊᒻᒪ ᐳᓚᓂᑦ ᐅᒥᐊᕐᔪᐊᒃᑯᑦ ᐊᐅᔭᒃᑯᑦ ᐅᑭᐅᑕᖅᑐᒧᑦ ᐊᖅᑲᐅᒪᒋᐊᓚᐅᖅᑎᓐᓇᒋᑦ. ᐱᓕᕆᔨᖃᖅᑐᓂ ᐅᕙᓂ CHARS ᐱᓕᕆᐊᖃᕆᐊᖃᕐᓗᓂ ᐊᐅᓪᓚᑎᑦᑎᓂᕐᒥᑦ ᐊᒻᒪ ᖃᐅᔨᓴᓂᕐᒥᑦ ᓱᓇᒃᑯᑖᓂᑦ ᐊᖏᔪᒥᑦ ᐲᖅᓯᔪᑦ ᐳᓛᕆᐊᖅᓯᒪᔪᓄᑦ ᐊᖅᑲᐅᒪᔨᓄᑦ — ᑕᐃᒪᓕ, ᐊᖅᑲᐅᒪᓂᖅ ᓂᓪᓕᓇᖅᑐᒥ ᐅᑭᐅᑕᖅᑐᒥ ᐃᒪᖏᓐᓂ ᐊᔅᓱᕈᕐᓇᕇᖅᑐᖅ ᐃᖅᑲᓇᐃᔭᖅᑐᓂ.

 ᑯᕆᔅ ᐋᕐᑯ ᐊᖏᔪᖅᑳᖑᓚᐅᖅᑐᖅ ᐊᖅᑲᐅᒪᔨ ᖃᐅᔨᓴᕐᕕᒻᒥ ᐃᑲᔪᓚᐅᖅᑐᖅ ᐊᐅᓚᓪᓗᒍ ᐊᖅᑲᐅᒪᒋᐊᑐᕐᕕᒃ ᒪᑐᐃᕐᓂᖓᓂ 2019 ᑎᑭᑦᑐᒍ ᓄᓐᖑᖏᓐᓄ 2023. ᐊᑯᓂᐅᔪᖅ ᐃᖃᓗᑦᑑᑦᑎᐊᒥᐊᑕᐅᔪᖅ, ᐅᑭᐅᑕᖅᑐᒥ ᐃᒪᖓᓂ ᖁᕕᐊᓱᒍᑎᖃᑐᐃᓐᓇᓂᕐᒧᑦ. ᓇᓗᓇᐃᖅᓯᔪᖅ, ᐱᔾᔪᑎᒋᓪᓗᒍ ᑕᕆᐅᖃᕐᓂᖓᓄᑦ, ᐆᓇᕐᓂᖓ ᐃᒪᖓ ᐊᑖᓅᕌᔾᔪᖃᑦᑕᖅᑐᑦ ᓂᓪᓕᓇᕐᓂᖓ ᐃᒪᐅᖏᓐᓇᕋᓗᐊᖅᑐᓂ. “ᖃᐅᔨᔪᒥᓇᖅᑐᑦ ᖃᓄᐃᓐᓂᓂᖃᖃᑦᑕᖅᑐᖅ ᓂᓪᓕᓇᖅᑐᒦᓕᕋᐃᒻᒪᑦ ᐆᓇᕐᓂᖓ,” ᐅᖃᖅᑐᖅ. “ᐃᒥᖅ ᓂᓪᓕᑎᑦᑎᓇᓱᐊᑐᐃᓐᓇᕈᓐᓃᖅᑐᓂ ᐃᕝᕕᑦ ᑎᒥᖓᓂᑦ; ᐊᓯᔾᔩᓇᓱᐊᖅᑐᖅ ᖃᓄᐃᓕᖓᓂᕆᔭᖓᓂ ᑎᒥᕕᑦ ᐃᒥᐅᓂᖓ ᑎᓯᔪᕈᖅᑎᑕᐅᓇᓱᐊᖅᑐᖅ.”

ᑕᒪᓐᓇ ᑐᑭᖃᖅᑐᖅ ᐊᓯᖏᓐᓂ ᐱᔭᕆᐊᖃᖅᑐᑎ ᐊᖅᑲᐅᒪᔪᖅᓯᐅᑎᑐᐃᓐᓇᐅᖏᑦᑐᓂ ᐊᒻᒪ ᐆᒪᓗᑎᑦ. ᐊᖅᑲᐅᒪᔩᑦ ᐊᑐᖅᑕᖏᓐᓂ ᖁᓕᕇᑎᑦᑎᖃᑦᑕᖅᑐᑦ, ᐊᑐᕋᔪᑦᑐᑎ ᐃᓗᐊᒍᑦ ᔭᐃᑲᒥᑦ ᐊᑖᒍᑦ ᐊᖅᑲᐅᒪᔪᖅᓯᐅᑎᖏᓐᓂ, ᓯᒥᔅᓯᒪᔪᖅ ᖁᖓᓯᒃᑯᑦ ᐊᒻᒪ ᐊᒡᒐᐅᑎᒃᑯᑦ ᐃᒻᒪᑎᑕᐃᓕᒪᓪᓗᒍ. “ᐊᑐᓕᕆᓪᓗᑎ ᓇᓴᓕᒻᒥ ᐊᒻᒪ ᐊᒡᒑᓐᓂᒃ — ᐊᒡᒐᑎᑦ ᐊᒻᒪ ᓂᐊᖁᐃᑦ ᖃᐅᓯᓕᕐᓂᐊᒥᒻᒪᑦ.” ᑭᓯᐊᓂ ᑕᐃᒪᐃᑦᑐᒥ ᓂᓪᓇᖅᑐᒥ, ᖁᓕᕇᑦᑎᑦᑎᒐᓗᐊᖅᑐᓂ ᐊᖅᑲᐅᒪᔩᑦ 45 ᒥᓂᑦᓂ ᐊᖅᑲᐅᒪᖃᑐᐃᓐᓇᕈᓐᓇᖅᑐᑦ ᖃᓄᐃᓘᕆᐊᖃᖅᑕᖏᓐᓂ ᖃᓄᐃᓘᖅᑐᑎ. ᑕᒪᓐᓇ ᐊᔾᔨᒋᓂᐅᓴᖏᑕᖓ ᑭᐅᕆᐱᐊᓐ!

ᐊᒥᓲᓂᖅᓴᐃᑦ ᑖᒃᑯᐊ ᐊᖅᑲᐅᒪᓂᐅᔪᑦ CHARS−ᒥ ᖃᐅᔨᓴᖅᑎᐅᔪᑦ ᑎᑭᖃᑦᑕᖅᑐᑦ ᖃᓪᓗᓈᑦ ᓄᓇᖓᓐᓂ. ᐱᔾᔪᑎᒋᓪᓗᒍ ᐊᔾᔨᐅᖏᑦᑐᓂ ᐊᖅᑲᐅᒪᔾᔪᑎᓂᑦ, ᐊᑭᑐᔪᖅ ᐊᖅᑲᐅᒪᖃᑦᑕᖅᑐᓂ, ᐃᓚᒋᓕᐅᔾᔨᒍᓐᓇᖏᑦᑐᑦ ᐃᓚᒋᔭᐅᖃᑕᐅᓗᑎ ᐃᓚᒋᔭᐅᔪᓂᑦ ᓄᓇᓕᒻᒥ. ᐋᕐᑯᔅ ᐃᖅᑲᓇᐃᔭᖃᑎᖃᖅᓯᒪᔪᖅ ᒪᕐᕉᓐᓂᒃ ᐃᓅᓐᓂ ᐊᖅᑲᐅᒪᔩᓐᓂ CHARS−ᒥ ᑭᓯᐊᓂ ᒫᓐᓇᐅᔪᒥᑦ ᓄᓇᓕᒻᒥᐅᑕᓂᑦ ᐊᖅᑲᐅᒪᔪᖃᖅᐸᖏᑦᑐᖅ ᐃᖃᓗᑦᑑᑦᑎᐊᒥ, ᑭᓯᐊᓂ ᖃᐅᔨᒪᔫᒐᓗᐊᖅ ᐃᓄᓐᓂᑦ ᐊᖅᑲᐅᒪᔨᓂᑦ ᒥᑦᑎᒪᑕᓕᒻᒥ ᐊᒻᒪ ᐸᓐᓂᖅᑑᒥ.

 ᓱᓕ, ᖃᐅᔨᓴᕐᕕᐅᔪᖅ ᐆᒻᒪᑎᑦᑎᑲᓐᓂᖁᔭᖓ, ᐊᒻᒪ ᐱᑕᖃᒻᒪᕆᓪᓗᓂ ᓯᕗᓂᔅᓴᒥ, ᓄᓇᓕᒻᒥ ᐊᖅᑲᐅᒪᓂᐅᔪᑦ. “ᐊᒥᓱᒐᓚᐃᑦ ᓄᓇᓕᒻᒥᐅᑕᐃᑦ ᐊᖅᑲᐅᒪᖃᑦᑕᖅᓯᒪᔪᑦ ᐅᐊᑦᑎᐊᕈ,” ᐅᖃᖅᑐᖅ. ᐊᑖᑕᖓ ᐃᓚᖓ ᐃᖅᑲᓇᐃᔭᖃᑎᖓ, ᐆᑦᑑᑎᒋᓗᒍ, ᐊᖅᑲᐅᒪᖃᑦᑕᓚᐅᖅᑐᖅ ᐊᒥᓱᓂᑦ ᐊᕐᕌᒍᓂᑦ. “ᖃᓄᐃᓘᖃᑦᑕᖅᓯᒪᔪᑦ ᐱᐅᔪᓂᑦ ᓲᕐᓗ ᐃᒋᑕᐅᓯᒪᔪᓂᑦ ᓴᓗᒻᒪᖅᓴᐃᓂᖅ (ᑲᖏᖅᑐᖓᓂ), ᐊᖅᑲᐅᒪᖃᑦᑕᖅᑐᑦ ᐊᒻᒪ ᐊᑦᑐᓈᓕᖅᓯᓪᓗᑎ ᐊᑦᑕᑯᓄᑦ ᐊᒻᒪ ᐃᓄᓐᓄᑦ ᐊᒧᐊᖅᑕᐅᓪᓗᑎ.”

CHARS ᐱᐅᔫᒐᓗᐊᖅᑎᓪᓗᒍ ᐱᓕᕆᕕᐅᓪᓗᓂ, ᐱᐅᓂᖓ ᐊᑖᓃᑦᑐᑦ ᐃᒪᖏᓐᓂ ᐅᑭᐅᑕᖅᑐᒥ ᐃᒪᖓᓂ ᐊᖅᑲᐅᒪᔨᓂᑦ ᓲᕐᓗ ᓴᐃᕗᐊ ᐊᒻᒪ ᐋᕐᑯᔅ ᐅᑎᖃᑦᑕᖅᑐᑦ ᐃᖃᓗᑦᑑᑦᑎᐊᒧᑦ. “ᐊᖏᔪᒥᑦ ᐱᔪᓐᓇᐅᑎᖃᖅᓯᒪᔪᖓ ᐊᖅᑲᐅᒪᖃᑎᒋᓪᓗᒋᑦ ᑑᒑᓖᑦ ᐅᕙᓂ,” ᐋᖁᔅ ᐅᖃᖅᑐᖅ “ᐃᒪᕐᒦᖃᑎᒋᓪᓗᒋᑦ ᑑᒑᓖᑦ ᖃᓂᓪᓕᓛᕆᔪᓐᓇᖅᑕᑎᑦ ᐊᖅᑲᐅᒪᖃᑎᒋᓪᓗᒋᑦ ᑑᒑᓖᑦ.”